Jueces 19:16 - Biblia Enxet

¹⁶ Yáqtéssek axta, apyeykhágwa'akteyk axta xama kelaphope apkeñékto aptamheykegkaxa'. Egkexe Efraín axta apkeñamak xa kelaphope nak, aphegkek axta m'a, máxa axta aptemék ma'a énxet apkeñama mók nekha, hakte Benjamín énxet'ák apagkok axta m'a apheykencha'a axta Guibeá.

Jueces 19:16 Iomraidhean Croise

Génesis 3:19

Katyapok sa' chá'a apyemes ekpayhakxa nápat étak apto, ekwokmoho aptamhákxo makham xapop, apkeñamakxa axta apkelánamap, hakte xapop xeyep, xapop sa' han etnekxa'.

Salmos 104:23

Keñe etyapok chá'a énxet etneykha, ekweykmoho ekyáqtésa.

Salmos 128:2

Etwok sa' chá'a ekyánmaga aptamheykha, kapayhekxak sa' apwáxok, tásek sa' nahan chá'a katnehek ekteyapma aqsok apkelane.

Proverbios 13:11

Aqsok egagkok ekmanyehe nak chá'a agweta', yahamok kasawhaxche'; kaxámagkok eyke chá'a m'a negáncheseykekxa nak chá'a ketsék ketse'.

Proverbios 14:23

Awanchek hempasmok ma'a negwasqápeykekxoho nak chá'a nentamheykha; meyke aqsok egagkok akke antéhek ma'a nempaqméteykha naqsa nak chá'a neghakxa'.

Proverbios 24:27

Elánekxa sekxók aqsok yaqwayam kapasmok, etneykha sa' namyep apagkok keñe sa' natámen elának apxagkok.

Eclesiastés 1:13

ekmáheyók ahagko' axta ategyaha amya'a, tén han altámesaxchek yetlo sekya'áseykegkoho m'a ekyókxoho aqsok élánamáxko nak chá'a keso náxop. ¡Yentexe nak la'a Dios apmésso apkeltamheykha énxet'ák, yaqwayam enxoho elyaqhakkassessamhok chá'a apkelwáxok!

Eclesiastés 5:12

Énxet ekha nak aptamheykha, ketsék eykhe chá'a etwok apto, awanhek essenhan chá'a katnehek, tásek eyke katnehek chá'a apteyenma; keñe m'a énxet ekxámokma nak aqsok apagkok, metyenek chá'a axta'a kaxének apwáxok aqsok apagkok.

Oseas 9:9

Kélnaqtawásamáxkók kélagko', kéltémakxa axta nanók ma'a Guibeá. Kaxénwakxohok sa' eyke apwáxok Wesse' egegkok ma'a kéltémakxa ekmaso, ellegássesagkohok sa' eñama megkólya'assáxma.

Jueces 19:1

Apmomchek axta levita xama kelán'a apmeykha naqsa eñama axta m'a Belén nak Judá, apha axta m'a makhawo agko' nak egkexe Efraín, meykexa axta makham wesse' apwányam ma'a Israel.

Jueces 19:14

Keñe axta apkelxega aqsa, peyk axta katxek ekhem apkelwákxo m'a Guibeá, tegma apwányam apagkok axta m'a Benjamín énxet'ák apagkok.

Jueces 19:15

Tén axta apkelyetnakhágwokmo apkelmahágko m'a Guibeá, peya enaqtének axta'a m'a, aptaxnegwokmek axta levita m'a, axta aphakmok ma'a apheykegkaxa axta chá'a énxet'ák elweynchamha m'a tegma apwányam, hakte méko axta ekmésa yaqwánxa enaqtének.

Jueces 19:17

Xama axta apwet'a ekheykha kelaphope m'a apheykegkaxa axta chá'a énxet elweynchamha, aptáhak axta apkelmaxneyáncha'a s'e: —¿Háxko kéleñamakxa'? ¿Háxko peyk kólmahagkok?