Joel 3:4 - Biblia Enxet

⁴ “¿Yaqsa kélmako hélteméssesek ko'o, Tiro, Sidón, tén han Filistea? ¿Kélmakóya kólyaqmagkásekxak sekteméssesakxa'? ¿Kélmakóya kólmok ekyánmaga sekteméssesakxa'? ¡Kaxwók sa' ayaqmagkásekxak ko'óxa kéltémakxa!

Joel 3:4 Iomraidhean Croise

2 Crónicas 21:16

Tén axta Wesse' egegkok apkellókasa apkelwáxok ma'a filisteos tén han énxet'ák árabes, apheykha axta neyáwa apheykegkaxa m'a énxet'ák Cus, aptaqnawaya m'a Joram;

Isaías 14:29

Filisteos, nágkalpayhekxa aqsa kélwáxok kélekkexchesa m'a yámet kéltekyaweykencha'a axta chá'a, hakte sa' kañék katyapok xama yéwa m'a ekteyapmakxa nak chá'a m'a yéwa, katyapok sa' xama yéwa ekwányam ekmowána kampa'.

Isaías 34:8

Katnehek sa' ekhem apyaqmagkáseykekxexa mók ma'a Wesse' egegkok, apyeyam apyaqmagkassáseykekxexa mók kélteméssessamakxa m'a Sión.

Isaías 59:18

Egkések sa' chá'a Wesse' egegkok xama m'a ekpayhawo nak chá'a egkések; ellegássesagkohok sa' ma'a apkelenmexma nak. Egkések sa' chá'a ekpayhawo nak chá'a egkések ma'a aptaqnagko nak chá'a; kawakxohok sa' nahan ma'a apheykha nak apkelókxa neyáwa wátsam ekwányam.

Jeremías 47:1

Keso amya'a apkeltennasa axta Wesse' egegkok Dios appeywa aplegasso Jeremías apkelxéna m'a filisteos, mektámegkaxa axta makham faraón ma'a Gaza:

Jeremías 47:4

Hakte wokmek ekhem yaqwánxa kólmasséssók ma'a filisteos, tén han kólyementemekxak Tiro, tén han Sidón ma'a apkeleymomap nak makham ma'a ektáha nak chá'a appasmo.” Naqso', emasséssók sa' Wesse' egegkok ma'a filisteos, apkelánteyapma axta m'a egkexe Creta, apkelmeyáyekmo s'e.

Jeremías 51:6

“¡Kólántép Babilonia! ¡Kólwagkasaxche teyp kélewagko enxoho! ¡Nágkóltamho kóletsapok eñama apkeláneyak melya'assáxma m'a énxet'ák Babilonia! Wokmek kaxwók sekyaqmagkáseykekxexa mók apkeltémakxa, axnéshok sa' mók ma'a ektémakxa nak chá'a aqsok apkeláneyak.

Joel 2:10

Kayawheykha chá'a xapop apmonye'e, kapexyennamok han chá'a m'a néten, kapeysemekxak chá'a ekhem, tén han pelten, kamaskok chá'a elápogwátek yaw'a.

Joel 2:2

ekhem ekyáqtésso exma tén han ekho axta'a, yaphope ekyentaxno ekho pessesse. Apsawhawók sẽlpextétamo apkelyennaqte, tén han apxámokma m'a néten egkexe nak, máxa aptáhak ma'a ektémól'a ekyetcheyam la'a amonye' élseye. Megkótémaxchek chá'a katnehek nanók axta xa ektéma nak, megkólwetekxók sa' nahan chá'a katnekxa'.

Deuteronomio 32:35

yaqwayam sa' amha m'a ekhem sekheyásawo sa' mók apkeltémakxa, sekmésa sa' apkellegeykegkoho ekpayhawo nak chá'a agkések, ekwokmo sa' apkelyaqnenágko keso náxop. Chágketwokmek ekhem yaqwánxa kólmasséssók, ¡Ketók agko' kaxwók ekhem!’

Jueces 11:12

Tén axta apkeláphasa apseykha amya'a aphakxa m'a wesse' apwányam amonitas apkeltamho etnehek elmaxneyha s'e: “¿Yaqsa aqsok eklókassama apwáxok apmáheyo ko'o hénmexek xép, peya nak ektámegmak seyókxa?”