Jueces 12:8 - Biblia Enxet

⁸ Ibsán axta aptemék apkemha apmonye' apagkok israelitas neptámen ma'a Jefté, apkeñama axta m'a Belén,

Jueces 12:8 Iomraidhean Croise

Génesis 15:19

xapop apagkok nak ma'a quenitas, tén han quenizitas, tén han ma'a cadmoneos,

Miqueas 5:2

Keñe exchep, Belén Efrata, apteme nak ketchetsek nepyeseksa m'a Judá apnámakkok, xép sa' yenyék etyapok xama wesse' apwányam apagkok Israel, aptáwen neptámen nak ma'a nanók énxet.”

Josué 19:15

Apheykegkek axta han doce tegma apkelyawe xa yókxexma nak, yetlo tegma apketkók aphéyak ma'a nepyáwa': cham'a Catat, Nahalal, Simrón, Idalá tén han Belén.

Jueces 10:1

Aptekkek axta Tolá neptámen ma'a Abimélec yaqwayam elwagkasek teyp ma'a Israel, Tolá axta apteme apkeñama m'a nepyeseksa Isacar énxet'ák apagkok, Puá axta apketche, Dodó axta aptáwen. Axta aphak Tolá m'a Samir, meteymog élekhahéyak nak ma'a Efraín,

Jueces 12:7

Seis apyeyam axta apteme apkemha apmonye' apagkok israelitas ma'a Jefté. Xama axta apketsapma, kélátawanyegkek axta m'a Galaad, apchókxa axta.

Jueces 12:9

treinta axta apyókxoho apketchek apkelennay'a, treinta han ma'a kelwán'ák, ekyókxoho axta apkelyamhakkáseykegkok apkelméssama m'a énxet'ák apkeleñama nak mók nekha. Siete apyeyam axta apteme apkemha apmonye' apagkok Israel ma'a Ibsán,

Jueces 17:7

Aphegkek axta han xama wokma'ák ma'a Belén apkeñama mók nekha, apkeñama axta nepyeseksa Judá énxet'ák apagkok, apteme axta levita.

Jueces 19:1

Apmomchek axta levita xama kelán'a apmeykha naqsa eñama axta m'a Belén nak Judá, apha axta m'a makhawo agko' nak egkexe Efraín, meykexa axta makham wesse' apwányam ma'a Israel.

1 Samuel 16:1

Aptáhak axta Wesse' egegkok apcháneya Samuel: —¿Háxko sa' ekwánxa kamassegwók élapwayam eñama aptémakxa m'a Saúl? Maltamhók ko'o elenxanmagkohok apteme wesse' apwányam Israel ma'a. Exeg, eyátawakxa pexmok égmenek apyeta nak chá'a, éltamhók ko'o emhagkok xép ma'a Jesé apxagkok, apha nak Belén, hakte élyesáha ko'o yaqwayam etnehek wesse' apwányam xama apketche m'a.