Jonás 1:3 - Biblia Enxet

³ Axta eyke elyahákxohok Jonás, xénchek axta aqsa apwáxok éxánegkesek Wesse' egegkok, tén axta apmahágko m'a ekhágweyktamxa axta chá'a yántakpayhe tegma apwányam Jope. Apwetágwokmek axta xama yántakpayhe ketók ekteyapmakxa ekmako kamhagkok ma'a Tarsis; apyánmagkassek axta apchánta apmako emhagkok ma'a.

Jonás 1:3 Iomraidhean Croise

Génesis 3:8

Apleg'ak axta énxet, tén han aptáwa' apweynchámeyncha'a Dios Wesse' egegkok yókxexma ektaqmalma, cham'a ekweykenxal'a kaxchahámha taxnám, tén axta ényahágko élyexánegkessekmo neyseksa yámet élaqnéyak axta m'a yókxexma ektaqmalma.

Génesis 4:16

Aptekkek axta Caín xa yókxexma nak, appaqhetchesakxa axta Wesse' egegkok, aphakmek axta m'a yókxexma Nod, ekpayho nak ekteyapmakxa ekhem teyp Edén.

1 Reyes 19:3

Apyekpelcheyk axta eyesagko yaqwánxa katnehek Elías, keñe apmahágko Beerseba, yaqwayam enxoho ewagkasakpok teyp, cham'a yókxexma nak Judá, axta apyensakmok apkeláneykha m'a.

1 Reyes 19:9

Xama axta apwokmo m'a, keñe aptaxnegwokmo kañe' meteymog áxwa, axta apténak axta'a m'a. Appaqhetchessek axta eyke Wesse' egegkok ma'a, aptáhak axta apcháneya: “Elías, ¿yaqsa apkelana s'e?”

2 Crónicas 2:15

Elaphásses sa' kaxwók apkeláneykha m'a hótáhap apaktek, tén han ma'a apho nak hótáhap, pexmok égmenek keñe han ma'a anmen yámet égmenek, apkeltennassama axta elmések.

2 Crónicas 2:16

Ólyaqtennek sa' negko'o Líbano m'a ekyókxoho yámet, apkepmenyéxa enxoho, yántakpayhe sa' anxatmok ólsakxések ampékeshok wátsam ekwányam, ekweykekxoho m'a Jope. Keñe sa' xép elsakxak ekweykekxoho m'a Jerusalén.”

2 Crónicas 9:21

hakte kamyekxohok axta chá'a wesse' apwányam yántakpayhe apagkok ma'a Tarsis, yetlo Hiram apkeláneykha, xama ekweykta axta chá'a katnehek apqántánxo apyeyam, kalsanták axta chá'a sawo élyátekto élmomnáwa, sawo élmope élmomnáwa, yánnapóxeg apma'ák, yetsene tén han yágkenáteg.

Esdras 3:7

Apkelméságkek axta énxet'ák Tiro tén han Sidón selyaqye m'a apkeláneyak nak tegma, tén han ma'a apkeltamheykha nak yántéseksek, tén han aptéyak, apyenéyak, yaqwayam enxoho elsakxak elyeykhásekxak wátsam ekwányam ma'a yántéseksek cedro éleñama m'a Líbano ekweykekxoho m'a Jope, ekhawo apméssama axta apkeltémókxa etnahagkok ma'a Ciro, wesse' apwányam axta m'a Persia.

Job 1:12

Apchátegmowágkek axta Wesse' egegkok ma'a aqsok ekmowána nak hensexnena': —Táse'. Katnésses sa' ekmakókxa enxoho katnéssesek ma'a ekyókxoho aqsok apagkok nak Job, eyke maltamhók katnéssessamhok exma ekmaso m'a Job. Tén axta ektepa aphakxa Wesse' egegkok ma'a aqsok ekmowána nak hensexnena'.

Job 2:7

Yetlókok axta ekteyapma aphakxa Wesse' egegkok ma'a aqsok ekmowána nak hensexnena', cha'ak axta Job negmasse ekmaso agko', sawheykxók axta ekyókxoho apyempehek.

Salmos 107:23

Apkelxegamchek chá'a neyseksa wátsam ekwányam ma'a apkelyánmagkásamap nak chá'a. Apkelxegkessegkek chá'a yántakpayhe apagkok ma'a neyseksa nak yegmen,

Isaías 2:16

tén han apyókxoho m'a apkene nak exnawok ma'a yántakpayhe élyawe éleñama nak Tarsis essenhan ma'a yántakpayhe éltaqmalma nak.

Isaías 23:1

Tiro ekxénamaxche yaqwánxa kólteméssesek. Kelxegáha apnenya'ák apkellekxagweyncha'a m'a apkelchánte nak chá'a yántakpayhe éleñama nak Tarsis, hakte kéltawáseyha m'a apnegkenweykekxexa nak chá'a yántakpayhe apagkok. Axta nahan apkellegágwakxohok amya'a kéltawassáseyncha'a m'a sekxók apkelchexyekmo axta apkelenyékto m'a Chipre.

Isaías 23:10

Énxet'ák Tarsis, kólchá kaxwo', méko kaxwók entáhak ma'a kélnegkenweykekxexa nak chá'a yántakpayhe.

Isaías 23:6

Sa' etnehek elpaqmétek se'e: “Kólmohok sa' Tarsis, kóllekxagwaha sa' kóllanok ma'a énxet'ák apheykha nak neyáwa wátsam ekwányam.”

Isaías 60:9

Yántakpayhe xa élmeyókmo nak kélhágkaxa, Tarsis yántakpayhe élyawe m'a élámha amonye'e nak élxegayam, makhawók apkelenyekták eknaqlántegkesa m'a énxet'ák kélagkok, yetlo m'a sawo ekyátekto élmomnáwa apagkok tén han ma'a sawo ekmope élmomnáwa, eñama m'a Wesse' kélagkok, Dios Aptaqmalma nak ma'a Israel, apteméssessama nak kéleymáxkoho.

Jeremías 10:9

Sawo ekmope ekmomnáwa aqsa m'a kéleykmássesso apagkok nak, éleñama nak kélseykenta m'a Tarsis, tén han sawo ekyátekto ekmomnáwa, éleñama nak kélseykenta m'a Ufaz; aqsok apkelane nak chá'a m'a énxet apkeleykmassáseykha nak chá'a aqsok, tén han ma'a apkelane nak chá'a sawo ekyátekto élmomnáwa, kéltaxneyáseykekxa nak chá'a m'a apáwa hómáyok, tén han ma'a apyexwase, énxet apmopwána apkeleykmassáseykha apkelane ekyókxoho xa.

Ezequiel 2:8

Etaqmelchesho apháxenmo sektáhakxa nak seyáneya, ná etne ekyennaqte apwáxok aptamheykegko nak ma'a. Emayhe, etow sa' se'e sekmako nak agkések.”

Ezequiel 27:12

Xámok agko' axta m'a aqsok apagkok, Apkelyánmagkásamákpek axta chá'a m'a énxet'ák Tarsis, egkések axta chá'a ekyaqmageykekxa aqsok apkexeykekxa m'a sawo ekmope ekmomnáwa, tén han ma'a sawo ekyentaxno, tén han ma'a sawo ekpexpope ekmanyehél'a kapayhekxa' tén han ma'a yáma énmaga aktek ekmomhápal'a.

Ezequiel 3:14

Émpásekxeyk axta néten ma'a Dios apmopwána, etekkessek axta m'a, ekxegkek axta ko'o yetlo ekmayósa ewáxok tén han eklo, apmágkek axta ekyennaqte agko' émek ma'a Wesse' egegkok.

Jonás 1:10

Apkeltennáseyha axta Jonás apkeltamheykha nak yántakpayhe apyexánegkesa m'a Wesse' egegkok. Xama axta apkelleg'a xa, apkelwet'ak axta ekyágwokmoho eyáhapwa'a yegmen ma'a wátsam ekwányam, apkelyegwakkók apagko' axta, tén axta aptáha apkelmaxneyeyncha'a s'e: —¿Yaqsa ektáha aptáha nak xa? ¿Háxko eyke negko'o anteméssesek xép yaqwayam enxoho kawanmeyekxak yegmen wátsam ekwányam?

Jonás 4:2

Tén axta appaqhetchesa Wesse' egegkok aptáha apkelmaxnagko s'e: —Wesse', cháxa sekxeyenma axta chá'a ko'o katnehek xa, sekhamakxa axta makham ma'a seyókxa. Axta keñamak sekmáheyo heykxe ko'o axyenmok amhagkok ma'a Tarsis, hakte ekya'ásegkók ko'o exchep apteme Dios ektaqmeleykha apwáxok henlano', tén han apmopyósa henlano', mepekhésamap elwok, awanhek nahan segásekhayo, exének chá'a ellegássesagkohok énxet'ák, keñe elwátessók chá'a.

Josué 19:46

Mejarcón, tén han Racón, xapop ekyetnama axta m'a nekha nak Jope.