Jueces 21:6 - Biblia Enxet

⁶ Chaqhak agko' axta apkelwáxok israelitas ektáhakxa axta m'a Benjamín nak énxet'ák apagkok, tén axta aptáha chá'a apkelpeywa s'e: “Sakhem kélmasséssekmo nepyeseksa Israel ma'a Benjamín énxet'ák apagkok.

Jueces 21:6 Iomraidhean Croise

2 Samuel 2:26

Keñe axta Abner apyennaqtésa appeywa aptáha apcháneya Joab se'e: —¿Megkamassegwomeya s'e nentekyawa nak? ¿Ya ey'ásegkok peya hegmések aqsa éllapwámeyak egwáxok se'e aqsok nak? ¿Háxko sa' ekwánxa ekhem yának elwátésagkok énxet'ák apagkok apmenxeneykha m'a apkelyáxeg'a?

Oseas 11:8

“¡Mowanchek ko'o eytnakhaksek xép Efraín! ¡Mowanchek ko'o ayenyók xép Israel! ¿Ewanchek enxeykel'a amasséssók ektéma axta sekmassésseykmo m'a tegma apwányam nak Admá? ¿Ewanchek enxeykel'a atnéssesek xép sekteméssessamakxa axta m'a Seboím? ¡Megkeynnák ko'o ewáxok, awanhek apmopyósa sélányo exchep!

Jueces 11:35

xama axta apwet'a, apkelyepteyk axta aptaxno mey'ásegko yaqwánxa etnehek. Aptáhak axta apcháneya s'e: —¡Hay, hatte seyásekheyo, awanhe nak la'a sélapwagkasso! ¡Xeye keñamak sekwet'a ekyentaxnamo agko' ewáxok, hakte ekméssek axta ko'o sekpeywa m'a Wesse' egegkok, alának sa' han kaxwo'!

Jueces 21:15

Apyósekak axta apkelano israelitas ma'a Benjamín énxet'ák apagkok, hakte apkelyetnakhássek axta Wesse' egegkok nepyeseksa m'a pók Israel nak.

Jueces 21:5

Keñe axta aptáha chá'a apkelmaxneyáncha'a pók se'e: “¿Yaqsa axta enxama negko'o mepasma negaqneykekxa axta m'a Mispá?”, hakte naqsók axta kéltemessásak chá'a peya emátog ektáha enxoho mepasmo m'a apchaqneykekxa'.

Jueces 21:7

¿Háxko sa' anteméssesek agwetaksek apnaqteyegka'a Benjamín énxet'ák apagkok apkeleymomap nak? Naqsók axta nenteméssessók negko'o yetlo nenxeyenma Wesse' egegkok apwesey, móghók kalmagkok egketchek kelwán'ák ma'a énxet'ák nak.