Levítico 26:43 - Biblia Enxet

⁴³ cham'a peyakxa nak kólántépok kéxegke, tén han peyakxa nak kallókasek ekyampe neyseksa kélánteyapma kéxegke; ayaqmagkásekxak sa' ko'o kéltémakxa ekmaso kéxegke, hakte kélwanyémok ma'a seyánamakxa nak kóltéhek, kéltaqnagkamchek ma'a segánamakxa ahagkok.

Levítico 26:43 Iomraidhean Croise

2 Crónicas 33:12

Xama axta apwet'a aplegeykegkoho ekmaso, apwóneyha axta Dios Wesse' apagkok, chaqhegkek agko' axta apwáxok aptémakxa nápaqtók ma'a apyapmeyk nano' axta Dios apagkok.

2 Crónicas 36:21

yaqwayam katnehek ma'a apxeyenma axta Dios, eñama axta aplegasso m'a Jeremías, apteme axta Dios appeywa aplegasso. Cháxa ekwanmeyeykekxo axta apchókxa'; wanmeyeykekxeyk axta aqsa yókxoho ekhem ekmasagko, ekwokmoho eksawhéxko setenta apyeyam.

Job 5:17

Apkeleñémo énxet apnókáseykha nak aptáhakxa m'a Dios; ná etaqhéssesho aqsa aplegassáseykegkoho m'a Ekha nak Apyennaqte.

Salmos 119:67

Xámok axta aqsok magwaqhémo, mehenyassáseykegkaxa axta, élyaheykekxók eyke kaxwók ma'a appeywa.

Salmos 119:71

Tásek setnéssessamakxa setnessáseykekxo mékoho, cháxa keñamak séltámeya nak ma'a segánamakxa apagkok.

Salmos 119:75

Wesse', ekya'ásegkók ko'o apchánamakxa nak antéhek ekteme élpéwomo, ekya'ásegkók han chá'a ekpayhawo m'a señássásegkoho enxoho chá'a.

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Salmos 50:17

megkalcha enxoho kélwáxok alxekmósagkok, tén han megkólámenyého enxoho m'a sekpeywa.

Isaías 26:16

Wesse', agketmok chá'a exchep nenlegágkoho enxoho ekyentaxnamo egwáxok, cham'a senlegassásegkoho enxoho, yetlo magyennaqtésso nempaqhetchesso.

Jeremías 31:19

Ekyamasmeyk axta ko'o exchep, chaqhak eyke kaxwók ewáxok ma'a sektémakxa; ekya'ásegwákxók ekyetna may'assáxma, ektekpagáha egkenyek; ekmegqágweykxók ahagko', may'ásegkok sektáhakxa eñama m'a may'assáxma sélane axta sektémakxa wokma'ák.’

Daniel 9:14

Wesse' egegkok, cháxa keñamak senlánéssama nak negko'o yaqwayam henlegássesagkohok xa aqsok ekmaso nak, tén han apcháphasa negyeseksa negko'o; hakte péwók chá'a katnehek ma'a ekyókxoho aqsok apkelane nak xép, Dios Wesse' egegkok; makke negko'o agmáheyók ageyxhok chá'a exchep.

Levítico 26:11

“Axek sa' chá'a ko'o kélnepyeseksa kéxegke, makxayhek sa' chá'a;

Levítico 26:15

kéltaqnawaya enxoho, tén han kélwanyawo enxoho m'a segánamakxa ahagkok, tén han seyánamakxa nak kóltéhek, megkólyahákxo enxoho xama m'a séltémókxa nak kóltéhek, cháxa megkóllana m'a ekhémo mók nélpaqhetchásamáxkoho,

Levítico 26:30

Amasséssók sa' ko'o m'a kélpeykessamókxa nak chá'a aqsok kéláyókxa, alpáxqátek sa' chá'a ko'o neyseksa m'a kélwatnamakxa nak chá'a aqsok ánek ekmátsa nak ekpaqneyam éten agkok; athanchásekxak sa' ko'o mók kélhapák kéxegke m'a néten nak kéleykmássesso kélagkok élyaqnenéyak, altaqnaweygkok ahagko' sa' ko'o kéxegke.

Levítico 26:41

alenmexekxak sa' ko'óxa kéxegke, alya'aksek sa' ma'a apkelókxa nak kélenmexma, sa' katnégwók mékoho ektémakxa nak kéxegke élchetámeykha kélwáxok ma'a, kólhaxkohok sa' aqsa kóllegássesagkohok eñama megkólya'assáxma.

Amós 5:10

¡Kéxegke laye, kéltaqnagko nak chá'a m'a énxet apmasma nak nentémakxa ekpéwomo, tén han megkaleklo nak chá'a kélwáxok ma'a apteméssesso nak chá'a naqsók appeywa!

Zacarías 11:8

Élántekkessek axta nahan apqántánxo keláneykha nepkések xama pelten, séleklágwayam axta ko'o apkeltémakxa tén han setaqnagko axta ko'o.

Deuteronomio 32:36

“Epasmok sa' énxet'ák apagkok Wesse' egegkok ma'a apwet'a sa' ekmassa apkelyenna. Apyósekak sa' elanok apkeláneykha Wesse' egegkok ma'a apwet'a sa' megyeymékpo xama m'a kélásenneykha nak tén han ma'a metnaha nak kélásenneykha,