Jueces 2:4 - Biblia Enxet

⁴ Xama axta appenchesa apteme appeywa Wesse' egegkok apchásenneykha xa ektáha nak, axta eleyságkohok apkellekxagweyncha'a m'a apyókxoho israelitas.

Jueces 2:4 Iomraidhean Croise

Esdras 10:1

Apwakhegwokmek axta apxámokma israelitas énxet tén han kelán'ák, sakcha'a apkellekxagweyncha'a, neyseksa apkelmaxnagko Esdras, tén han apkelekxagweykha apxéna apkeltémakxa m'a énxet'ák, tén han neyseksa apkeltekxekxo aptapnák ma'a apmonye' nak Dios tegma appagkanamap apagkok.

Proverbios 17:10

Xama kélpaqhetchesso ey'ásegwók ektáhakxa aqsok ekmaso apkelane m'a énxet apya'áseykegkoho nak aqsok, keñe m'a énxet ekyeyháxma nak, cien kelyekpexchetma eykhe kóltéhek, mey'ásegwome'.

Jeremías 31:9

Elmaxneyagkok sa' elchexyók yetlo apkellekxagweykenta'. Anaqlakxak sa' ko'o m'a ényahamakxa nak yegmen, cham'a ámay meykexa nak élyapwáteyak, yaqwayam sa' melpelapmehe'. Hakte ko'o apyáp ma'a Israel, keñe hatte átnaha apketkok ma'a Efraín.

Joel 2:12

“Aptáhak makham segáneya Wesse' egegkok se'e: hélyo'óta ko'o yetlo ekmámenyého agko' kélwáxok. ¡Nágkóltaw kéltéyak, kólwehesha, kóllekxagwaha!”

Zacarías 12:10

Ayánchesseshok sa' ko'o sekmésso apmopyóseka elanok apnámakkok tén han apkelmaxneyéyak ma'a David aptawán'ák neptámen nak tén han ma'a énxet'ák apheykha nak Jerusalén. Keñe sa' elanok chá'a m'a ektáha nak chá'a apkelyetxaqxo, tén sa' kallapwomagkok, ellekxagwaha sa' elano'. Máxa sa' etnéssesek ma'a aptémól'a yetsapok kélketche aptemél'a wánxa xama apagko' essenhan ma'a kélketche átnaha apketkok la'a.

Jueces 2:3

Cháxa keñamak sektáha nak séláneya kaxwók kéxegke s'e: Malántekkesek sa' ko'o kaxwók kélmonye'e kéxegke m'a énxet'ák nak, apkelsexnenagko sa' kaxwók etnehek kéxegke xa énxet'ák nak, tén han ma'a aqsok apcháyókxa nak.”

Jueces 2:5

Cháxa keñamak apteméssessama nak ekwesey Boquim xa yókxexma nak, axta han apkelnáhakkásak aqsok apnaqtósso Wesse' egegkok ma'a.

1 Samuel 11:4

Apkelwokmek axta apseykha amya'a m'a Guibeá, aphakxa axta Saúl, aplegássek axta han amya'a m'a énxet'ák. Apyókxoho axta han meleysagkohok apkellekxagweyncha'a.

1 Samuel 7:6

Apchaqnákxeyk axta israelitas ma'a Mispá, apkelyekweygkek axta han chá'a yegmen ma'a, keñe axta apkelyegkena apteméssesa apmésso naqsa m'a Wesse' egegkok. Cháxa ekhem metókagkaxa axta han aptéyak, apkelxénágkek axta han apkeláneykegko melya'assáxma nápaqtók Wesse' egegkok. Cha'a aptáhakxa axta han apkemha apmonye' apagkok israelitas ma'a Samuel, tén han apkelánésakxo apheykha m'a, cham'a Mispá.