Jueces 15:7 - Biblia Enxet

⁷ Tén axta Sansón aptáha s'e: —¡Naqsók sa' ko'o ektáhak peya mallókassemek sekyampe ekwokmoho sekyaqmagkáseykxo sélteméssessamakxa kéxegke, eñama kélteme xa ektáha nak!

Jueces 15:7 Iomraidhean Croise

Jueces 14:19

Yetlókok axta han ektaxno apwáxok Wesse' egegkok apmopwána m'a Sansón; apmeyákxeyk axta m'a Ascalón, apkelnáhapweykxeyk axta han treinta énxet ma'a yókxexma nak, Apkelhaxyawassásegkek axta apkelnaqta, keñe apkelsákxésa m'a apchaqhémo axta apkelátegmowéyak apkelmaxneyeykha. Yetlo aplo axta apmeyákxak ma'a apyáp apxagkok,

Jueces 14:4

Axta kalya'ásegkok chána ektáha Wesse' egegkok apkeltémo katnehek ekyókxoho xa, hakte apketamsegkek axta yaqweykenxa etnehek ektamagkok ma'a filisteos, hakte mékoho axta aptemessáseykekxak filisteos énxet'ák Israel xa ekhem nak.

Jueces 15:6

Aptegyágkek axta amya'a filisteos yaqsa ekteme xa, xama axta apkelya'ásegwokmo ektáha apteme m'a Sansón, eñama apyaqmagkáseykekxa apteméssessamakxa apepyáta', apkeñama axta m'a Timná, apyementameykekxo m'a aptáwa', apmeyáseykekxo m'a apxegexma. Tén axta apkelxega, apwatneyk axta m'a kelán'a yetlo yáp.

Jueces 15:8

Apketámegkek axta yetlo aplómo apagko', apkelyensásegkek axta ekmaso agko'. Tén axta apxegama apheykmo m'a meteymog áxwa ekyetnama axta m'a nekha ekweyweykentamxa nak Etam.