Levítico 19:11 - Biblia Enxet

¹¹ “Nágkólmenyex nahan chá'a. Nágkólteme chá'a kélmowána amya'a, nágkólyexanchesha han chá'a kélmók.

Levítico 19:11 Iomraidhean Croise

2 Samuel 17:20

Xama axta apkelwokmo m'a Absalón apkelxegexma'a, aptáhak axta apkelmaxneyáncha'a kelán'a: —¿Háxko apkelmahágkaxa Ahimaas tén han Jonatán? —Exchek so apkelyeyk'ak se'e, apkelmahágko m'a ekpayho nak wátsam —axta entáhak eyátegmowágko m'a kelán'a. Keñe axta apkelamhágko m'a Absalón apkelxegexma'a, xama axta melwetákxo, apkeltaqháwo makham ma'a Jerusalén.

1 Reyes 13:18

Keñe axta m'a énxet apwányam aptáha apcháneya s'e: —Ko'o han sekteme Dios appeywa seklegasso, aptéma nak xép, Dios apchásenneykha apkeñama nak Wesse' egegkok han apkeltamhók ko'o exchep eyntemekxak ma'a exagkok, tén han wagkok apto, tén han ma'a yegmen. Apkelyexancháseyha axta eykhe m'a énxet apwányam nak,

Salmos 101:7

Mexek sa' eyke chá'a exagkok ma'a apmopwána amya'a nak, ¡mexek sa' chá'a sekhakxa xama enxoho m'a metne nak chá'a ekmámnaqso' appeywa!

Salmos 116:11

Ekxeyenmeyk axta aqsa ko'o apyókxoho énxet'ák apteme apkelmopwancha'a amya'a, neyseksa may'áseyak sektáhakxa.

Éxodo 20:15

“Ná emenyex.

Éxodo 20:16

“Ná etne apmopwána amya'a exének ekmaso pók.

Éxodo 20:17

“Nágkatsep apnények elanok ma'a pók apxagkok: nágkatsep apnények elanok ma'a aptáwa' nak, tén han ma'a apkeláneykha nak, tén han ma'a kelwána apkeláneykha nak, tén han ma'a weyke aptósso nak, yámelyeheykok, tén han ma'a ekyókxoho aqsok ektáhakxa enxoho apagkok ma'a pók.”

Éxodo 22:1

“Apmeñexchek agkok xama énxet wey essenhan xama nepkések, keñe m'a apchaqha enxoho essenhan apyenyawa enxoho ekha ekyánmaga, eyánmagkasek sa' cinco weyke ekyaqmageykekxa m'a xama wey nak, keñe sa' cuatro nepkések ma'a xama nepkések nak.

Éxodo 22:7

“Apméssek agkok nahan pók énxet eltamhok etaqmelchessesek selyaqye essenhan ma'a aqsok ekmomnáwa nak, keñe kélmeñexchesa enxoho apxagkok xa énxet nak, ánet apyánmagkáseykekxoho sa' etnehek ma'a ektáha nak apmenyexma, kélwetákxo enxoho;

Éxodo 23:1

“Ná exén chá'a amya'a ekmowána amya'a, ná ewhánho nahan énxet ekmaso nak aptémakxa yaqwayam exének ma'a amya'a megkamámnaqsoho nak.

Proverbios 24:28

Ná exén aqsa meykexho aqsok eksexnenagko pók, ná etne nahan apmopwána amya'a exének ma'a.

Jeremías 6:13

“Apyókxoho kelxéneykha chá'a apkelwáxok ma'a aqsok élmenyexamaxche nak; cham'a ekyawe nak kéláyo, tén han ma'a meyke nak kéláyo, apyókxoho nahan aptamhéyak apkelmopwancha'a amya'a m'a apkellegasso nak sekpeywa, ekweykekxoho m'a apkelmaxnéssesso nak chá'a énxet'ák ahagkok.

Levítico 19:10

Nágkólchetámekxoho nahan ekyókxoho ekyexna anmen yámet kélcheneykekxexa, nágkólma han ma'a ekpalleyam nak náxop; kólho sa' aqsa chá'a elmok ma'a énxet meyke nak aqsok apagkok, tén han ma'a apkeleñama nak mók nekha. Ko'o sekteme Dios Wesse' kélagkok.

Deuteronomio 5:19

‘Nágkólmenyex chá'a.