Levítico 2:13 - Biblia Enxet

¹³ “Kéméxcheyk xép yenchahak chá'a yásek ma'a ekyókxoho aqsok aktek ekyexna apmésso naqsa nak. Ná egkés aqsa aqsok aktek ekyexna apmésso naqsa nak xép meyke nak yásek, hakte yásek ekteme ekyetchesamaxkoho m'a ekhémo mók nélpaqhetchásamáxkoho Dios apagkok. Yenchaha sa' chá'a yásek ma'a ekyókxoho aqsok apmésso naqsa nak.

Levítico 2:13 Iomraidhean Croise

2 Crónicas 13:5

¿Yagkólya'ásegkok kéxegke apméssama apchókxa David ma'a Wesse' egegkok, Dios nak Israel, tén han ma'a aptawán'ák neptámen nak, yaqwayam etnahagkok chá'a apkelwesse'e apkelwányam meyke néxa, eñama m'a ekhémo mók apkelpaqhetchásamákpoho megkólmowána nak kólmasséssók?

Esdras 7:22

ekméssek ko'o néxa yaqwayam kólmések chá'a tres mil trescientos kilos sawo ekmope ekmomnáwa, tén han veintidós mil kilos ma'a hótáhap apaktek, dos mil doscientos litros vino, tén han dos mil doscientos litros pexmok égmenek, tén han ekyókxoho yásek apkelmaxneyakxa enxoho.

Éxodo 30:35

Elána sa' xama aqsok ekmátsa agko' ekpaqneyam éten agkok xa, tén han ekpagkanamaxche', etaqmelcheshok sa' apkencheheykekxa mók ma'a ekyókxoho nak, aptémól'a elának sokmátsa apagkok ma'a énxet apkeláneyól'a sokmátsa.

Ezequiel 43:24

keñe sa' hélmések. Elexpaqheykha sa' yásek ma'a appasmo nak apkelmaxnéssesso Dios énxet'ák apagkok tén sa' elwatnek, etnéssesek sa' aqsok élwatnamáxche ahagkok ko'o.

Números 18:19

Almések sa' ko'o exchep ma'a ekyókxoho apcháncheseykekxa nak israelitas sélpagkanchesso ko'o, tén han ma'a apketchek apkelennay'a, tén han ma'a kelwán'ák, ekheykha nak makham xamók xép. Megkamassegwomek sa' chá'a ekteme xa. Ekhémo mók nélpaqhetchásamáxkoho megkólmowána nak megkalanaxche', meyke néxa, sélánésa nak ko'o exchep, tén han ma'a aptawán'ák neptámen nak.”