Jueces 2:19 - Biblia Enxet

¹⁹ keñe axta apketsapa enxoho chá'a xa apkemha apmonye' apyennaqte nak, enaqtawasakpekxak axta chá'a, kayeykhágwomhok axta chá'a élmaso apkeltémakxa, megkaxók axta m'a apkeltémakxa axta apyapmeyk nano', elpeykeshok axta chá'a m'a mók aqsok kéláyókxa nak, axta elyamasmak apkelánéyak apkeltémakxa ekmaso, tén han ma'a ektémakxa axta ekyennaqte apkeltémakxa.

Jueces 2:19 Iomraidhean Croise

Génesis 6:11

Apwet'ak axta Dios ekyágwokmoho agko' ekmaso nentémakxa keso náxop, tén han magésso agyennaqtésha egyempehek.

Nehemías 9:28

“Yáma wenaqtémók axta ektaqmeleykekxa makham apheykha, apkelánegkokxo makham aqsok ekmaso nápaqtók xép, axta keñamak apchahayo makham elmekxak ma'a apkelenmexma, cham'a aptamheykekxo axta makham apkelásenneykha. Apkelmaxneyeykekxeyk axta makham xép apkeltémo epasmok, apháxenmók axta makham xép ma'a aphakxa nak néten, yetlo ekyawe agko' apkelásekhayo, xámokmeyk axta apkelmallahanchesso ekmaso apheykha.

Salmos 78:8

metnahagkek ma'a aptamheykegkaxa axta apyapmeyk nano', élyennaqte apkelwáxok, tén han élyeyháxma, ekmanyehe eyaqmagkasek mók élchetamso apkelwáxok, ¡énxet'ák apkelyenseyam nak apkelyetleykha Dios!

Éxodo 32:7

Keñe axta Wesse' egegkok aptáha apcháneya Moisés se'e: —Etyep, etaqhoho, apnaqtawáseykpók apagko' kaxwók ma'a énxet'ák apagkok, apkelántekkesso axta m'a Egipto.

Jeremías 16:12

Kéxegke so eyesagchawo agkok aqsok kélláneyak, kélyeykhásseykmók ma'a kélyapmeyk nano' axta, kélyennaqtéssegkek aqsa chá'a kélwáxok kélxama kélyetleykekxo m'a ektémakxa nak chá'a élchetámeykha kélwáxok ekmaso, mehelyeheykekxohok nahan ko'o.

Jeremías 23:17

Etnehek chá'a elának apkelwanyeykha nak chá'a sekpeywa s'e: ‘Méko sa' katnehek ektáhakxa kélheykha kéxegke.’ Keñe m'a apkelyennaqtésso nak chá'a apkelwáxok apkelyetleykekxa m'a ektémakxa élchetámeykha apkelwáxok, etnehek chá'a elának se'e: ‘Megkáhapweyk sa' xama enxoho aqsok ekmaso.’”

Jeremías 3:17

Wesse' egegkok aptaháno ektaqmalma sa' kólteméssesek ekwesey m'a Jerusalén; apyókxoho pók aptémakxa énxet'ák sa' yaqnekxak ma'a, yaqwayam hélpeykesho'; kamaskok sa' elyetlakxohok ma'a ektémakxa nak élmámenyého apkelwáxok elanagkok aqsok ekmaso eñama élyennaqte, yaqwayam sa' etnehek ko'o seyáyo, kamaskok sa' etnahagkok élyennaqte apkelwáxok elanagkok ma'a aqsok ekmaso nak.

Ezequiel 20:30

“Etne sa' elának énxet'ák Israel se'e: ‘Keso aptáhakxa exchek appeywa Wesse' egegkok se'e: ¿Yaqsa ektéma kélmámenyého nak kéxegkáxa kólpeysegkesaxchek ekhawo nak ma'a apkeltémakxa axta kélyapmeyk nano'? ¿Yaqsa ektéma sélyenseykmo nak sélyetleykha, kélpeykessamo m'a kéleykmássesso élmasagcha'a agko' nak?

Deuteronomio 31:29

Hakte ekya'ásegkók ko'o m'a sétsapa sa', enaqtawasakpok sa', elyensók sa' ma'a ámay séltémókxa axta ko'o elyetlók; ekya'ásegkók nahan peya káhapwak aqsok ekmaso m'a egmonye' sa', eñama apkelánéyak aqsok ekmaso nápaqtók ma'a Wesse' egegkok tén han aplókasso.”

Josué 24:31

Apkelyeheykekxók axta Wesse' egegkok israelitas, apyennaqtamakxa axta makham ma'a Josué, meletsapmakxa axta han ma'a apkelámha apmonye'e apkelya'áseykegkoho axta ekyókxoho m'a apteméssessamakxa axta chá'a Wesse' egegkok ma'a israelitas.

Jueces 10:13

Élyamasmeyk eyke ko'o makham kéxegke kélpeykásawo m'a mók aqsok kéláyókxa nak, megkólhaxanmak sélwagkasso teyp, malwagkasek sa' ko'o kaxwo' teyp kéxegke.

Jueces 2:18

Epasmok axta chá'a Wesse' egegkok aptekkesa enxoho chá'a xama apkemha apmonye' apyennaqte, elmallahanchesek axta anhan chá'a nepyeseksa apkelenmexma israelitas neyseksa apha xa apkemha apmonye' apyennaqte nak, hakte apyósekak axta chá'a elanok yeyxhok ma'a apkelápentegeykha, eñama kélnaqtawáseykegkoho,

Jueces 2:20

Axta keñamak apkeltaqnaweykegko apagko' Wesse' egegkok ma'a israelitas, axta aptáhak appeywa s'e: “Meláneykegkok ekhémo mók nélpaqhetchásamáxkoho sélánésso axta ko'o apyapmeyk nanók axta xa énxet'ák, mopmenyék han hélyahakxohok ko'o.

Jueces 2:7

Apkelpeykessamok axta chá'a Wesse' egegkok israelitas apyennaqtamakxa axta m'a; tén han apkelyennaqtamakxa axta m'a apkelwányam, apkelheykekxa axta makham neptámen ma'a Josué, apkelweteykegkoho axta ekyókxoho m'a aqsok ekyawe apkelánesso axta Wesse' egegkok ma'a Israel.

Jueces 4:1

Natámen apketsapma axta Ehud apkeláneykegkokxo makham aqsok ekmaso nápaqtók Wesse' egegkok ma'a israelitas.

Jueces 8:33

Apyamasmeyk axta makham Dios israelitas natámen apketsapma axta m'a Gedeón, apkelpeykessamók axta makham mók ektémakxa nak kéleykmássesso Baal, apkelyéseykha axta han Baal-berit yaqwayam etnehek apcháyókxa'.

1 Samuel 15:23

Magya'assáxma ekyawe agko' ma'a nénmexeykekxa nak Dios, ekhawo han ma'a nenteme nak yohóxma; aphawók apkelpeykessamo nak chá'a kéleykmássesso m'a melyaheykekxa nak chá'a Wesse' egegkok. Apkelwátéssessek xép apteme wesse' apwányam hakte apyetnakhassegkek apchánamakxa nak antéhek.”