Jueces 17:6 - Biblia Enxet

⁶ Elának axta chá'a ekxénakxa enxoho apwáxok elának énxet ma'a nanók axta, hakte méko axta makham wesse' apwányam apagkok ma'a Israel.

Jueces 17:6 Iomraidhean Croise

Génesis 36:31

Keso apkelwesse'e apkelwányam apmonye'e axta m'a Edom, meykexa axta makham wesse' apwányam apagkok ma'a israelitas:

Salmos 12:4

apteme nak chá'a elpaqmétek se'e: “Egwancha'ak negko'o nélpeywa yaqwayam hegwetaksek aqsok, hẽlwagkasek chá'a teyp nélpeywa. ¿Yaqsa awanchek negko'o hẽlxekmósagkok?”

Proverbios 12:15

Yának chá'a kataqmelak ekyókxoho aqsok apkelanakxa m'a énxet ekyeyháxma nak, yeyxhok eyke chá'a ektáhakxa kélpaqhetchesso m'a énxet apya'áseykegkoho nak aqsok.

Proverbios 14:12

Yetneyk ámay apkene nak kataqmelak énxet, nétsapmakxa eyke maheykegkok xa ámay nak.

Proverbios 16:2

Yának chá'a kataqmelak ekyókxoho aqsok apkelanakxa enxoho m'a énxet, Wesse' egegkok eyke apteme apyekpelchémo m'a ektémakxa nak chá'a apwáxok.

Eclesiastés 11:9

Xép apteme nak apketkok, kapayhekxa apwáxok, ekyennákxa nak makham apyempehek, kapeykessásekxa apwáxok ma'a aqsok éltaqmela nak, keso apkepwagkexa nak makham. Elána' m'a ekxénakxa enxoho apwáxok elána', eñama m'a ekyókxoho aqsok apwete nak, kaxén eyke apwáxok Dios sa' ékpelkohok ma'a ekyókxoho aqsok apkelane nak xép.

Deuteronomio 12:8

“Sa' eyke megkólwanchek kóltemegwók ma'a nentémakxa nak chá'a s'e, cham'a nenlane nak chá'a enxama m'a negmakókxa enxoho chá'a anlána'.

Deuteronomio 33:5

yetneyk axta xama wesse' apwányam ma'a Jesurún apchaqneykekxo axta chá'a apkelámha apmonye'e apagkok nak énxet'ák, apkelyepetcheykekxo axta chá'a m'a énxet'ák Israel.”

Jueces 18:1

Méko axta makham wesse' apwányam Israel xa ekhem nak. Méko axta han xapop apagkok apagko' ma'a Dan nak énxet'ák apagkok, apkelweynchámeykha axta aqsa aptegyeykencha'a m'a yaqweykenxa exmakha.

Jueces 19:1

Apmomchek axta levita xama kelán'a apmeykha naqsa eñama axta m'a Belén nak Judá, apha axta m'a makhawo agko' nak egkexe Efraín, meykexa axta makham wesse' apwányam ma'a Israel.

Jueces 21:25

Elának axta chá'a ekxénakxa enxoho apwáxok elának énxet ma'a nanók axta, hakte méko axta makham wesse' apwányam apagkok ma'a Israel.

Jueces 21:3

“¡Wesse' egegkok, Dios nak Israel! ¿Yaqsa ektáha sentáha nak negko'o xa ektáha nak? ¿Yaqsa ektáha peya nak emassegwók nápakha nak énxet'ák Israel?”