Levítico 26:5 - Biblia Enxet

⁵ exek sa' han hótáhap apaktek kélagkok, ekweykmoho kélnakxa m'a anmen yámet ekyexna, keñe sa' kaxek anmen yámet ekyexna ekweykmoho kélchenákxo makham aqsok aktek; kóltawagkok sa' kéltéyak ekwokmoho kélyaqkanakmo, tásek sa' katnehek kélheykha m'a kélókxa.

Levítico 26:5 Iomraidhean Croise

Salmos 144:13

Kelláneykegkok aqsok aktek negkeneykekxa m'a nenxátamakxa nak chá'a, kelláneykegkok mók ektémakxa nento. Xámeykekxók agko' ma'a aqsok nennaqtósso, xámok han ma'a yókxexma egagkok.

Salmos 90:1

Wesse', xép apteme chá'a negyexánegweykekxexa.

Éxodo 16:8

Tén axta Moisés aptáha appeywa s'e: —Taxnám sa' elmésagkok kéxegke Wesse' egegkok ápetek yaqwayam kóltawagkok, tén sa' ma'a saka elmésagkok kelpasmaga apxámokma apagko', hakte aplegayak chá'a ektémakxa kéxegke kélxéneykha ekmaso. Negko'o eyke kaqhok hẽlxénmakha. Mehẽlxénaha nahan chá'a negko'o ekmaso kéxegke, akke kélxénaha chá'a ekmaso m'a Wesse' egegkok.

Proverbios 1:33

wánxa agkok ma'a énxet ektáha nak aptaqmelchessamo apháxenmo sekpeywa, tásek sa' katnehek apha, meyke apkeye xama aqsok ekmaso enxoho.”

Proverbios 18:10

Wesse' egegkok apwesey ekteme segmasma ekyennaqte, apkelmeyeykekxexa nak chá'a elyexánegwakxak ma'a énxet'ák apkelpéwomo nak.

Isaías 1:19

Leyawók sa' agkok kélwáxok kóltéhek ekha kélyeheykekxoho, kóltawagkok sa' aqsok ekyexna éltaqmalma ektekkesso nak xapop;

Isaías 30:23

Egkések sa' ekmámeye Wesse' egegkok, yaqwayam sa' kólchenekxak aqsok aktek, katekkesek sa' apxámokma apagko' hótáhap aptaqmalma m'a xapop. Xámok sa' nahan katnehek yókxexma yaqwánxa kallawha katawagkok pa'at weyke kélnaqtósso xa ekhem nak.

Jeremías 23:6

Méko sa' katnehek apheykha énxet'ák Judá neyseksa apteme wesse' apwányam, méko sa' nahan katnehek ektáhakxa apheykha m'a énxet'ák Israel. Keso yaqwánxa sa' kólteméssesek apwesey s'e: ‘Wesse' egegkok segmallahanchesso.’”

Oseas 2:18

“Alának sa' ko'o ekhémo mók sélpaqhetchásamáxkoho aqsok nawha'ák éllo xa ekhem nak, tén han náta, tén han yéwa, yaqwayam sa' megkalteméssesha m'a énxet'ák Israel, alekkexek sa' ko'o yágke xa apchókxa nak amasséssók sa'; tén han ma'a sókwenaqte, tén han ma'a kempakhakma, yaqwayam sa' exmakha meyke ektáhakxa apkelwáxok énxet'ák ahagkok.

Oseas 2:20

Etáwa' sa' ko'o atnehek xeye', mayenyawha sa' chá'a, keñe sa' xeye' héltéhek Wesse'.

Joel 2:19

aptáha s'e: “Wáphássesek sa' ko'o kéxegke hótáhap apaktek, tén han vino, tén han pexmok égmenek, ekwokmoho kélyaqkanakmo; magwohók sa' kaxwók elya'ássók kéxegke m'a énxet'ák mehey'áseyak nak ko'o.

Joel 2:22

Aqsok nawha'ák, nágkóle', hakte kaltaqmelagkokxak sa' pa'at, keyxek sa' nahan yenta'a, xámok sa' katnehek higo ekyexna, tén han anmen yámet ekyexna.

Joel 2:26

Kóltawagkok sa' kéltéyak kéxegke ekwokmoho kélyaqkanakmo, kólteméssesek sa' nahan apcheymákpoho Dios Wesse' kélagkok, hakte élánéssegkek ko'o kéxegke ekyawe agko' aqsok ektaqmalma nak. Kamaskok agko' sa' elmegqeyk ma'a énxet'ák ahagkok,

Amós 9:13

“Xegakmek ekhem peyakxa sa' mepenchesakpók apnakxamap hótáhap apyexna, kólpeynchámekxak makham ma'a xapop, tén han yaqwánxa sa' megkapenchesaxkók kélteyáyam anmen yámet ekyexna, kólchenekxak makham ma'a hótáhap apaktek. Máxa yegmen ényé sa' katnehek kanyehek vino m'a néten xóp élekhahéyak.

Deuteronomio 11:15

Yának sa' nahan kaltektépegkokxak pa'at ma'a yókxexma, yaqwayam sa' katawagkok ma'a kélnaqtósso nak kéxegke, yának sa' nahan kaxek kéxegkáxa ekxámokma agko' ma'a kéltéyak.