Joel 1:14 - Biblia Enxet

¹⁴ Kóláneyha énxet'ák, kóltennés peya megkóltawagkehek kéltéyak; kólánchásekxa apkelámha apmonye'e m'a Dios Wesse' kélagkok nak tegma appagkanamap apagkok, tén han ma'a apyókxoho énxet'ák apheykha nak kañe' negókxa, kólwónmakha sa' Wesse' egegkok.

Joel 1:14 Iomraidhean Croise

2 Reyes 10:20

axta keñamak apkeltamho kalanaxchek apchaqneykekxa ekwányam ekxeyenma kélwáxok ma'a Baal, kelánexcheyk axta han.

2 Crónicas 20:13

Apchaqnáha axta apyókxoho énxet'ák Judá apmonye' m'a Wesse' egegkok, yetlo apnaqteyegka'a tén han apketchek, ekweykekxoho m'a sakcha'a ketcheyetsék apancha'awo nak.

Nehemías 8:18

Apkeláneykegkek axta apkelsawássessamo ekweykmoho siete ekhem. Yókxoho ekhem axta apkelyetsete Esdras ma'a weykcha'áhak ekpeywa Dios segánamakxa apagkok, eyeynamo m'a émha amonye' ekxegál'a ekhem, ekwokmoho ektemegwánxa néxa, keñe axta ekhem ocho, élánéxko apchaqneykekxa kélpeykessamo Dios, ekhawo éltémókxa axta chá'a elanagkok ma'a segánamakxa.

Ester 4:16

“Exeg, yánchásekxa sa' apyókxoho judíos apheykha nak ma'a Susa, yaqwayam sa' metawagkehek aptéyak hélmaxnéssesek ko'o. Metawagkehek sa' aptéyak ekweykmoho ántánxo ekhem tén han ántánxo axta'a, ménagkek sa' nahan ma'a apyenéyak nak. Antamhagkok sa' eyke negko'óxa xa ektáha nak, cham'a séláneykha nak, tén sa' ko'o axog ay'ókxak ma'a wesse' apwányam, énmexma eykhe segánamakxa m'a sekmakókxa nak atnehek. Apkeltamhók sa' agkok amátog, tásek amátog.”

Jeremías 14:2

“Apkellekxagweyha m'a énxet'ák Judá, apkellegágkok élyentaxno apkelwáxok ma'a apheykha nak tegma apkelyawe apagkok, aphágkek náxop ma'a énxet'ák. Kelpayheyha apatña'ák apkellegágkoho ekmáske m'a énxet'ák Jerusalén.

Jeremías 36:9

Kéltamhók axta metawagkehek aptéyak nápaqtók Wesse' egegkok apheykha nak Jerusalén tén han ma'a apkelwe axta apkeleñama m'a pók tegma apkelyawe nak Judá, cham'a ekweykmo axta cinco apyeyam nueve pelten apteme Wesse' apwányam Joaquim ma'a Judá, Josías axta apketche.

Joel 1:2

Kéxegke kélámha kélmonye'e nak, kóltaqmelchesho kélháxenmo s'e, tén han kélyókxoho kélheykha nak apchókxa'. ¿Kélweteyaya axta kéxegke ekhémo xa aqsok nak? ¿Apkelweteyaya nahan ekhémo m'a kélyapmeyk nak?

Levítico 23:36

Kólwatnések sa' chá'a aqsok kélmésso naqsa Wesse' egegkok ekweykmoho siete ekhem, keñe ekhem ocho, kóllának han chá'a kélaqneykekxa kélpeykessamo, tén han kólwatnések chá'a aqsok kélmésso naqsa m'a Wesse' egegkok. Hakte cháxa kélessawássessamókxa chá'a xa, megkóllanyek sa' nahan chá'a kéltamheykha ekyentaxno xama enxoho.

Jonás 3:5

Axta elya'ássekmok Dios ma'a énxet'ák apheykha axta tegma apwányam, cham'a apkelwányam nak, tén han ma'a apketkók nak. Apkelxénchek axta elanagkok ma'a manto nak nento, apkelántaxneykxeyk axta han apáwa sẽlwáxaqxamo, magkenatchesso éllapwámegko.

Jonás 3:8

Kólántaxnekxa sa' ma'a apáwa sẽlwáxaqxamo nak, magkenatchesso sẽllapwámegko, nágkóleysagkoho aqsa kólwónmakha m'a Dios, kólwátésák sa' ma'a kéltémakxa élmasagcha'a nak, tén han ma'a kélteméssesseykmohóxma ekmaso nak kélmók, kélláneykegko nak chá'a s'e kaxwo nak;

Sofonías 2:1

Kólaqnekxa' sa', kólyepetchekxa sa' kélmók, kéxegke énxet'ák megkólmeqakto nak,