Levítico 23:42 - Biblia Enxet

⁴² Kólhakha sa' kéxegke ekweykmoho siete ekhem kóneg yámet aktegák kélpakxanma, kéxegke kélteme nak israelitas kélagko',

Levítico 23:42 Iomraidhean Croise

Génesis 33:17

keñe axta Jacob apmeyákxo m'a Sucot, cha'a apkelánegwákxexa axta han apxagkok ma'a, appakxenchesa han yenta'a aktegák ma'a apnaqtósso nak. Axta keñamak apteméssessama ekwesey Sucot xa yókxexma nak.

Jeremías 35:10

Nélpakxeneykegkek eyke aqsa, nenláneykegkek nahan ekyókxoho m'a apkeltémókxa axta chá'a antéhek ma'a egyáp nano' Jonadab.

Oseas 12:10

“Élpaqhetchessegkek axta ko'o m'a apkellegasso axta sekpeywa, ekxámássessegkek axta aqsok sekxekmósso, ekxeyenmeyk axta ko'o aqsok sekyetcháseykekxoho eñama sélásenneykekxa m'a.

Oseas 12:9

Wának sa' ko'o makham exek appakxanma, ko'o sektáha nak Wesse' Dios apagkok, eyeynamo m'a aphamakxa axta Egipto, ektéma axta m'a sekxók axta nélwetamaxko m'a yókxexma meykexa nak énxet.

Levítico 23:34

“Etne sa' elának israelitas se'e: Kalanaxchek sa' chá'a kélessawássessamo kélpakxeneykegkaxa yenta'a aktegák étkók, megkólwagqayam Wesse' egegkok, ekhem quince, pelten siete,

Levítico 23:41

Yókxoho apyeyam sa' chá'a kóllának kéxegke kélessawassamo ekweykmoho nak siete ekhem, megkólwagqayam nak Wesse' egegkok, cham'a pelten siete nak. Cháxa segánamakxa meyke néxa xa, yaqwayam sa' kawakxohok ma'a apyapmeyk, tén han kélketchek.

Números 24:2

Xama axta apwet'a Balaam énxet'ák Israel aptéma apkelpakxenéyak apagko' chá'a m'a ektáhakxa nak chá'a énxet'ák apagkok, aptaxneyk axta apwáxok Dios espíritu apagkok.

Números 24:5

¡Jacob, apkeltásek apagko' xép apkelpakxanma! ¡Israel, tásók agko' nak la'a kélpakxeneykegkaxa!