Joel 2:22 - Biblia Enxet

²² Aqsok nawha'ák, nágkóle', hakte kaltaqmelagkokxak sa' pa'at, keyxek sa' nahan yenta'a, xámok sa' katnehek higo ekyexna, tén han anmen yámet ekyexna.

Joel 2:22 Iomraidhean Croise

Génesis 4:12

Eknekxak sa' eykhe chá'a aqsok aktek xapop, megkeyxek sa' eyke chá'a. Eweynchamha sa' aqsa chá'a ekyókxoho yókxexma keso náxop, meyke apkellókasseyam apyampé.

Salmos 36:6

Máxa eyke meteymog élyawe élekhahéyak la'a m'a aptémakxa ekpéwomo; máxa eyke wátsam ekwányam ekmattawóneg la'a m'a apchánamakxa nak antéhek. Wesse', xép apkeláneykha énxet'ák, tén han aqsok nawha'ák.

Salmos 65:12

kaltaqmelagkokxak chá'a pa'at ma'a yókxexma meykexa nak énxet, kasawhekxohok chá'a kalpayhekxak awáxok ma'a egkexe nak;

Salmos 65:13

kasawhekxohok chá'a élleykha kélnaqtósso m'a xóp ekpayhegwayam nak, esawhekxohok chá'a hótáhap kélcheneykekxa m'a élyapwátegweykenxa nak xapop, ¡kalmeneykmaksek chá'a ekyókxoho, kalwehesha chá'a kalátsaha!

Salmos 67:6

Keyxnések chá'a aqsok kélcheneykekxa m'a xapop; ¡empasmomchek ma'a Dios egagkok!

Isaías 51:3

Kapyóshok sa' ko'o alanok ma'a Sión, tegma apwányam apmopsagko nak apyókxoho. Namyep éltaqmalma sa' atnessásekxak ma'a ekyamáyekxa nak exma xapop yókxexma meykexa nak énxet, ektéma axta m'a Edén apkeneykekxexa axta aqsok ma'a Wesse' egegkok. Keytek sa' ekpayheykekxa egwáxok ma'a tén han negátseykha, tén han negmeneykmasso tén han negháxenmo m'a kélpáwasso ekmátsa.

Ezequiel 36:30

Wának sa' nahan kaxámagkohok agko' ekyexna yenta'a élyawe tén han aqsok kélcheneykekxa m'a yókxexma, yaqwayam sa' megkólmegqayhek chá'a makham kéxegke nápaqta'awók pók aptémakxa énxet'ák, eñama meyk élnapma.

Ezequiel 36:35

Tén sa' etnehek chá'a elpaqmétek se'e: Keso xapop ektamheykekxa axta ekyamayéxma meyke xama aqsok se'e, keñe kaxwók ekhágweykxoho m'a yókxexma Edén; tegma apkelyennaqte nahan kaxwók aptamhágkok ma'a tegma apkelyawe kélnaqtawáseykha axta, tén han kélpalchesso axta tén han kéltemessáseykekxo axta aphopák, apháha nahan kaxwók énxet ma'a kañe'.

Ezequiel 36:8

Keñe sa' kéxegke, meteymog élekhahéyak nak Israel kasawhekxohok sa' yámet élyawe yetlo ekxámokma ekyexna yaqwayam sa' etawagkok ma'a énxet'ák ahagkok Israel, cham'a eyágketo nak makham yaqwayam elwata'.

Jonás 4:11

Ekyágwánxa agkok ko'o apyósekak alanok ma'a énxet'ák Nínive, tegma apwányam apheykegkaxa nak ciento veinte mil sakcha'a meyke apkeltémakxa, tén han ekxámokma agko' ma'a aqsok kélnaqtósso.

Hageo 2:16

kaxén kélwáxok ma'a kéltémakxa axta, apxegkek axta agkok chá'a kélxama emáwhok elwakxak ma'a veinte hótáhap apaktek kéláncháseykekxa, diez axta aqsa chá'a elwetágwakxa'; apmeyákxeyk axta agkok han chá'a kélxama m'a élánamáxchexa nak vino, yaqwayam ellánésagkok cincuenta yátegwáxwa, veinte axta aqsa chá'a éta'.

Zacarías 8:12

Hakte kapekkenaxchek sa' nepyeseksa m'a meyke ektáhakxa apheykha. Keyxek sa' nahan ma'a anmen yámet kélcheneykekxa; katekkesek sa' ekyexna kélcheneykekxa m'a xapop; keñe sa' néten, kategkesek yálye. Almésagkok sa' ko'o, cháxa ekyókxoho nak yaqwayam etnehek apagkok ma'a énxet'ák apkeleymomap nak makham.