Levítico 21:6 - Biblia Enxet

⁶ epagkanchesakpohok apagko' sa' aqsa m'a Dios apagkok, metwássesha sa' nahan ma'a apwesey, hakte cháxa apkelmésso chá'a m'a aqsok kélmésso naqsa kélwatno, tén han kelpasmaga m'a Dios apagkok, kéméxcheyk etnahagkok chá'a apkelpagkanamap.

Levítico 21:6 Iomraidhean Croise

Esdras 8:28

Keñe axta sektáha séláneya s'e: “Kélpagkanchásexcheyk kéxegke m'a Wesse' egegkok, ekhawo han xa aqsok kélmeykegkaxa nak. Wesse' egegkok apagkok ma'a sawo ekmope élmomnáwa, tén han ma'a sawo élyátekto élmomnáwa nak, cham'a Dios apagkok nak ma'a ẽlyapmeyk.

Éxodo 19:22

Kammohok sa' nahan apkeláxñáseykekxa apyempe'ék ma'a énxet'ák apkelmaxnéssesso nak chá'a énxet'ák ahagkok apmopwancha'a nak chá'a ko'o hépetchegwoho', hakte allegássesagkohok ko'o katnehek ekyentaxno agko' xa énxet'ák nak.

Éxodo 28:36

“Elána sa' nahan xama aqsok ekpayhe élyenma sawo ekyátekto agko' la'a, elqahes sa' nahan ektémól'a m'a xama kélqahassól'a, ekxeyenma nak ekpeywa ‘Nempagkanchásamáxche Wesse' egegkok’.

Éxodo 29:44

Apagkanek sa' nahan ko'o m'a kélpakxanma apchaqneykekxexa nak chá'a énxet'ák, tén han ma'a ekwatnamáxchexa nak chá'a aqsok, apagkanek sa' nahan ma'a Aarón tén han apketchek yaqwayam etnahagkok apkelmaxnéssesso énxet'ák ahagkok.

Isaías 52:11

¡Kólántép kaxwók Babilonia, kólántép, nágkólpaknegwomho kaxwók xama aqsok ekmanyása, kólántép kaxwók Babilonia! ¡Kólmópesaxkoho kaxwo' kélseykha nak chá'a m'a aqsok kélmeykegkaxa apagkok nak ma'a Wesse' egegkok!

Ezequiel 44:7

Kélpeysegkessegkek kéxegke tegma appagkanamap ahagkok kélhayo apkelántaxnama m'a énxet'ák megkatnaha nak kélókxa xamo', cham'a énxet'ák meyke nak kélqaháseyak apwáxok tén han apyempe'ék ma'a ekhémo mók nélpaqhetchásamáxkoho ahagkok; kélpeysegkessegkek sélméssama kélteméssessama sekto m'a kélnaqtósso ektekyawa nak pexmok agkok tén han ma'a éma agkok nak, kéltawáseykha ekhémo mók nélpaqhetchásamáxkoho ahagkok kélláneykegko ekyókxoho s'e kéltémakxa élmasagcha'a agko' nak.

Levítico 10:3

Keñe axta Moisés aptáha apcháneya Aarón se'e: —Cháxa apmáheyo axta exének Wesse' egegkok aptéma axta appeywa s'e: ‘Énxet sépetchegwayo enxoho ko'o, axekmósek sa' sekteme sekpagkanamaxche ahagko', hélteméssesek sa' ko'o seyeymáxkoho nápaqta'awók apyókxoho israelitas.’ Apwanmakkek axta eyke aqsa Aarón.

Levítico 18:21

“Ná egkés xama enxoho apketche yaqwayam etnehek apmésso naqsa m'a dios Moloc. Ná etnésses etwasha sekwesey xa ektáha nak, ko'o sektáha nak Dios apagkok. Ko'o sekteme Wesse' kélagkok.

Levítico 19:12

“Nágkólteme nahan chá'a kélmowána amya'a kólxének kóllának aqsok yetlo kélmeykha sekwesey, hakte kóltawasha katnehek apwesey Dios kélagkok. Ko'o sekteme Wesse' kélagkok.

Levítico 20:3

Wanmexek sa' ko'o xa énxet nak, atekkesek sa' nepyeseksa énxet'ák apagkok, eñama apkenyetsésso m'a kélpakxanma appagkanamap ahagkok, tén han aptawáseykha m'a sekwesey ekpagkanamaxche' apkelméssama apketchek ma'a dios Moloc.

Levítico 21:17

“Eltennés sa' Aarón, megkólhók chá'a xama enxoho apkelmaxnéssesso Dios énxet'ák apagkok, esakxések aqsok apmésso naqsa kelpasmaga m'a Dios apagkok, ekmaso nak chá'a apyókxa' megkatnégwayam néxa.

Levítico 21:21

Méko sa' xama apkelmaxnéssesso Dios énxet'ák apagkok Aarón aptawán'ák neptámen, apwanchek esakxések Wesse' egegkok aqsok apkelmésso naqsa apkelwatno ekmaso nak apyókxa'; mopwanchek sa' esakxések aqsok apmésso naqsa kelpasmaga m'a Dios apagkok, hakte yetneyk ekmaso apyókxa'.

Levítico 21:23

mopwanchek sa' eyke eyeykhak ma'a teyp apyexnamakxa nak apáwa kélapma, tén han épetchegwomhok ma'a ekwatnamáxchexa aqsok, yaqwayam enxoho metwasha ektémakxa nak ekpagkanamaxche m'a kélpakxanma, eñama ekmaso apyókxa'. Ko'o sekteme Wesse', sekteméssesso apkelpagkanamap.”

Levítico 21:8

Kóltemésses chá'a apkelpagkanamap kélnepyeseksa xa apyókxoho nak, hakte cháxa apkelseykekxésso chá'a kelpasmaga m'a Dios kélagkok. Apkelpagkanamap sa' chá'a etnahagkok kélnápaqta'awók kéxegke, hakte ko'o sekpagkanamaxche', sektáha nak Wesse', ko'o han sekteméssesso apkelpagkanamap.

Levítico 3:11

Apkelmaxnéssesso Dios énxet'ák apagkok sa' elwatnek ekyókxoho m'a néten élwatnamáxchexa nak aqsok, yaqwayam katnehek kélmésso naqsa kélwatno ektámáxche, kélmésso m'a Wesse' egegkok.

Números 16:5

aptáhak axta apcháneya Coré, tén han ma'a ektáha axta appasmeykekxa: —Saka axto'ók agko' sa' hegya'ássesagkohok Wesse' egegkok, yaqsa kexaha ektáha apagkok, tén han yaqsa kexaha apkelpagkanma, tén han ekmowána keypetchegwomho'. Wánxa sa' aqsa apwanchek épetchegwomhok ma'a ektáha nak apkelyéseykha.

Números 28:2

“Yána sa' chá'a ko'o hesantagkasek kelpasmaga m'a israelitas, tén han aqsok sélmésso naqsa apkelwatno ekhem élánamáxchexa nak chá'a kélessawássessamo, yaqwayam sa' katnehek aqsok sélmésso naqsa ekmátsa nak ekpaqneyam atekhánek ko'o.