Jueces 11:26 - Biblia Enxet

²⁶ Trescientos apyeyam negko'o táhak negheykha s'e Hesbón, Aroer keñe han ma'a tegma apketkók aphéyak nak negyáwa', tén han ma'a apyókxoho tegma apkelyawe aphéyak nak neyáwa Arnón; ¿yaqsa eyke ektéma megkólmeykekxo makham kéxegke xa xapop nak, cham'a nanók axta?

Jueces 11:26 Iomraidhean Croise

Jeremías 48:19

Énxet'ák kélheykha nak tegma apwányam Aroer, kólchaqnágwom nekha ámay, kóllano; kólmaxneyha m'a énxet'ák meletsapa nak makham, yaqsa ektáha.

Deuteronomio 2:24

‘¡Kólchempekxa néten —axta aptemék Wesse' egegkok—, kólxegekxa makham, kólyeykhekxa sa' ma'a wátsam Arnón! Agkések sa' ko'o kéxegke yaqwayam kólmok ma'a Sihón, apteme nak amorreos, wesse' apwányam nak ma'a Hesbón, ekweykekxoho m'a apchókxa nak. ¡Kólántex sa' ma'a xapop apagkok nak, kólempakha sa'!

Deuteronomio 2:36

Méko axta xama enxoho tegma apwányam magmomakxa negko'o, axta eyeynamókxa m'a tegma apwányam Aroer, apyetnama nak ma'a nekha wátsam Arnón, tén han ma'a tegma apwányam apyetnama nak ma'a ekyapwátegweykenxa xapop, ekweykekxoho m'a Galaad; hakte Dios Wesse' egegkok axta apkeltémo ólmok negko'o m'a apyókxoho nak.

Deuteronomio 3:2

“Tén axta Wesse' egegkok aptéma seyenagkama s'e: ‘Nágkóle aqsa, ekméssek ko'o yaqwayam kólmok ma'a wesse' nak, yetlo m'a sẽlpextétamo apagkok, ekweykekxoho m'a ekyókxoho apchókxa nak, yaqwayam sa' kólteméssesek ekhawo kélteméssessamakxa axta m'a Sihón, wesse' apwányam apagkok axta m'a amonitas, apheykencha'a axta m'a Hesbón.’

Deuteronomio 3:6

Nensawhomók axta nennaqtawáseykencha'a, axta nenteméssessók ma'a nenteméssessamakxa axta Sihón, wesse' apwányam axta ma'a Hesbón, negmassésseykmek axta m'a énxet, kelán'ák tén han ma'a sakcha'álétkók,

Josué 11:18

Ahóxók agkók axta apkelnápomap ma'a énxet'ák nak.

Josué 12:2

Sihón, wesse' apwányam apagkok axta m'a amorreos aphama axta m'a Hesbón. Weykmók axta han apteme wesse' apwányam eyeynókxa m'a Aroer, neyáwa nak wátsam Arnón, keñe han ma'a nekha nak neyseksa m'a ekyapwátegweykenxa xapop, ekweykekxoho m'a wátsam Jaboc, eyeynókxa nak xapop apagkok ma'a amonitas (nekha nak ma'a Galaad),

Josué 12:5

Weykmók axta han apagkok ma'a egkexe nak Hermón, keñe han eyeynókxa m'a yókxexma nak Salcá, tén han eyeynókxa m'a ekyókxoho yókxexma nak Basán, ekweykmoho m'a ektemegwánxa nak néxa yókxexma Guesur keñe han ma'a Maacá, tén han ektemegwánxa nak néxa m'a náxet yókxexma Galaad, ektáha axta apagkok ma'a Sihón wesse' apwányam axta m'a yókxexma Hesbón.

Josué 13:10

weykmók axta han ma'a apyókxoho tegma apkelyawe apagkok nak ma'a Sihón, wesse' apagkok nak ma'a amorreos, aphama axta m'a Hesbón, ekweykekxoho m'a ektemegwánxa nak néxa xapop apagkok ma'a amonitas.

Josué 13:16

Axta cheynamók xapop apagkok ma'a Aroer, neyáwa nak ma'a wátsam Arnón, keñe han ma'a tegma apwányam apyetnama nak ma'a neyseksa ekyapwate, tén han ma'a ekyókxoho egkexe ekpayhéyak nak néten ma'a yókxexma Medebá,

Josué 13:17

ekweykekxoho m'a Hesbón keñe han ma'a apyókxoho tegma apkelyawe apheykegko nak ma'a néten xapop ekpayhéyak: cham'a Dibón, Bamot-baal, Bet-baal-meón,

Josué 23:1

Wenaqtémók axta natámen aptaqmelchessáseykekxa apheykha Wesse' egegkok ma'a énxet'ák Israel, massegkek axta apkelnápomap ma'a apkelenmexma, apwányamók axta aptemék ma'a Josué,

Jueces 10:8

Dieciocho apyeyam axta apnaqtawáseykegkoho ekmaso agko' filisteos, tén han amonitas ma'a apyókxoho énxet'ák nak Israel, apheykencha'a axta m'a Galaad, neyp nak ma'a Jordán, xapop apagkok axta m'a amorreos.

Jueces 3:11

Tén axta natámen xa, ektaqmeleykekxo makham apheykha énxet'ák ma'a yókxexma, ekweykmoho cuarenta apyeyam. Keñe axta natámen apketsapma Otoniel,

Jueces 3:30

Axta temék israelitas apmoma m'a Moab. Natámen axta xa ektaqmeleykekxo makham apheykha m'a yókxexma nak, ekweykmoho ochenta apyeyam.

Jueces 5:31

“¡Wesse', sa' kóltéhek kólmasséssók apyókxoho apkelenmexma xa, elyenmok sa' ma'a apchásekhayo nak chá'a, ektémól'a ekhem kalsaksek exma kaltátchesek!” Keñe axta ektéma meyke ektáhakxa apheykha énxet'ák natámen xa, ekweykmoho cuarenta apyeyam.

Jueces 8:28

Cháxa ektémakxa axta aptemessáseykekxo mékoho israelitas ma'a madianitas, massegkek axta apmopwána elyennaqtésakpohok chá'a. Cuarenta apyeyam axta temék meyke ektáhakxa apheykha énxet'ák ma'a yókxexma, apyennaqtamakxa axta m'a Gedeón.

Jueces 9:22

Apqántánxo apyeyam axta apteme apkemha apmonye' apagkok Abimélec ma'a israelitas,