Levítico 10:4 - Biblia Enxet

⁴ Keñe axta Moisés apkelwóneyncha'a m'a Misael tén han Elsafán, Uziel axta apketchek, apyakka' nak Aarón. Aptáhak axta apkeláneya s'e: —Kólántekkesseta kéxegke kélnámakkok se'e kélpakxanma appagkanamap nak, kólnegkenwakxa m'a teyp nak apkelpakxeneykegkaxa énxet'ák.

Levítico 10:4 Iomraidhean Croise

1 Crónicas 6:2

Quehat apketchek axta s'e: Amram, Ishar, Hebrón tén han Uziel.

Éxodo 33:7

Apmeyk axta Moisés ma'a kélpakxanma, appekkenwokmek axta makhawo', teyp axta m'a apkelpakxeneykegkaxa énxet, apteméssessek axta nahan apwesey kélpakxanma apchaqneykekxexa énxet'ák. Apmakók axta agkok chá'a elpaqhetchesakpohok Wesse' egegkok xama énxet, emyekxak axta chá'a m'a kélpakxanma nak, apyetnama nak ma'a teyp apkelpakxeneykegkaxa nak énxet.

Éxodo 6:18

Weykmek axta ciento treinta y tres apyeyam apha m'a Quehat. Keso apkelwesey axta apketchek se'e: Amram, Ishar, Hebrón tén han ma'a Uziel.

Éxodo 6:22

Keñe axta Uziel apketchek ma'a Misael, Elsafán tén han ma'a Sitrí.

Números 3:19

Keso Quehat axta aptawán'ák neptámen se'e, ektáha axta chá'a apnámakkok apagko': Amram, Ishar, Hebrón, tén han ma'a Uziel.

Números 3:30

Elisafán axta apkemha apmonye' apagkok xa énxet'ák nak, apketche nak ma'a Uziel.