Levítico 26:40 - Biblia Enxet

⁴⁰ “Kólya'ásegwakxohok sa' eykhe kéxegke kéltémakxa ekmaso, tén han apkeltémakxa ekmaso axta m'a kélyapmeyk nano', tén han ma'a kélyenseyam nak sélyetleykha, tén han sélenmexeykekxa chá'a ko'o,

Levítico 26:40 Iomraidhean Croise

1 Reyes 8:47

xénwokmek sa' agkok apkelwáxok elyo'ótak makham xép neyseksa apheykha m'a yókxexma kélya'assamakxa axta, apwónéncha'a enxoho tén han apkelya'ásegwokmo enxoho apkeláneyak melya'assáxma, tén han apkeláneyak apkeltémakxa ekmaso,

1 Reyes 8:48

apya'aweykto enxoho yetlo ekmáyheykegkoho agko' apkelwáxok ma'a apchókxa nak apkelenmexma kélya'assamakxa axta kélnaqleykekxo apkelmomakpo, apkelpayhentámho enxoho elmaxneyagkok se'e xapop apméssamakxa axta apyapmeyk nano', tén han se'e tegma apwányam apkelyéseykegkaxa axta, keñe han se'e tegma appagkanamap sélánésso axta ko'o exchep,

Esdras 10:11

Kólya'ásegwakxoho kéxegke kélteme kélsexnánémaxche s'e nápaqto' nak Wesse' egegkok, Dios apagkok nak kélyapmeyk, kóllána chá'a m'a apmopmenyého nak Wesse' egegkok, nágkólpaxqaha kaxwók ma'a énxet'ák melya'áseyak nak Dios, tén han se'e kelán'ák megkatnaha nak kélpeywomo xamo'.

Esdras 9:15

“Wesse', Dios nak Israel, péwók negko'o nenteméssessamakxa exchep, apchahayók xép eleymakpok neghekha meletsapma, negwet'a nak makham se'e kaxwo' nak. Naqsók negko'o nélsexnánémaxko nápaqtók xép; cháxa keñamak magkegwagko nak ólwakxak ma'a aphakxa nak.”

Esdras 9:6

sektáha s'e: “Dios ahagkok, ekmegqakkek ahagko' ko'o, may'ásegkok sektáhakxa, mowanchek sekmako alanok xép. Yeykhágwokmok agko' ma'a ektémakxa nak negko'o mólya'assáxma, weykmók néten ma'a nentémakxa nélsexnánémaxche'.

Salmos 32:5

Éltennássek axta eyke ko'o exchep may'assáxma meyke seyáyam xama enxoho, tén han sektémakxa ekmaso; xénchek axta ko'o ewáxok altennaksek may'assáxma, keñe axta exchep, Wesse', meyaqmagkásekxo.

Proverbios 28:13

Asagkek katnehek apha m'a énxet appósso nak chá'a mey'assáxma; yásekhekxohok eyke chá'a Dios ma'a énxet apkeltennasso nak chá'a aptémakxa, tén han apyenyeykekxa nak chá'a.

Jeremías 14:20

Wesse', nélya'asegwákxók negko'o m'a néltémakxa ekmaso, tén han apkeltémakxa melya'assáxma axta m'a ẽlyapmeyk nano'; nenláneykegkek negko'o mólya'assáxma nenmexeykekxo exchep.

Lamentaciones 1:20

¡Wesse', elano ektémakxa ekyentaxno ewáxok! ¡Eklegeykegkók ekmaso ewáxok! Añegkohok chá'a ekmáske ewáxok ekxénwákxoho enxoho chá'a ewáxok sektémakxa sénmexeykekxo. Sókwenaqte aptekyawák étchek ma'a yókxexma, keñe han se'e kañe' nak, ekyetnama apkeletsapma énxet'ák.

Ezequiel 14:23

Kaltaqmelekxak sa' kélwáxok kélwet'a sa' apkeltémakxa m'a tén han ma'a aqsok apkelánéyak. Keñe sa' kólya'ásegwók kéxegke megkatnaha eyaqhémo yaqwayam alának ekyókxoho m'a sekteméssesakxa enxoho m'a Jerusalén. Ko'o sekxeyenma xa, sektáha nak Wesse'.”

Ezequiel 36:31

Xénwákxók sa' agkok chá'a kélwáxok kéxegke m'a kéltémakxa ekmaso tén han ma'a ektémakxa nak chá'a aqsok ekmaso kélláneyak, kólmegqasaxkohok kélagkók sa' chá'a kéxegke eñama m'a kéltémakxa megkólya'assáxma tén han aqsok ekmaso kéllánéyak.

Oseas 5:15

“Keñe sa' ataqhohok makham ma'a séñamakxa, ekwokmoho apkelya'ásegwokmo melya'assáxma m'a, tén han apkelchexyekmo enxoho hektamok ko'o. ¡Hektamok sa' neyseksa apkellegeykegkoho!”

Levítico 26:21

“Kéllenxanakmók sa' agkok sélenmexeykekxa ko'o kéxegke, tén han mehelyahákxoho enxoho, ayánchessamhok sa' ko'o makham séllegassáseykegkoho ekyentaxno agko', ekhawo ektémakxa nak ma'a megkólya'assáxma.

Levítico 26:24

alenmexekxak sa' ko'óxa kéxegke, ayánchessamhok sa' han séllegassáseykegkoho ekyentaxno agko', eñama megkólya'assáxma.

Levítico 5:5

“Énxet eksexnenagko enxoho apteme xa ekyókxoho aqsok nak, kéméxcheyk exénekxohok ma'a mey'assáxma apkelane nak,

Números 5:7

kéméxcheyk ey'ásegwakxoho'. Kéméxcheyk egkeyásekxak mók ekyaqmageykekxa aqsok aptawassáseykha m'a pók, exnéshok ma'a ekwánxa aqsok aptawassáseykha, keñe egkeyásekxohok makham mók néten.

Josué 22:15

Apyókxoho axta apkelmahágkok Galaad xa, apkelhákxexa axta m'a Rubén énxet'ák apagkok tén han Gad, keñe han ma'a nápakha nak Manasés énxet'ák apagkok. Aptáhak axta apkeláneya s'e:

Josué 7:19

Aptáhak axta Josué apcháneya m'a Acán: —Eyáxeg, etnésses sa' apcheymákpoho Wesse' egegkok, Dios apagkok nak Israel. Héltennés sa' ma'a aqsok apkelane nak. ¡Ná ekpós aqsa!