Jueces 4:3 - Biblia Enxet

³ Yetneyk axta han novecientos yátnáxeg apkelyenyawasso sawo émpe'ék ma'a Jabín, veinte apyeyam axta weykmok apnaqtawáseykegkoho m'a israelitas, ekweykmoho apkelwóneykencha'a m'a Wesse' egegkok apkeltémo epasmok.

Jueces 4:3 Iomraidhean Croise

Salmos 106:42

apkelhayak axta m'a apkelenmexma nak, mékoho axta aptemessáseykekxak apkelmoma.

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Salmos 78:34

Wánxa aqsa han chá'a elchetmok Dios ma'a apkelnapa enxoho chá'a nápakha, elyo'ókxak axta chá'a; elmaxneyagkok axta chá'a meyke apkelyeytekkesseyam;

Éxodo 2:23

Kelyekheykegkek axta nahan ekhem, tén axta apketsapa nahan ma'a wesse' apwányam Egipto, keñe axta m'a israelitas, maxta elwáteseykegkok apkelpaqméteykha élleklámeykegko m'a ektémakxa kélásenneykha naqsa, hakte yentexek axta m'a ektémakxa apkeltamheykha. Aplegayók axta nahan Dios ma'a ektémakxa apkelápagqánamap,

Deuteronomio 28:29

kólpaknamha sa' chá'a kólweynchamha, ektémól'a énxet meyke apaqta'ák eweynchamha m'a ekyáqtésakxaxma. Megkataqmelek sa' chá'a ekteyapma m'a ekyókxoho aqsok kéllanakxa enxoho chá'a; kólwetak sa' aqsa chá'a ekmaso kélheykha tén han kélnaqtawáseykegkoho, méko sa' nahan kapásegwa'.

Deuteronomio 28:33

Keñe sa' ma'a kélnakxo nak aqsok kélcheneykekxa m'a xapop kélagkok tén han ma'a ekyókxoho ekyexna eñama nak kéltamheykha, etókasek sa' ma'a énxet'ák megkólweteya axta kéxegke, megkamassegwomek sa' chá'a kéllegeykegkoho kélnaqtawáseykegkoho tén han ekmaso kélteméssesakxa.

Josué 17:16

Aptáhak axta apkelátegmowágko m'a énxet'ák: —Naqsók maghémo negko'o m'a egkexe nak. Yetneyk eyke yátnáxeg apkelyenyawasso sawo émpe'ék nak ma'a cananeos, apheykencha'a nak ma'a ekpayhegweykenxa nak xapop, hawók han ma'a apheykencha'a nak Bet-seán, tén han ma'a tegma apketkók apheykegko nak nepyáwa, tén han ma'a apheykha nak ekyapwátegweykenxa xapop ma'a Jezreel.

Jueces 1:19

Apmomchek axta Judá énxet'ák apagkok ma'a meteymog élekhahéyak nak, hakte apkelxegexma'a axta aptemék ma'a Wesse' egegkok, mopwanchek axta eyke apmáheyo elántekkesek apheykencha'a axta m'a ekpayhegweykenxa nak xapop, hakte yetneyk axta yátnáxeg apkelyenyawasso apagkok sawo émpe'ék ma'a.

Jueces 10:10

Keñe axta apkeltamho epasmok Wesse' egegkok. Aptáhak axta apcháneya s'e: “Dios egagkok, nenláneykegkek negko'o mólya'assáxma nénmexeykekxo exchep, negyamasmeyk nélpeykessamo m'a aqsok kéláyókxa élmowancha'a amya'a nak.”

Jueces 10:16

Tén axta israelitas apkexeygko m'a aqsok kéláyókxa éleñama nak mók nekha, yaqwayam elpeykeshok makham ma'a Wesse' egegkok. Massék axta ekyenna apwáxok Wesse' egegkok apkelano ektémakxa apkellegeykegkoho chá'a m'a israelitas.

Jueces 3:15

ekwokmoho apwóneykencha'a m'a Wesse' egegkok, keñe axta apkeltémo etyapok xama yaqwayam elwagkasek teyp. Nepsagqalwa axta xa yaqwayam nak elwagkasek teyp apwesey axta Ehud, Guerá axta apketche, apkeñama axta nepyeseksa m'a Benjamín énxet'ák apagkok. Xama ekhem axta apcháphássesa israelitas selyaqye apkelmésso axta chá'a m'a Eglón, Ehud axta eyke apchásenneykxa'.

Jueces 3:9

ekwokmoho apwóneykencha'a m'a Wesse' egegkok, keñe axta apkeltémo etyapok xama yaqwayam elwagkasek teyp. Otoniel axta m'a yaqwayam elwagkasek teyp, Quenaz axta apketche, apyáxeg apsexyók axta m'a Caleb:

Jueces 4:13

yetlókok axta apcháncheseykekxa novecientos yátnáxeg apkelyenyawasso apagkok sawo émpe'ék, keñe han ma'a apyókxoho sẽlpextétamo apagkok, apkelyetlókek axta han apkelxega apkeleñama m'a Haróset-goím, ekweykmoho m'a alwáta' nak Quisón.

Jueces 4:4

Cháxa ekhem, ektémakxa axta éláneykha apchókxa Israel xama kelán'a Dios appeywa eklegasso ekwesey axta Débora, Lapidot axta aptáwa'.

Jueces 5:8

“Yetneyk axta chá'a apkelyéseykha kaxwe aqsok apcháyókxa, neyseksa émpakhamaxche m'a nekha atña'ák nak tegma apwányam, méko axta eyke xama enxoho apmeykha apcháhakkásamap tén han sawhéwa nepyeseksa m'a cuarenta mil israelitas.

Jueces 6:6

Meyke aqsok axta tamheykegkok israelitas eñama m'a madianitas, tén axta apkeltémo epasmok ma'a Wesse' egegkok.

1 Samuel 7:8

keñe axta kéltáha kéláneya Samuel se'e: “Ná elwátéssem aqsa sẽlmaxnéssesso negko'o Dios Wesse' egegkok, yaqwayam enxoho hẽlwagkasek teyp, neyseksa apmáheyo hegketámegmak ma'a filisteos.”