Jueces 1:12 - Biblia Enxet

¹² Apxénchek axta Caleb egkések apketche kelwána ekwesey axta Acsa, yaqwayam etnehek aptáwa' m'a ektáha enxoho apma m'a tegma apwányam nak Debir.

Jueces 1:12 Iomraidhean Croise

Salmos 60:9

¿Yaqsa sa' heyentemekxak ko'o m'a tegma apwányam kélhaxtegkesso nak nepyáwa'? ¿Yaqsa sa' heyentemekxak ekweykekxoho m'a Edom?

Jeremías 29:6

Kóltegyák sa' nahan kélnaqteyegka'a, kólweta sa' kélketchek apkelennay'a tén han kelwán'ák, etegyagkok sa' nahan apnaqteyegka'a m'a, elwetak sa' han apketchek. Kólxámágwomho kélagko' sa' xa, nágkóltemekxa kélqántawo'.

Josué 15:15

Keñe axta apxega peya elnapakpok ma'a énxet'ák apheykha nak Debir, cham'a ekwesey axta Quiriat-séfer ma'a nanók axta,

Jueces 1:11

Keñe axta apketámegkokxo m'a tegma apwányam Debir, ekwesey axta han nanók Quiriat-séfer.

Jueces 1:13

Otoniel axta han apmak ma'a tegma apwányam, Quenaz axta apketche, apyáxeg apsexyo axta m'a Caleb; apméssek axta Caleb yaqwayam etnehek aptáwa' m'a apketche kelwána, ekwesey axta Acsa.

1 Samuel 17:25

axta aptáhak apkelpaqmeta s'e: “¿Kélwet'aya xa énxet apxegakmo nak? ¡Apxegakmek yaqwayam ellókasagkok ma'a énxet'ák Israel! Énxet apchaqhe enxoho xa, elmések sa' aqsok ekxámokma wesse' apwányam, egkések sa' han apketche kelwána yaqwayam etnehek aptáwa', megyánhek sa' han elyánmagkasek élmomaxche nak chá'a selyaqye m'a apnámakkok.”

1 Samuel 18:23

Apkelxegkek axta Saúl apkeláneykha apkeltennássekmo ekyókxoho David xa amya'a nak, keñe axta aptáha apchátegmowágko David se'e: —¿Kélanagkamcheya kéxegke kexyókok nenteme wesse' apwányam apepháyem, meyke aqsok egagkok, tén han mékoho ektéma nak ko'o?