Jueces 9:7 - Biblia Enxet

⁷ Xama axta apleg'a amya'a Jotam, apkenátwekxeyk axta m'a egkexe Guerizim. Apyennaqtéssakxeyk axta han appeywa m'a néten nak, yaqwayam enxoho ellegak apyókxoho énxet'ák. Aptáhak axta s'e: “¡Kóltaqmelchesho sa' kélháxenmo sekpeywa énxet'ák Siquem! ¡Eñohok sa' han kélpeywa kéxegke m'a Dios!

Jueces 9:7 Iomraidhean Croise

Génesis 37:6

hakte axta aptáhak apkeláneya s'e: —Kóleyxho sa' se'e, altennasha sa' ektáhakxa sekwanmagko.

Proverbios 21:13

Énxet melyeheykekxa nak eltamhok epasmok ma'a meyke nak aqsok apagkok, méko sa' nahan keyxhok apkeltamho sa' nahan kólpasmok xa énxet nak.

Proverbios 28:9

Agkok emakók kélxama elyahakxohok ma'a Dios segánamakxa apagkok, memek sa' nahan takha' nempeywa nélmaxnagko apagkok ma'a Dios.

Isaías 1:15

Kélya'ássek agkok chá'a kéxegke kélmék néten kóltéhek nempeywa nélmaxnagko, malanók chá'a ko'o kéxegke; kólxámaksohok eykhe nahan kélteme nempeywa nélmaxnagko, mañék eyke ko'o. Keltexnémáxcheyk éma kélmék ekyetno kélyógkexma.

Deuteronomio 11:29

“Apkeltamhók sa' agkok kólántexek Dios Wesse' kélagkok ma'a apchókxa yaqweykenxa nak kólmok, kólpekkenek sa' ektaqmalma negha m'a egkexe Guerizim, keñe sa' ekmaso negha m'a egkexe Ebal.

Deuteronomio 11:30

Neyp wátsam Jordán heykegkok xa egkexe nak, ámay ekmahéyak nak taxnegwánxa ekhem, xapop apagkok nak ma'a cananeos apheykencha'a nak ma'a meykexa nak élyapwátéyak xapop, ekpayho nak ma'a Guilgal nekha nak élámhakxa m'a yámet encinas nak Moré.

Deuteronomio 27:12

“Kélyeykhákxeyk sa' agkok kéxegke m'a neyp wátsam Jordán, sa' elhamok Simeón, Leví, Judá, Isacar, José tén han Benjamín énxet'ák apagkok ma'a egkexe Guerizim nak, yaqwayam sa' kañék chá'a apkelxawéyak ektaqmalma apheykha m'a énxet'ák,

Josué 8:33

Apyókxoho énxet'ák ektáha nak apkelókxa apancha'awók ma'a Israel, keñe han ma'a apkeleñama nak mók nekha, tén han ma'a apyókxoho apkelámha apmonye'e nak, sẽlpextétamo apkelwesse'e keñe han ma'a segyekpelchémo nak, apchaqnágwokmek axta m'a nekhaw'ék nak yántéseksek ekhémo mók nélpaqhetchásamáxkoho apagkok nak Wesse' egegkok, apchaqnágkaxa axta m'a levitas ektáha axta appatmeykha, aptamhéyak nak apkelmaxnéssesso Dios énxet'ák apagkok, yaqwayam enxoho kólmaxnéssesek epasmok Dios ma'a énxet'ák Israel. Nápakha énxet'ák axta apchaqnáha m'a ekpayhókxa nak egkexe Guerizim, keñe han nápakha énxet'ák ma'a ekpayhókxa nak egkexe Ebal, aptáhakxa axta apkeláneya Moisés ma'a sekxók axta, apteme axta Wesse' egegkok apchásenneykha.

Jueces 9:6

Keñe axta apchaqnákxo apyókxoho apkeleñama nak Siquem, tén han Bet-miló m'a ekpayhókxa axta émhakxa yámet encina, tén han ma'a meteymog kéleykmássesso émha axta m'a Siquem, kélteméssessek axta han wesse' apwányam ma'a Abimélec.

Jueces 9:8

“Xama ekhem axta keltémók exek wesse' apwányam agkok ma'a yámet élaqnéyak nak yókxexma, keltémók axta etnehek wesse' apwányam agkok olivo yámet.