Joel 1:12 - Biblia Enxet

¹² Kelyameygkek ma'a anmen yámet kélcheneykekxa, tén han higo yámet. Kelyameygkek nahan ma'a yántakyexna, tén han áxa, tén han manzano awhók, keñe han ma'a ekyókxoho yenta'a nak yókxexma. ¡Massegwokmek élpayheykekxa apkelwáxok ma'a apyókxoho énxet'ák!

Joel 1:12 Iomraidhean Croise

Salmos 4:7

Egkéssegkek xép ekyawe agko' ekpayheykekxa ewáxok, máxa m'a énxet apxámokma nak hótáhap apagkok, tén han ma'a ekxámokma nak anmen yámet égmenek apagkok.

Salmos 92:12

Máxa áxa élyapwe sa' etnahagkok ma'a meyke nak apkeltémakxa, máxa yámet cedro sa' etnehek yektog élámha nak Líbano,

Cantares 2:3

Máxa yámet manzano émhal'a neyseksa yenta'a élyawe naxma aptemék nepyeseksa apnámakkok wokma'ák ma'a sekpagkanma nak. ¡Atsek chá'a axek ma'a kóneg pessesse agkok nak! ¡Atsek chá'a atwok ma'a ekyexna nak!

Cantares 4:13

namyep étkok ekteyapmakxal'a m'a yántakyexna ekmátsa nak ekyexna; élámhakxa nak ma'a pánaqte exnók élmope élmátsa agko' nak élpaqneyam,

Isaías 16:10

Kamaskok sa' ekpayheykekxa egwáxok tén han negátseykha m'a yókxexma; kamaskok sa' ma'a negwóncháseykha nak ekpayheykekxa egwáxok, tén han ma'a negmeneykmáseykha nak neyseksa anmen yámet kélcheneykekxa, kamaskok sa' nahan kalyaqhapaxchek ma'a anmen yámet ekyexna yaqwayam kalanaxchek ma'a égmenek. Massegwokmek ma'a nélpáxameykha nak negátseykha.

Isaías 24:11

Apkelpáxamáha ekyennaqte énxet'ák ámay awáxok aptegyágko eykhe vino; massegwokmek ekyókxoho m'a ektémakxa axta chá'a élpayheykekxa apkelwáxok, kélmasséssek kañe' apchókxa m'a ekpayheykekxa egwáxok nak.

Isaías 24:7

Massék ekha m'a vino, kelyameygkek ma'a anmen yámet kélcheneykekxa, kelyaqhápeyha agko' apkelwáxok ma'a énxet'ák élpayheykekxoho axta chá'a apkelwáxok.

Isaías 9:3

Wesse', apsókmek xép ekyawe agko' ekpayheykekxa egwáxok; awanhók agko' ma'a ekpayheykekxa nak egwáxok. Kelpayhekxeyk apkelwáxok apyókxoho énxet nápaqtók xép, máxa aptamhágkok ma'a ektémól'a kanakxaxchek aqsok ekyexna kélcheneykekxa. Máxa aptamhágkok ma'a aptémól'a énxet kalpayhekxak apkelwáxok emlassakpok ma'a aqsok ekxámokma apkelméyak ma'a neyseksa kempakhakma.

Jeremías 48:3

Legáxcheyk élpayheykha kélatña'ák ma'a Horonaim, táhak se'e: kélpalchesakmek ekyókxoho aqsok kélmasséssekmek ekyókxoho.

Jeremías 48:33

Massék eklegáxko kélátseykha m'a namyep ektaqmalma nak xapop ma'a Moab. Méko entáhak vino m'a kélyátamakxa nak chá'a. Méko kaxwók énxet apkelyaqhapma anmen yámet ekyexna, massék élmeneykmásexko m'a negmeneykmasso ekpayheykekxa nak egwáxok.

Joel 1:10

Meyke aqsok táhak ma'a namyep; yaqhapchek exma'. Apkelepsagkek ma'a hótáhap apaktek, kelyameygkek ma'a anmen yámet, apák entáhak ma'a olivos.

Joel 1:16

Negaqta'awók negko'o ẽlyementamágkok nentéyak, massegwokmek élpayheykekxa egwáxok ma'a Dios egagkok nak tegma appagkanamap apagkok.

Jonás 4:7

Keñe axta élsaka, apkeltamho katwok askok Dios ma'a élyaw'áwa' nak, kelyamakak axta áwa'.

Hageo 2:19

Kóllano, sakhem sa' keynhok exek hótáhap apaktek ma'a kélxátamakxa nak chá'a. Megkeyxnak eykhe makham ma'a anmen yámet, tén han higo yámet, tén han yántakyexna, tén han olivo; sakhem sa' eyke ko'o weynhok agkések ektaqmalma kélheykha.”

Malaquías 3:11

Magwohok sa' ko'o kaxwók katwássesha aqsok kélcheneykekxa m'a askok, tén han ma'a anmen yámet kélcheneykekxa nak.

Números 13:23

Apkelwokmók axta m'a alwáta' étkok nak Escol, apyaqténwokmek axta nahan xama aktog anmen yámet yetlo ekyexna m'a, apqánet axta nahan apsákxak apmakheyáseyncha'a néten yámet appatmeykxo. Apnakxeygkek axta nahan ma'a yántakyexna, tén han ma'a higos ekyexna.