Jonás 2:7 - Biblia Enxet

⁷ Wesse', xama axta peya kamaskok sekyennaqte, tén ekxéna ewáxok xép; wokmek axta sélmaxnagko m'a tegma appagkanamap apagkok aptaqmalma nak, cham'a aphamakxa nak xép.

Jonás 2:7 Iomraidhean Croise

2 Crónicas 30:27

Tén axta apkelchampákxo néten ma'a apkelmaxnéssesso Dios énxet'ák apagkok tén han levitas, apkelmaxnéssesa aqsok éltaqmela m'a énxet'ák; aphaxnawok axta han ma'a Wesse' egegkok, wákxók axta han néten ma'a apkelmaxneyéyak, aphakxa nak ma'a Dios appagkanamap.

Salmos 11:4

Apheyk Wesse' egegkok ma'a tegma appagkanamap apagkok aptaqmalma nak. Appekkenmeyk aphamakxa Wesse' egegkok ma'a néten nak, apsawheykha exma apkeláneykencha'a ektémakxa apkelweynchámeykha énxet'ák.

Salmos 142:3

cham'a ekmassa enxoho chá'a sélenmáxexko. Wesse', apya'ásegkok xép ámay ahagkok: cham'a ámay sekpéwomókxa nak chá'a ko'o, élpekkenchessek kelhanma.

Salmos 143:5

Xénwákxok ko'o ewáxok ma'a nanók axta, xénchek ewáxok ekyókxoho m'a aqsok apkelane axta.

Salmos 18:6

Ekwóneykha axta ko'o Wesse' egegkok ma'a ekyentaxnama axta setnamakxa', éltémok axta hepasmok Dios ahagkok, aplegayók axta ko'o sélmaxnagko m'a ekpayho nak tegma appagkanamap apagkok; ¡aplegayak axta sekwóneykha!

Salmos 20:7

Nápakha énxet'ák chá'a yásenneykxak ma'a yátnáxeg apkelyenyawasso apkenchesso nak kempakhakma, nápakha han chá'a elásenneykxak ma'a yátnáxeg apkelchánte; keñe negko'o negásenneykekxo chá'a m'a Dios Wesse' egegkok.

Salmos 22:14

Ekhawók ko'o m'a yegmen ekyegkenamaxchel'a; kelhaxyawásamáxcheyk exchakkok. Máxa pápa' tamheykekxak ewáxok ekpayheykekxo.

Salmos 27:13

Ekya'ásegkók eyke ko'o peya ótak ma'a ektémakxa nak ektaqmeleykha apwáxok henlanok Wesse' egegkok, neyseksa sekha makham nepyeseksa m'a énxet'ák apkelyenna nak makham keso náxop.

Salmos 42:11

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

Salmos 42:5

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

Salmos 43:5

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

Salmos 65:4

Apkeleñémo énxet apkelyéseykha nak xép, apyentameykekxa nak xép ma'a aphakxa nak, apwáxok nak ma'a tegma appagkanamap apagkok. ¡Kalpeykásekxohok agko' sa' negko'o egwáxok ma'a aqsok éltaqmalma ekhéyak nak apxagkok, aqsok élpagkanamaxche ekhéyak nak ma'a tegma appagkanamap apagkok!

Isaías 38:17

Yaqmagákxeyk kaxwók meyke ektáhakxa ewáxok ma'a eklegeykegkoho nak ewáxok. Emágweykekxeyk xép ketók sekteyeykemxa m'a máxek segmassesseykmoho nak, hakte meyaqmagkáseykekxak mók ekyókxoho m'a may'assáxma.

Isaías 50:10

Kéxegke kéláyo nak chá'a Wesse' egegkok tén han kélháxenmo nak chá'a appeywa m'a apkeláneykha: kélxegkek agkok ekyáqtésakxaxma, meyke éltátchessesso m'a élseyéxma, kólteme kéláyo m'a Wesse' egegkok kólyepetchegwakxa m'a Dios kélagkok.

Jonás 2:4

Éneykek axta ko'o hetekkásak ma'a aphakxa nak xép; xénchek axta ewáxok mótekxók chá'a m'a tegma appagkanamap apagkok aptaqmalma nak.

Miqueas 1:2

Kóleyxho sa' se'e, énxet'ák kélyókxoho nak; kóltaqmelchesho sa' kélháxenmo s'e kélyókxoho kélheykha nak ekyókxoho apchókxa: Elxénchásekxohok sa' kéltémakxa kéxegke Wesse' egegkok ma'a aphakxa nak tegma appagkanamap aptaqmalma apagkok.

Habacuc 2:20

Apheyk Wesse' egegkok ma'a tegma aptaqmalma appagkanamap apagkok: ¡Kólwanmeyák nápaqto' kélyókxoho kélheykha nak ekyókxoho keso náxop!

1 Samuel 30:6

Tamháha agko' axta apwáxok ma'a David, hakte apmakók axta yaqhek ma'a sẽlpextétamo apagkok peya elyetnak meteymog, apkellókók apagko' axta apkelwet'a ektáhakxa m'a apketchek. Apwasqakkásekxók axta eyke David ma'a Dios Wesse' apagkok,