Joel 2:23 - Biblia Enxet

²³ ¡Kalpayhekxa kélwáxok, kéxegke kélheykha nak Sión, kalpayhekxa kélwáxok eñama m'a Dios Wesse' kélagkok! Apméssek kéxegke ekmámeye ekweyktamxal'a chá'a, cham'a ekmámeye ekweyktámhol'a chá'a apmopsamágekxa nak, tén han ma'a élyapweykxal'a, aptémakxa axta chá'a m'a nanók axta.

Joel 2:23 Iomraidhean Croise

1 Reyes 8:36

yeyxho sa' xeyep ma'a aphakxa nak néten, ná eyaqmagkásekxa apkeltémakxa melya'assáxma m'a apkeláneykha, énxet'ák apagkok nak Israel, elxekmós ma'a ámay ektaqmalma eyeyméxko nak elyetlók. Yáphés sa' ekmámeye s'e xapop nak, apmeyáseykekxa axta m'a énxet'ák apagkok.

Job 33:23

Apheyk agkok xama Dios apchásenneykha ketók ma'a, exének han xama m'a apkeñama nak nepyeseksa m'a mil Dios apkelásenneykha, exének aptáha ekpéwomo aptémakxa,

Job 37:13

Cháxa apchásenneykekxa chá'a Dios yaqwayam ellegássesagkohok énxet'ák xa, essenhan yaqwayam exekmósek chá'a ektaqmeleykha apwáxok elano'.

Salmos 104:34

Émenyeyk ko'o kapeykessásekxak apwáxok Wesse' egegkok ma'a ektémakxa nak chá'a élchetámeykha ewáxok, hakte wánxa chá'a ko'o segkésso ekpayheykekxa ewáxok ma'a.

Salmos 147:8

Cha'a apcháhakkasso chá'a yaphope néten ma'a, emámeyaksek chá'a néten xapop, yektegkesek chá'a pa'at ma'a néten egkexe,

Salmos 149:2

Israelitas, kalpayhekxa kélwáxok, kélteme nak énxet'ák Sión, hakte Dios apteme apkelane kéxegke, tén han Wesse' apwányam kélagkok.

Salmos 28:7

Wesse' egegkok apteme ko'o sénnaqtésso; tén han semasma; axta ko'o ay'ásseykmok, epasmomchek axta. Payhekxeyk ko'o ewáxok, anneykmaksek sa', agkések sa' ekxeyenma ewáxok Wesse' egegkok.

Salmos 32:11

Kalpayhekxa kélwáxok eñama Wesse' egegkok, kéxegke éltaqmalma nak kéltémakxa, tén han ma'a meyke nak kéltémakxa, ¡kalpayhekxa kélwáxok, kólwónchesha kólátsaha!

Salmos 84:6

Apkelyeyk'ak sa' agkok ma'a xóp ekyapwate ekwesey nak Egaqtek Égmenek, etnessásekxak sa' ekteyapmakxa yegmen ektaqmela, kataqmelchesek sa' han aqsok ma'a ekmámeye;

Proverbios 16:15

Mematñehek chá'a énxet ekpayheykxoho enxoho apwáxok wesse' apwányam, máxa ekmámeye katnehek hempasmok.

Isaías 30:21

Kélyetnakhágwokmek sa' agkok chá'a kélxega, kóllegak sa' chá'a xama kélpeywa kélnentámen katnehek se'e: “Payhók ámay se'e, kólmeyenta s'e.”

Isaías 30:23

Egkések sa' ekmámeye Wesse' egegkok, yaqwayam sa' kólchenekxak aqsok aktek, katekkesek sa' apxámokma apagko' hótáhap aptaqmalma m'a xapop. Xámok sa' nahan katnehek yókxexma yaqwánxa kallawha katawagkok pa'at weyke kélnaqtósso xa ekhem nak.

Isaías 41:16

Yempaksek sa' tén sa' kalsók éxchahayam; segyettekhane ekyennaqte sa' kaxpánchesha. Keñe sa' xép kapayhekxak apwáxok xamók ma'a Wesse' egegkok, kaqheykha sa' apwáxok ma'a Dios Aptaqmalma nak Israel.

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

Jeremías 3:3

Cháxa keñamak megkamámeya nak ma'a apmopsamágexal'a, tén han ma'a élyapweykxal'a. Hawók xe' megkamegqakto m'a kelán'a ekyaqmagkáseyak pók énxet ekma nak chá'a ekyánmaga ekpathetéyak; ¡kéméxcheyk kamegqágwók!

Jeremías 5:24

Megkalchetámeykha nahan kélwáxok, megkóltemék nahan se'e: Agáwhok hana Dios Wesse' egegkok, segméssamo nak chá'a ekmámeye ekwokmo enxoho chá'a ekhem agkok ma'a ekpalleykenxa nak chá'a áwa' yámet, tén han élyapweykxa nak chá'a, tén han sempekkenchessamo nak chá'a ekhem yaqwayam annakxek ekyexna aqsok negkeneykekxa'.

Lamentaciones 4:2

Máxa weygke apkelánamap la'a yelpa' apkelanél'a xama apkelane yátegwáxwa kaxwók kéltemessásak ma'a apheykha nak Sión, eyaqheykha axta chá'a kélwáxok kóllano', kélhéssamo axta chá'a m'a sawo ekyátekto ekmomnáwa.

Ezequiel 34:26

“Alyáqkasek sa' ko'o nepkések seknaqtósso m'a neyáwa' egkexe ekpagkanamaxchexa ahagkok nak, ataqmelchessesek sa' apkelleykha; wáphássesek sa' ekmámeye ekweyktámhol'a chá'a kammok ekhem agkok ma'a ekmámeyeykxa.

Oseas 6:3

¡Ólwasqápekxohok hana agya'ásegwók Wesse' egegkok! Hegyo'ótak sa' negko'o Wesse' egegkok, ektémól'a katyapok ekhem, ektémól'a kamme' kayássesek xapop, ekmáxaqxamakxal'a exma, tén han élyapweykxal'a yenta'a.

Levítico 26:4

wáphássesek sa' ko'o ekmámeye ekweyktamxa nak chá'a ekhem, keñe sa' xapop tén han ma'a yenta'a élaqnéyak nak yókxexma, keyxek sa';

Amós 4:7

“Axta nahan wáphássessók ekmámeye ekweykmoho apqántánxo pelten amonye' kélnakxo m'a aqsok ekyexna kélcheneykekxa. Xama tegma apwányam axta aqsa chá'a ko'o ekmáméssók keñe chá'a pók tegma apwányam maltémo kamme'; xama yókxexma axta aqsa chá'a kamme' keñe axta chá'a mók yókxexma ekyamáya eñama meyke yegmen;

Zacarías 10:1

Kólmaxna Wesse' egegkok ekmámeye ekweyktámhol'a chá'a élyapweykxa yámet, keñe sa' yáphássesek ekyawe agko' ma'a Wesse' egegkok aptekkessamól'a chá'a apkelyenmayam, elmésagkok sa' ektaqmalma pa'at ma'a yókxexma.

Zacarías 10:7

Máxa sẽlpextétamo sa' etnehek ma'a Efraín. Kapayhekxak sa' apwáxok, máxa sa' etnehek ma'a ektémól'a kapayhekxak egwáxok agyenek vino, kalpayhekxak sa' nahan apkelwáxok apkelwet'a enxoho m'a apketchek. ¡Kapayhekxak sa' apwáxok eñama m'a Wesse' egegkok!

Zacarías 9:13

Eyeykessek ko'o axát'ák yágke ahagkok sénchesso nak kempakhakma. Judá xa. Ekpekkenchessek nahan xama aktek. Efraín xa. Keñe sa' xép tegma apwányam Sión atnéssesek xama sókwenaqte, wanmexchesek sa' ko'o exchep apketchek ma'a apketchek nak énxet'ák Grecia.”

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.

Deuteronomio 11:14

yáphássesek sa' chá'a ekmámeye ekwokmo enxoho ekhem agkok, ektéyeykemxal'a áwa' yenta'a, tén han élyapweykegkaxal'a pánaqte exnók, yaqwayam enxoho kólnakxek kéxegke m'a hótáhap apaktek kélagkok tén han kaxek ma'a vino, tén han ma'a pexmok égmenek kélagkok.

Deuteronomio 28:12

Emeykessesek sa' ma'a apxátamakxa nak aqsok apagkok ektaqmalma, cham'a néten, yaqwayam sa' kayássesek chá'a ekmámeye m'a xapop apagkok eyeyméxko enxoho chá'a; kataqmelchessesek sa' ekyókxoho m'a aptamheykha. Apwanchek sa' elmássesha chá'a exchep aqsok apagkok apxámokma m'a pók aptémakxa nak chá'a énxet'ák, keñe sa' xép, melmaxnayhek sa' chá'a xama énxet enxoho yának emássesha aqsok apagkok.

Deuteronomio 32:2

“Máxa ekmámeye sa' katnehek kapallenták ma'a nélxekmowásamáxche ahagkok, máxa yálye sa' katnehek ma'a sekpeywa, ektémól'a chawówa kapálwaták ma'a pa'at, ektémól'a kapálwaták yegmen ma'a pa'at ekpayhe.