Levítico 26:6 - Biblia Enxet

⁶ Agkések sa' ektaqmalma kélheykha m'a kélókxa, kólnaqtének sa' chá'a meyke ektemégweykmoho exma, hakte méko sa' ko'o atnéssesek aqsok nawha'ák éllo m'a kélókxa nak, tén han kempakhakma.

Levítico 26:6 Iomraidhean Croise

2 Reyes 2:24

Appeynchamakpók axta neptámen Eliseo apkelányo m'a wokma'ák nak, keñe apkeltémo kaltemégwomhok exma yetlo apxeyenma apwesey Wesse' egegkok. Yetlómok axta élánteyapma ánet aqsok nawha'ák éllo m'a naxma nak, keñe ektemessáseykegko nápakha'a apketkók ma'a cuarenta y dos wokma'ák nak.

1 Crónicas 22:9

Étak sa' eyke exchep xama apketche meyke eklo apwáxok; tén sa' nahan ko'o wának kataqmelhok apheykha m'a katnaha nak apnámakkok apheykha nak ekyókxoho yókxexma. Cháxa keñamak peya nak kólteméssesek apwesey Salomón. Tásek sa' katnehek apheykha énxet'ák Israel neyseksa apha m'a.

2 Crónicas 20:30

Axta keñamak ektaqmalma ekteme meyke ektémakxa apteme wesse' apwányam ma'a Josafat, hakte Dios axta apméssók yaqwayam katnehek meyke ektáhakxa apkelwáxok ma'a apkelókxa ekhéyak nak nepyáwa'.

Job 11:19

Méko sa' chá'a keygwakkasek apkellókasa enxoho chá'a apyampé. Apxámok sa' énxet ey'áwak xép yaqwayam eltamhok epasmok.

Job 5:23

Megkalya'aksek sa' exma meteymog appeynchekmo enxoho xapop namyep apagkok, megkataqnókkehek sa' han ma'a aqsok nawha'ák.

Salmos 144:14

Tásek ektamhéyak lós'awók weyke nennaqtósso méko xama enxoho étkok étsapma awáxok. Méko élpayheykha enxoho kélatña'ák ektemégweykmoho exma m'a ámay egagkok nak.

Salmos 147:14

Meyke ektáhakxa apheykha apteméssessók énxet'ák ma'a xapop apagkok nak, apkelyaqkánegkessegkek apkeleykegko m'a hótáhap apaktek apkeltaqmalma apagko' nak.

Salmos 29:11

Wesse' egegkok apkelyennaqtésso énxet'ák apagkok, Wesse' egegkok apmésso ektaqmalma apheykha m'a énxet'ák apagkok nak.

Salmos 3:5

Eytek chá'a ko'o atyenek, axatakhak han chá'a, hakte Wesse' egegkok chá'a hepasmok.

Salmos 4:8

Wesse', eytek chá'a ko'o meyke sélya'ásekhaxma, ñohok nahan chá'a atyenek, hakte xép keñamak segkésso meyke ektáhakxa ewáxok.

Salmos 85:8

Weyxhok sa' ko'o peya nak exének Wesse' egegkok; hakte exének sa' egkések meyke ektáhakxa apheykha m'a énxet'ák apagkok, cham'a ektáha nak chá'a melyenseyam apkelyetleykha, melánegkokxo enxoho makham apkeltémakxa élyeyháxma.

Éxodo 23:29

Malántekkessesek sa' eyke sekxók ko'o makham xama apyeyam apwánxa enxoho exchep xa énxet'ák nak, yaqwayam enxoho megkataqmopagkehek heykxe xa xapop nak tén han kaxámekxak ma'a aqsok nawha'ák éllo nak tén han katwássesha chá'a kélheykha.

Proverbios 3:24

Apkellókassek sa' agkok chá'a apyampe, méko sa' katnehek ektamheykha apwáxok; apyetneyk sa' agkok, tásek sa' chá'a katnehek apteyenma.

Proverbios 6:22

kapékessesagkok sa' chá'a apxega enxoho, kataqmelchesek sa' nahan chá'a aptena enxoho, kapaqhetchesha sa' han chá'a m'a apxatakha'a enxoho.

Isaías 35:8

Keytek sa' nahan xama ámay ma'a neyseksa nak, kólteméssesek sa' ekwesey “ámay ekpagkanamaxche'”. Mopwanchek sa' elpéwhok élmanyása nak apkeltémakxa m'a; melpéwók sa' nahan chá'a m'a énxet'ák élyeyháxma nak.

Isaías 35:9

Méko sa' nahan katnehek yámakméwa m'a, megkalyepetchegwók sa' nahan ma'a aqsok nawha'ák éllo nak. Sa' elpéwhok elchexyók énxet'ák kélwagkasso nak teyp xa ámay nak,

Isaías 45:7

Ko'o sélane m'a élseyéxma tén han ekyaqtéssóxma, sektekkesso nahan ma'a ektaqmalma nak negha tén han ma'a ekmaso nak negha. Ko'o sélane chá'a xa ekyókxoho aqsok nak, sektáha nak Wesse'.

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Jeremías 30:10

“Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle'; Israel, ná égwe', hakte atekkesek sa' ko'o exchep se'e apchókxa makhawók agko', kélchexakhagweykenxa axta kélántekkessama yetlo aptawán'ák neptámen. Meyke ektáhakxa kélheykha sa' katnekxak makham, tén han ektaqmalma, meyke xama aqsok enxoho yaqwayam kalyegwakkasha.

Jeremías 31:26

Ekxatakha'ak axta, élyaháha axta nahan. Peykesákxeyk axta ewáxok ektáhakxa sekwanmagko.

Ezequiel 14:15

“Éláphássek agkok aqsok nawha'ák éllo m'a xama apkelókxa, yaqwayam enxoho kalnápok ma'a énxet apheykha nak kañe' tén han sektemessásekxo enxoho yókxexma meykexa énxet megkeyqwayam nak epéwhok eyeykhágwók xama énxet eñama apkeye m'a aqsok nawha'ák éllo,

Ezequiel 14:17

“Eyáphássek agkok nahan kempakhakma ekyókxoho xa kañe' nak apchókxa, séltamho enxoho eletsapok énxet tén han ma'a aqsok kélnaqtósso,

Ezequiel 14:21

“Ektáhak ko'o sekpeywa s'e sektáha nak Wesse': Kayágwomhok sa' aqsa ekmaso seyáphasa sa' ko'o cuatro nenlegeykegkoho ekmaso agko' ma'a Jerusalén, cham'a kempakhakma, meyk segaqhe, aqsok nawha'ák éllo tén han ma'a negmasse ekmaso, yaqwayam sa' kalnápok ma'a énxet tén han ma'a aqsok kélnaqtósso.

Ezequiel 34:25

Alának sa' ko'o ekhémo mók sélpaqhetchásamáxkoho m'a, yaqwayam sa' kataqmelek apkelweynchámeykha. Wának sa' kamassegwók aqsok nawha'ák éllo m'a apkelókxa, yaqwayam sa' kataqmelek apkelleykha nepkések seknaqtósso m'a yókxexma eyáxñe nak tén han kataqmelek apnaqteyenma m'a naxma.

Ezequiel 34:27

Keyxek sa' ma'a yenta'a élaqnéyak nak yókxexma, katekkesek sa' aqsok ekyexna eknakxamáxche m'a xapop, tásek sa' katnehek apkelweynchámeykha xapop apagkok apagko' nak ma'a. Élyementamákxeyk sa' agkok ko'o énxet'ák ahagkok ma'a ektáha nak chá'a apkelásenneykha naqsa, elya'ásegwók sa' ko'o sektáha Wesse'.

Ezequiel 5:17

Naqso', wáphaksek sa' ko'o kélnepyeseksa kéxegke m'a meyk, negmasse tén han ma'a nétsapma, tén han ma'a aqsok nawha'ák éllo yaqwayam sa' katnéssesek meyke kélketchek; wának sa' nahan ko'o kóltekyók kélxámokma kélagko' ma'a neyseksa kempakhakma. Ko'o sekxeyenma xa, sektáha nak Wesse'.”

Oseas 2:18

“Alának sa' ko'o ekhémo mók sélpaqhetchásamáxkoho aqsok nawha'ák éllo xa ekhem nak, tén han náta, tén han yéwa, yaqwayam sa' megkalteméssesha m'a énxet'ák Israel, alekkexek sa' ko'o yágke xa apchókxa nak amasséssók sa'; tén han ma'a sókwenaqte, tén han ma'a kempakhakma, yaqwayam sa' exmakha meyke ektáhakxa apkelwáxok énxet'ák ahagkok.

Oseas 2:20

Etáwa' sa' ko'o atnehek xeye', mayenyawha sa' chá'a, keñe sa' xeye' héltéhek Wesse'.

Levítico 25:18

Kóllána segánamakxa ahagkok, kólyahakxoho m'a seyánamakxa nak kóltéhek. Kólyahakxoho, tén sa' tásek katnehek kélheykha m'a kélókxa';

Levítico 25:19

keyxnések sa' aqsok xapop, keñe sa' kéxegke tásek katnehek kélheykha m'a kañe', kóltawagkok sa' ma'a aqsok ekyexnésso nak, ekwokmoho kélyaqkanakmo.

Levítico 26:22

Alhak sa' ko'o kéxegke aqsok nawha'ák éllo, yaqwayam sa' katnéssesek meyke kélketchek, tén han katnéssesek nekha'a étkók ma'a kélnaqtósso, keñe han katnessásekxak kélqántawók kéxegke, ekwokmoho ekmassa kélwetáxko apweynchámeykha kélxama m'a ámay kélagkok nak.

Levítico 26:25

Wahak sa' ko'o kéxegke kempakhakma eñama megkólláneyak ma'a ekhémo mók nélpaqhetchásamáxkoho ahagkok nak; kólenyahagkok sa' chá'a kéxegke kólmeyekxak ma'a tegma apkelyawe kélagkok nak, wáphássesek sa' eyke ko'o negmasse, keñe sa' kéxegke elmok ma'a kélenmexma.

Levítico 26:7

Kólmenxenek sa' kéxegke kélenmexma, etekyók sa' chá'a kélmonye'e kéxegke m'a;

Miqueas 4:4

Apyókxoho énxet'ák sa' exmakha meyke apkelaye, exmakha sa' ellókasek apkelyampe kóneg anmen yámet pessesse agkok, tén han kóneg higo yámet. ¡Wesse' egegkok ekha apyennaqte appeywa xa!

Sofonías 3:13

Melanagkek sa' aqsok megkapéwomo m'a énxet'ák Israel apkeleymomap nak meletsapma, metnahagkek sa' han chá'a apkelmopwancha'a amya'a, melyexanchesha sa' nahan chá'a pók. Apwanchek sa' etawagkok aptéyak tén han ellókasagkok apkelyampe meyke apkelaye xama aqsok enxoho.”

Hageo 2:9

Aptásók apagko' sa' etnehek se'e tegma appagkanamap nak, mexók sa' ma'a apmonye' apkelánamap axta. Keñe sa' ko'o wának keytek meyke ektáhakxa apheykha énxet'ák se'e yókxexma nak. Ko'o sekxeyenma xa, sektáha nak Wesse' ekha sekyennaqte.”

Zacarías 9:10

Sa' emasséssessók yátnáxeg apkelyenyawasso apagkok nak ma'a Efraín, tén han yátnáxeg nak ma'a Jerusalén, tén han ma'a yágke kélmeykha nak chá'a kempakhakma. Eltennasagkok sa' yaqwayam katnehek meyke ektáhakxa apheykha m'a apyókxoho pók aptémakxa nak énxet'ák, kawomhok sa' apteme aptaqmelchesso m'a ekyókxoho wátsam ekwányam, eyeynamo m'a Éufrates ekweykmoho m'a néxa xapop nak keso náxop.