Jueces 13:12 - Biblia Enxet

¹² Tén axta aptáha Manoa s'e: —Temék sa' agkok ma'a aptáhakxa nak xép segáneya, ¿háxko sa' anteméssesek negko'o negwánegkesso m'a sakcha'a? ¿Háxko sa' anteméssesek ma'a?

Jueces 13:12 Iomraidhean Croise

Génesis 18:19

Élyesáha ko'o yaqwayam yának elyahakxohok nélxekmowasamáxche ahagkok ma'a apketchek, tén han aptawán'ák neptámen, tén han elanagkok ekyókxoho m'a aqsok ektaqmalma nak, tén han ma'a ekpéwomo nak, yaqwayam sa' ko'o alának ekyókxoho m'a séltennassama nak alanaksek.”

Salmos 143:8

Hey'assásegwakxoho chá'a ko'o ektémakxa seyásekhayo ekyókxoho axto'o, hakte may'ásseykmok ko'o exchep. Hey'ássesagkoho chá'a yaqwánxa atnehek sekweynchámeykha, hakte éltennássek ko'o exchep ma'a aqsok sekmámenyého.

Proverbios 22:6

Elxekmós aptémakxa ektaqmela sakcha'a aptáhakxa nak makham ketchetse', keñe sa' ma'a aptáha enxoho apwányamo, megkalwánaqmék chá'a.

Proverbios 4:4

axta etnehek chá'a hélxekmósagkok táta s'e: “Epekken apwáxok se'e sekpeywa nak; elána m'a séltamhókxa enxoho chá'a elána', keñe sa' kawegqohok apha.

Jueces 13:11

Apchampákxeyk axta néten Manoa apyetlákxo aptáwa' m'a apkenmágkaxa axta m'a énxet. Aptáhak axta apcháneya s'e: —¿Xépya appaqhetchesa axta etáwa' m'a mók ekhem axta? Keñe axta aptáha apchátegmowágko m'a énxet nak: —Éhay, ko'o.

Jueces 13:13

Apchátegmowágkek axta Wesse' egegkok apchásenneykha: —Kalának sa' aptáwa' ekyókxoho m'a sektáhakxa exchek seyáneya: