Levítico 20:5 - Biblia Enxet

⁵ wanmexek sa' ko'o, tén han ma'a apnámakkok nak, atekkesek sa' han nepyeseksa m'a énxet'ák apagkok, yetlo m'a apyókxoho ektáha nak chá'a apnaqtawásamákpoho xamo', apkelye'eykekxa m'a Moloc.

Levítico 20:5 Iomraidhean Croise

2 Crónicas 21:11

Apkelánegkek axta han kélpeykessamókxa chá'a aqsok kéleykmássesso m'a egkexe nak Judá, axta keñamak han apkelwátessáseyak apkelyetleykha Wesse' egegkok ma'a énxet'ák apheykha nak Jerusalén, tén han apkelyetnakhásseyam ma'a énxet'ák nak Judá.

Salmos 106:39

apkelenyetséssegkek axta apyempe'ék apkeláneykegko ekyókxoho apkeltémakxa ekmaso, apnaqtawásamákpek axta, eñama ektémakxa axta aqsok apkelánéyak.

Éxodo 20:5

Nágyaháxe amonye'e xa, ná elpeykesho nahan, hakte ko'o sekteme Dios Wesse' apagkok, sekteme Dios apkelmeyeykha, sekyaqmagkáseykekxoho nak chá'a ko'o apkeltémakxa élmasagcha'a m'a apyapmeyk ektáha nak chá'a ko'o setaqnagko, tén han ma'a apketchek, tén han ma'a aptawán'ák ekweykekxoho m'a apketchek nak aptawán'ák.

Jeremías 3:2

“Kanmexekxoho hana egkexe éláxñeyo nak, kataqmelchesho sa' élányo: ¿háxko megkalánegweykenxa exche' ektémakxa megkamasexta? Kaxek chá'a exche' nekha ámay kaleyxek élásekhayókxa, aptamheykegkól'a árabe m'a yókxexma meykexa nak énxet. Kenyetséssegkek apchókxa ektémakxa megkamasexta, tén han ektémakxa ekmaso.

Jeremías 32:39

Wának sa' ko'o etnahagkok wánxa apkelmopmenyého etnehek seyáyo neyseksa apheykha, yaqwayam sa' kataqmelek apheykha, yetlo aptawán'ák neptámen.

Jeremías 44:11

“Cháxa keñamak sektáha nak ko'o séláneya kéxegke, ko'o sektáha nak Wesse' ekha sekyennaqte, Dios apagkok nak Israel: Ekxénchek ko'o alhak kéxegke aqsok ekmaso, tén han amasséssók ekyókxoho apchókxa Judá.

Oseas 2:13

Añássesagkohok sa' ko'o ektémakxa axta m'a nentámen axta élméssama axta chá'a kéleykmássesso m'a aqsok ekmátsa nak ekpaqneyam éten agkok, élnáxegkáseykencha'a axta chá'a élatchessessama aphék ma'a élatchesso aphék, tén han élnatanma, yaqwayam kalyetlók ma'a élpathetéyak nak chá'a, ekmassama axta ekxeyenma awáxok ko'o. Ekxénchek ko'o xa, sektáha nak Wesse'.

Oseas 2:5

Keláneyak axta ekmaso ektémakxa megkamasexta m'a egken nak, massegkek axta ekteme meyke ektémakxa', ektéma axta ekpeywa s'e: ‘Ategyaha sa' ko'o sélpathetéyak, segkésso nak chá'a sekto, tén han ma'a yegmen, tén han nepkések apwa', tén han apáwa apkeláxñeyo nak, tén han pexmok égmenek, tén han ma'a sekya.’

Levítico 17:10

“Altaqnaweygkok sa' ko'o apyókxoho israelitas, essenhan ma'a apkeleñama nak mók apkelókxa, apheykha nak kélnepyeseksa kéxegke, aptéyak nak chá'a ápetek yetlo éma. Atekkesek sa' chá'a ko'o nepyeseksa m'a énxet'ák apagkok.

Levítico 17:7

Melmeyásekxók sa' chá'a kaxwók aqsok apkelnapma m'a kelyekhama apkelpeykessamo axta chá'a, eknaqtawáseykencha'a axta. Sa' katnehek kélánémaxchexa kóltéhek kéxegke meyke néxa xa, kawakxohok sa' ma'a apyapmeyk tén han kélketchek nak.

Levítico 20:4

Sa' agkok kalyetnakhássók apkelwáxok énxet'ák apheykha nak apchókxa xa aqsok nak, megyáneya enxoho chá'a ematñekxak xa énxet nak,

Levítico 20:6

Apkelya'aweykxeyk sa' agkok chá'a énxet ma'a apkelpaqhetchásamákpoho nak chá'a kélhagák, tén han ma'a apkelya'áseykegkoho nak chá'a aqsok ekpowásamaxche', apnaqtawáseykpo enxoho eñama apkelyetlo, wanmexek sa' ko'o xa énxet nak, atekkesek sa' nepyeseksa énxet'ák apagkok.