Levítico 10:9 - Biblia Enxet

⁹ “Peyk sa' agkok chá'a exchep etaxnegwakxak ma'a kélpakxanma apchaqneykekxexa nak chá'a énxet'ák, tén han ma'a apketchek nak, kéméxcheyk megkólyenagkehek chá'a m'a vino, tén han ma'a mók anmen segaqhamo nak, kóletsapok katnehek. Cháxa segánamakxa meyke néxa xa, yaqwayam sa' kawakxohok ma'a apyapmeyk, tén han kélketchek,

Levítico 10:9 Iomraidhean Croise

Éxodo 27:21

Aarón tén han apketchek sa' eyke chá'a elánekxak ma'a cháléwasso, yaqwayam sa' kalápogwátek nápaqtók Wesse' egegkok yókxoho axta'a m'a kélpakxanma apchaqneykekxexa nak chá'a énxet'ák, teyp nak ma'a apáwa apkexyawe kélapma, ekyetnamakxa nak nekha m'a yántéseksek ekhémo mók nélpaqhetchásamáxkoho. Cháxa xama segánamakxa apagkok meyke néxa m'a israelitas tén han ma'a aptawán'ák neptámen nak.

Proverbios 20:1

Megkeyxnegwayam appeywa chá'a katnéssesek énxet ma'a vino; kanathéssesha chá'a apwáxok ma'a anmen ekyennaqte nak; megkay'ássesagkehek chá'a aqsok énxet ma'a eyaqha enxoho.

Isaías 28:7

Yetneyk nahan chá'a nápakha apkelyawheykha eñama élnapma vino tén han élpelápagkáseykha chá'a m'a anmen ekyennaqte segaqhamól'a: apkelyawheykha chá'a m'a apkelmaxnéssesso nak Dios énxet'ák apagkok tén han ma'a Dios appeywa apkellegasso nak eñama élnapma m'a anmen ekyennaqte segaqhamól'a, kelyeykessegkexma m'a vino; kelpelápagkáseykha m'a anmen ekyennaqte segaqhamól'a, elyawheykha chá'a m'a apkelwet'a enxoho aqsok kélxekmósso, kalnápok nahan chá'a m'a apkelxéna enxoho yaqwánxa kólteméssesek xama énxet.

Ezequiel 44:21

Méko sa' xama appasmo apkelmaxnéssesso Dios énxet'ák apagkok ének chá'a anmen yámet égmenek aptaxnegwákxo enxoho chá'a m'a kañe' étkok apwáxok tegma nak.

Oseas 4:11

“Ekmaso nentémakxa mansexta, tén han negyá vino, awanchek hegyeykesek exma.

Levítico 10:8

Appaqhetchessek axta nahan Wesse' egegkok ma'a Aarón, aptáhak axta apcháneya s'e:

Levítico 3:17

“Cháxa ektáha nak xama segánamakxa megkamassegwayam xa, kawakxohok sa' ma'a apyapmeyk nak, tén han kélketchek nak. Nágkóltaw aqsa chá'a pexmok, tén han ma'a kéltósso éma agkok, cham'a kélhámxa enxoho chá'a kéxegke.”

Números 6:20

Keñe sa' ey'asha néten nápaqtók Wesse' egegkok apkelmaxnéssesso Dios énxet'ák apagkok xa ekyókxoho nak. Élpagkanamaxche m'a kéltósso agkenyek tén han eywok kélmésso nak Wesse' egegkok, tén han kélanchesso m'a apkelmaxnéssesso nak Dios énxet'ák apagkok. Keñe sa' nazareo awancha'ak makham keynagkokxak vino natámen xa.

Números 6:3

megkeynagkek sa' ma'a vino, essenhan ma'a mók anmen nak, essenhan ma'a mók aqsok égmenek ekmáske élánamáxche nak vino essenhan ma'a anmen, essenhan ma'a anmen yámet ekyexna égmenek nak; yawanchek sa' nahan katawagkok ma'a anmen yámet ekyexna, tén han ma'a ekyexna kélyamasso nak.