Jonás 1:2 - Biblia Enxet

² “Emhók sa' tegma apwányam Nínive, eltennés sa' peya ko'o amasséssók ma'a, hakte wa'ak ko'o amya'a sekhakxa ektémakxa melya'assáxma.”

Jonás 1:2 Iomraidhean Croise

Génesis 10:11

Cháxa yókxexma apkeñamakxa axta han apmaheykegko m'a Asur, apkelánegweykmo axta han ma'a tegma apkelyawe nak Nínive, Rehobot-ir, Quélah,

2 Reyes 19:36

Tén axta Senaquerib, wesse' apwányam nak Asiria, apleya appakxanma; aptaqháwók axta makham ma'a Nínive.

2 Crónicas 28:9

Aphegkek axta han xama Wesse' egegkok appeywa aplegasso m'a, apwesey axta Obed, apkelanyexeykmo axta sẽlpextétamo apmáheyo elántexek ma'a Samaria. Aptáhak axta apkeláneya s'e: —Apkeltaqnaweygkek énxet'ák Judá m'a Wesse' egegkok, Dios apagkok axta m'a kélyapmeyk nano' nak kéxegke, cháxa keñamak apkelmésa nak kéxegke yaqwayam kólmok. Kélnapchek eyke kéxegke yetlo kélnaqtawáseykegkoho, wákxók apkelwehéseykha m'a néten.

Esdras 9:6

sektáha s'e: “Dios ahagkok, ekmegqakkek ahagko' ko'o, may'ásegkok sektáhakxa, mowanchek sekmako alanok xép. Yeykhágwokmok agko' ma'a ektémakxa nak negko'o mólya'assáxma, weykmók néten ma'a nentémakxa nélsexnánémaxche'.

Isaías 37:37

Tén axta Senaquerib, wesse' apwányam nak Asiria apleya appakxanma; aptaqháwók axta makham ma'a Nínive.

Isaías 58:1

Aptáhak ko'o seyáneya Wesse' egegkok se'e: Elpáxamha ekyennaqte agko', meyke apkeye, nágyés epaqmétek ektémól'a kapáwak ma'a xama kélaqkahasso; elxénchásekxoho apkeltémakxa ekmaso m'a énxet'ák ahagkok, apkeltémakxa melya'assáxma m'a Jacob énxet'ák apagkok.

Jeremías 20:9

Ektemék agkok ko'o sekpeywa s'e: “Megkaxének sa' kaxwók ewáxok Wesse' egegkok, mañeksek sa' nahan kaxwók ma'a appeywa,” keñe chá'a katnekxak ewáxok appeywa m'a ektémól'a táxa eksawhomól'a kalwatnek aqsok, kawomhok chá'a élméxenchesso m'a kañe' exchakkok. Amáwhok eykhe chá'a amagkok, mowanchek eyke.

Ezequiel 2:7

Ellegés xép ma'a sekpeywa, lapmaxcheyk sa' elyahakxoho' essenhan melyahakxe', hakte kalyéha'awók agko' apkelwáxok ma'a.

Oseas 7:2

Megkalxeyenmak apkelwáxok mehelwánaqmeyk ko'o m'a ekyókxoho apkeltémakxa ekmaso nak. Wakheykekxeyk eyke kaxwók ma'a ektémakxa nak aqsok apkeláneyak apagkok apagko', sekweteya nak chá'a ko'o nahaqto'.

Jonás 3:2

“Emhók sa' tegma apwányam Nínive, ellegés sa' énxet'ák sekmako nak ko'o altennaksek xép.”

Jonás 3:3

Apxegkek axta Jonás apmahágko m'a Nínive, ekhawo m'a aptáhakxa axta apcháneya Wesse' egegkok. Nínive axta apteme xama tegma apwányam apyawe apagko', ántánxo ekhem axta kammohok nenxega agwomok napwa'a. Aptaxneyk axta Jonás tegma apwányam, xama ekhem axta nahan apxega yetlo apteme appeywa ekyennaqte agko' se'e: “¡Cuarenta ekhem kéméxcheyk kólmasséssók Nínive!”

Jonás 4:11

Ekyágwánxa agkok ko'o apyósekak alanok ma'a énxet'ák Nínive, tegma apwányam apheykegkaxa nak ciento veinte mil sakcha'a meyke apkeltémakxa, tén han ekxámokma agko' ma'a aqsok kélnaqtósso.

Miqueas 3:8

Keñe sa' ko'o, heyánchesseshok segkésso sekyennaqte m'a Wesse' egegkok espíritu apagkok, tén han ekpéwomo nentémakxa, tén han magwaye emonye', yaqwayam sa' magwéssekxeyk alxénchásekxohok apkelenmexeykekxoho Dios ma'a énxet'ák Israel tén han melya'assáxma.

Nahúm 1:1

Keso weykcha'áhak apxawe axta eñama kélxekmósso m'a Nahúm apkeñama axta Elcós. Cháxa amya'a ekxeyenma nak ma'a tegma apwányam Nínive.

Nahúm 3:19

¡Méko pánaqte agkok ma'a apyense nak xép; megkataqmelwome'! Apkeltekpagáha apmék yetlo élpayheykekxa apkelwáxok apyókxoho apkellege nak ektáhakxa exchep eyáhapwe aqsok ekmaso, ¿yaqsa axta megkañeykegkoho chá'a m'a aptémakxa ekmaso, megkayetyapwágweykmo axta?”