Joel 3:1 - Biblia Enxet

¹ “Ataqmelchessásekxak sa' ko'o makham apheykha énxet'ák Judá, tén han Jerusalén xa ekhem nak.

Joel 3:1 Iomraidhean Croise

Salmos 14:7

¡Émenye' nak la'a ko'o kawak nélwagkásamáxche teyp ma'a Israel, eñama m'a Sión! Apyaqmagkassessek sa' agkok mók Wesse' egegkok ektémakxa apheykha m'a énxet'ák apagkok nak, kalpayhekxak sa' apkelwáxok ma'a Jacob aptawán'ák neptámen, cham'a apyókxoho énxet'ák nak Israel.

Salmos 85:1

Wesse', tásek xép apteméssessamakxa s'e apchókxa nak; aptaqmelchessásekxeyk makham apheykha m'a Jacob énxet'ák apagkok;

Proverbios 1:23

Kóleyxho sa' chá'a sélpaqhetchesa enxoho, keñe sa' ayánchesseshok chá'a sélmésso kélyókxoho m'a sekya'áseyak nak ko'o; wának sa' kólya'ásegwók ma'a ektémakxa nak élchetámeykha ewáxok.

Isaías 44:3

hakte wának sa' ko'o kanyehek yegmen ma'a yókxexma meykexa nak énxet, keñe sa' yegmen ényé m'a ekyamáyekxa nak xapop. Agkések sa' ko'o axnagkok apkelyennaqte m'a aptawán'ák neptámen nak, wáphássesek sa' ektaqmalma apheykha.

Jeremías 16:15

sa' aqsa kóltéhek chá'a s'e: ‘Memassegwomek sa' chá'a Wesse' egegkok, apkelántekkesso axta israelitas ma'a apchókxa ekpayho nak nexcheyha, tén han ma'a ekyókxoho apkelókxa apkelya'assamakxa axta chá'a apkexpánchessama. Wának sa' ko'o kólmeyenták makham kéxegke m'a xapop kélagkok axta, cham'a xapop sekméssamakxa axta ko'o m'a kélyapmeyk nano'.

Jeremías 29:14

Naqso', wohok sa' chá'a ko'o hélwetekxak kéxegke, ayaqmagkassesek mók ektémakxa kélheykha: alántekkessekxak sa' chá'a m'a ekyókxoho apheykegkaxa nak chá'a pók aptémakxa énxet'ák, tén han ma'a ekyókxoho yókxexma sélya'assamakxa axta chá'a séxpánchessama, wánchásekxak sa', wának sa' kólchexyók makham se'e yókxexma, sélántekkessamakxa axta. Ko'o sekxeyenma xa, sektáha nak Wesse'.’

Jeremías 30:18

Aptáhak Wesse' egegkok se'e: “Ayaqmagkassesek sa' ko'o mók ektémakxa nak apheykha m'a Jacob énxet'ák apagkok, kayóshok sa' alanok ma'a apchókxa nak; kólnaqxétekhasagkokxak sa' makham tegma apkelyawe m'a neyseksa nak meteymog nekha'a appalleykemxa axta, tén han kelwesse'e apxanák apkelyawe m'a apheykegkaxa axta.

Jeremías 30:3

hakte xegakmek ekhem yaqwánxa sa' ko'o ayaqmagkassesek mók ektémakxa nak apheykha m'a énxet'ák ahagkok Israel tén han ma'a Judá. Ko'o sekxeyenma xa, sektáha nak Wesse'. Wának sa' ko'o elmeyenták makham ma'a xapop sekméssamakxa axta yaqwayam etnehek apagkok ma'a apyapmeyk nano' axta.”

Ezequiel 16:53

“Agkeyásekxak sa' ko'o makham ektaqmeleykekxa ekha m'a Sodoma tén han ma'a Samaria yetlo m'a étchek nak; xeye' sa' nahan agkeyásekxak ektaqmeleykekxa ekha,

Ezequiel 39:25

“Ekeso éñamakxa sektáha nak ko'o sekpeywa s'e sektáha nak Wesse': Kalepyóshok sa' ko'o kaxwók alanok apyókxoho m'a énxet'ák Israel, Jacob aptawán'ák neptámen nak. Wának sa' kayaqmagkasek mók ma'a ektémakxa nak chá'a, yaqwayam sa' wának ko'o etaqmelchesek ma'a sekwesey ektaqmalma nak.

Daniel 12:1

“Ewaták sa' Miguel, apteme nak Dios apchásenneykha apyennaqte, apkelmasma nak xép énxet'ák apagkok. “Yentexek sa' katnehek xa ekhem nak, megkótémaxko axta katnehek ma'a sekxók axta eyeynamókxa ekteyapma m'a apheykegkaxa énxet. Wokmek sa' agkok xa ekhem nak, elwagkasakpok sa' teyp apyókxoho énxet'ák apagkok eknaqtáxésamaxche nak apkelwesey weykcha'áhak.

Joel 2:29

Almésagkok sa' han espíritu ahagkok ma'a séláneykha apkelennay'a nak, tén han ma'a kelwán'ák nak, cháxa ekhem nak;

Amós 9:14

Keñe sa' anaqlanták ko'o makham ma'a énxet'ák ahagkok Israel, kélnaqleykekxa axta megkatnahakxa apkelókxa. Enaqxétekhasagkokxak sa' makham ma'a tegma apkelyawe kélnaqtawáseykha axta, keñe sa' exmakha makham ma'a; eknagkok sa' makham anmen yámet, énagkok sa' nahan ma'a égmenek nak; eknagkokxak sa' makham aqsok aktek namyep, etawagkok sa' nahan ma'a ekyexna nak.

Números 11:29

Aptáhak axta Moisés apchátegmowágkokxo s'e: —¿Élmeyókhaya ko'o exchep? ¡Elmésagkoho annal'a Wesse' egegkok espíritu apagkok ma'a apyókxoho énxet'ák apagkok, keñe etnahagkok apyókxoho apkellegasso Dios appeywa!

Números 12:6

aptáhak axta apkeláneya Wesse' egegkok se'e: “Kóleyxho sa' se'e sekmako nak ko'o altennaksek: Apyetneyk agkok kélnepyeseksa kéxegke xama aplegasso sekpeywa, axekmósaxkohok chá'a ko'o, apwanmagko nahan chá'a ko'o alpaqhetchesaxkoho';

Deuteronomio 30:3

eyaqmagkasek sa' makham mók apteméssesakxa kéxegke m'a Dios Wesse' kélagkok, kélyósekak sa' nahan elano'. Yánchásekxak sa' makham enaqlósawakxak ma'a apchókxa apkelya'assamakxa axta apkelántekkessama,