Levítico 11:10 - Biblia Enxet

¹⁰ Eyke kéméxcheyk kólteméssesek aqsok ekmanyása m'a meyke nak amék, tén han émpe'ék, ekhéyak nak eykhe han ma'a wátsam ekwányam, tén han ma'a wátsam nak, megkeyxek ma'a aqsok keyetse nak, tén han ma'a élyawe nak.

Levítico 11:10 Iomraidhean Croise

Génesis 1:20

Aptáhak axta makham Dios se'e: “Kaxámekxa neygmen ekyókxoho mók ektémakxa nak aqsok élleykha nak neygmen, kalántép nahan náta élchampeykha nak néten xapop.” Temék axta han xa.

Proverbios 13:20

Epaxqaha m'a énxet'ák ekha nak apkelya'áseykegkoho aqsok, keñe sa' étak apya'ásegwayam aqsok; epaxqaha m'a élyeyháxma nak, keñe sa' etwasakpok.

Proverbios 29:27

Eltaqnaweygkohok meyke nak apkeltémakxa m'a élmasagcha'a nak apkeltémakxa', keñe élmasagcha'a nak apkeltémakxa eltaqnaweygkohok ma'a meyke nak apkeltémakxa'.

Levítico 11:11

Nágkóltow aqsa ápetek agkok; kéméxcheyk kólteméssesek chá'a aqsok nawhak ekmanyása, ekmanyása sa' han chá'a kólteméssesek ma'a ápak nak.

Levítico 11:9

“Keñe m'a aqsok élleykha nak neygmen, cham'a wátsam ekwányam, essenhan ma'a wátsam nak, kélwanchek kóltók wánxa m'a ekha nak amék, tén han émpe'ék.

Levítico 7:18

Aptókek sa' agkok kélxama ekwokmo enxoho ántánxo ekhem ápetek ekmatñá kélaqhe segwetassamo nak sẽlásekheykekxoho, megkamaxcheyk sa' takha' m'a kéltósso ekmatñá nak, kataqnaweyxchek sa', keñe sa' ápetek kaxénaxchek ektáha ekmaso agko'. Énxet ektáhakxa enxoho apto m'a, kaphewakxak sa' mey'assáxma.

Deuteronomio 14:10

eyke nágkóltow ma'a meyke nak amék étkók tén han ma'a émpe'ék; kéméxcheyk kólteméssesek chá'a aqsok élmanyása xa.

Deuteronomio 14:3

“Nágkóltow chá'a xama enxoho m'a aqsok ekmanyása mantamakxa nak.