Jueces 16:21 - Biblia Enxet

²¹ keñe axta apma m'a filisteos, apkelhaxyawássessek axta apaqta'ák, keñe kélyentamákxo m'a Gaza, kélpextehetwákxexa axta cadena sawo élyexwase, kélméssek axta han aptamheykha yaqwayam eyeykesek aqsok ektekxekxo m'a negmomaxchexa nak.

Jueces 16:21 Iomraidhean Croise

2 Reyes 25:7

nápaqtók axta han apkeltamhók kólyaqténchesagkok apyespa'ák ma'a apketchek. Keñe m'a Sedequías, apkeltamho kólhexyawássesek apaqta'ák, tén han kólpextétek cadena kólyentemekxak ma'a Babilonia.

2 Crónicas 33:11

Axta keñamak apchahaya Wesse' egegkok ma'a sẽlpextétamo apkelámha apmonye'e apagkok nak wesse' apwányam Asiria, apchásekkessama axta sawo élhaxe apmoma m'a Manasés, apkelpextetegkek axta cadena sawo élyexwase, apyentameykekxeyk axta m'a Babilonia.

Salmos 149:8

yaqwayam enxoho kólpextétek ma'a kelwesse'e apkelwányam, keñe han kólpextétek cadena élyentaxno sawo m'a énxet'ák apkelyennaqte nak,

Éxodo 11:5

tén sa' eletsapok chá'a kélketchek átnaha apketkók xama tegma m'a kañe' Egipto. Sa' nahan sekxók keynhok ma'a faraón apketche átnaha apketkok aphama nak chá'a m'a taháno ekyawe ektaqmalma, ekweykekxoho m'a apkeláneykha étche átnaha apketkok ektamheykencha'awól'a chá'a m'a aqsok aktek ektekxekxo. Kaletsapok sa' nahan ekyókxoho m'a émha amonye' ekwete étkók nak ma'a aqsok kélnaqtósso.

Proverbios 14:14

Kalkohok chá'a apwáxok elanok aptémakxa m'a ekyeyháxma nak; kalkohok han chá'a apwáxok elanok aptémakxa m'a énxet meyke nak aptémakxa.

Proverbios 2:19

melánteypekxók chá'a énxet ektáha enxoho apkelántaxnegwayam axagkok xa kelán'a nak, kamaskok chá'a apkelweynchámeykha m'a ámay ekyetnamakxa nak ekyennaqte egnények.

Proverbios 5:22

Kamekxohok agko' chá'a aqsok ekmaso apkelane m'a énxet ekmaso nak aptémakxa'; máxa táma katnehek kalpextétek ma'a mey'assáxma apkelane apagkok apagko' nak.

Isaías 47:2

Kama meteymog ektekxekxo nak chá'a aqsok aktek katekxek hótáhap apaktek, kalek eyapma nak nát apáwa apkexyawe, kayaqsásekxa ekyekma kanegken yáxña'akxoho ayay'ák, kayeykhekxa náxop ma'a neyseksa wátsam;

Jeremías 39:7

Keñe axta apkeltamho kólhexyawássesek apaqta'ák ma'a Sedequías, tén han kólpextétek, yaqwayam kólyentemekxak ma'a Babilonia.

Lamentaciones 5:13

Kéltekxekxegkek aqsok aktek ektekxekxo m'a énxet'ák apkelyennaqte apagko' nak; kelháxessegkek yántapák élyentaxno m'a wokma'ák egagkok.

Números 16:14

Mehennaqlók xép xama enxoho m'a apchókxa ényahamakxa nak weyke nagkeygmenek, tén han yányawhéna' apyegmenek, ektémól'a kanyehek yegmen, mehegméssók han ma'a yókxexma, tén han ma'a émhakxa nak anmen yámet. ¿Apmenyéya exchep yohok aqsa enaqlók apyókxoho énxet ektémól'a m'a meyke apaqta'ák la'a? Ma', mólxegek negko'o m'a.

Jueces 16:20

kelpáxamáha axta ekwónencha'a: —¡Sansón, filisteos apketamakmok! Apxatakha'ak axta Sansón, apkeneykek axta katnekxak makham ma'a ektémakxa axta chá'a, axta ey'ásegkok apyenyawa m'a Wesse' egegkok,

Jueces 16:22

Kelwegqeykekxeyk axta eyke makham apwa'.