Jeremías 4:2 - Biblia Enxet

² kélwanchek sa' hélmések kélpeywa yetlo kélxeyenma sekwesey, ekmámnaqsoho agko', tén han ektaqmalma tén han ekpéwomo. Sekwesey sa' chá'a elmaha elmaxnéssesek aqsok éltaqmalma apnámakkok ma'a pók aptémakxa énxet'ák, tén han ektaqmalma apkelxénamap.”

Jeremías 4:2 Iomraidhean Croise

Génesis 22:18

apkeleñémo sa' kólteméssesagkok ma'a apyókxoho énxet'ák apheykha nak keso náxop, eñama m'a aptawán'ák neptámen, hakte élyeheykekxók ko'o exchep.’

1 Reyes 3:6

Apchátegmowágkek axta Salomón: “Taqmeleykha agko' axta exchep apwáxok apkelányo m'a táta David, cham'a apkeláneykha axta, hakte tásek axta chá'a aptémakxa nápaqto', péwók axta han chá'a aptémakxa, meyke ekyexamaxkoho apwáxok. Axta keñamak apchásekhayo exchep ma'a, tén han apméssama xama apketche yaqwayam etnehek wesse' apwányam, ektáha nak se'e kaxwo' nak.

Salmos 72:17

¡Megkamassegwomek sa' chá'a apwesey m'a wesse' apwányam; megkamassegwomek sa' ekxénamaxche apwesey ekhakxa nak makham ekhem! ¡Elxawagkok sa' chá'a ektaqmalma apheykha apyókxoho énxet'ák apheykha nak keso nélwanmeygkaxa, eñama xa wesse' apwányam nak! ¡Apyókxoho pók aptémakxa énxet'ák sa' chá'a eltéhek: “Apkeleñémo”.

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Isaías 45:23

Ekxénaxchekxók ko'o ahagko', ekxénchek ma'a amya'a ekmámnaqsoho nak, katnehek sa' nahan xa sektáhakxa nak sekxeyenma: apyókxoho énxet sa' eltekxeyagkok aptapnák emonye' ko'o, apyókxoho énxet sa' hexének ko'o hélpeykesho'.

Isaías 45:25

Ko'o sa' kañék elmallánek apyókxoho m'a énxet'ák Israel, kaqheykha sa' apkelwáxok hélanok ko'o.”

Isaías 65:16

Apyókxoho énxet apkelmaxneyakxa enxoho chá'a ektaqmalma negha m'a apkelókxa, elmaxnak sa' chá'a m'a Dios apmámnaqsoho nak; apyókxoho apteméssesso nak chá'a naqsók appeywa m'a apkelókxa, egkések sa' chá'a ekmámnaqsoho appeywa m'a Dios apmámnaqsoho nak. Kelwagqámexcheyk kaxwók ma'a nanók ekyentaxnamo egwáxok axta, massegwokmek sekwete.

Jeremías 10:10

Wesse' egegkok apteme Dios apmámnaqsoho, Dios megyetsapma, Wesse' apwányam memassegwayam. Aplókek agkok ma'a, kayawheykha chá'a xapop; mopwanchek elenmaxakpohok aplo m'a pók aptémakxa énxet'ák.

Jeremías 12:15

Keñe sa' natámen sélántekkesso, alásekhekxohok makham, wának sa' elmeyenták makham ma'a xapop apagkok nak, tén han ma'a apkelókxa apancha'awo nak.

Jeremías 12:16

Naqsók eyke apkelxekmóssama énxet'ák ahagkok apteméssesso chá'a naqsók apkelmésso apkelpeywa m'a Baal, apwanchek eyke kaxwók exmakha nepyeseksa énxet'ák ahagkok, ektáha enxoho naqsók apmáheyo etnahagkok ma'a aptamheykegkaxa nak chá'a hélpeykeshok ma'a énxet'ák ahagkok, tén han etnehek chá'a apkelpeywa exének sekwesey ekmámnaqsoho s'e: ‘Memassegwomek sa' chá'a Wesse' egegkok.’

Jeremías 16:19

Wesse', segkésso nak sekyennaqte, tén han setaqmelchesso, semasma nak chá'a ekwa'a enxoho ekmaso sekha; xeyep sa' elyo'ótak pók aptémakxa énxet'ák apkeleñama m'a makhawók agko' nak xapop. Sa' etnehek chá'a yának se'e: “Wánxa axta aqsa apkelxaweykekxo ẽlyapmeyk nano' negko'o m'a aqsok kéláyókxa ekteme nak mékoho, tén han meyke nak ekmowána.

Jeremías 3:17

Wesse' egegkok aptaháno ektaqmalma sa' kólteméssesek ekwesey m'a Jerusalén; apyókxoho pók aptémakxa énxet'ák sa' yaqnekxak ma'a, yaqwayam hélpeykesho'; kamaskok sa' elyetlakxohok ma'a ektémakxa nak élmámenyého apkelwáxok elanagkok aqsok ekmaso eñama élyennaqte, yaqwayam sa' etnehek ko'o seyáyo, kamaskok sa' etnahagkok élyennaqte apkelwáxok elanagkok ma'a aqsok ekmaso nak.

Jeremías 33:9

Ekpeykeseykekxa ewáxok sa' ko'o atnessásekxak ma'a Jerusalén, séláyo tén han seyeymáxkoho nápaqta'awók apyókxoho énxet'ák apheykha nak keso náxop. Apkelleg'ak sa' agkok apyókxoho énxet'ák peya ko'o wáphássesek nepyeseksa aqsok éltaqmela m'a apheykha nak Jerusalén, tén han peya agkések ekyókxoho ektaqmelwayam nak negha, elpexyennók sa' apkelaye.”

Jeremías 5:2

Yetneyk énxet apxeyenma nak chá'a apmésso appeywa ekmámnaqsoho m'a Wesse' egegkok, apmopwána amya'a eyke.”

Jeremías 7:5

“Kéltaqmelchásekxeyk sa' agkok kéltémakxa tén han aqsok kéllánéyak, tén han ekpéwo enxoho chá'a kélteméssesakxa kélnámakkok;

Jeremías 9:24

Apmakók agkok keyxkohok appeywa exénakpekxohok xama énxet, kéméxcheyk keyxkohok appeywa hexének ko'o sey'áseyak, sey'ásegkoho sektáha ko'o, Wesse', séláneyól'a chá'a aqsok keso náxop yetlo seyásekhayo, tén han ektaqmalma, tén han ekpéwomo, hakte cháxa ekleklamo nak chá'a ko'o ewáxok xa. Ko'o sekxeyenma xa, sektáha nak Wesse'.”

Oseas 2:19

Israel, etáwa' sa' ko'o atnehek megkatnégwayam néxa, etáwa' ahagko', ekhawo nak ekxeyenma m'a segánamakxa nak, megkatnégwomek sa' néxa seyásekhayo, tén han ekmayósa sélányo.

Joel 2:12

“Aptáhak makham segáneya Wesse' egegkok se'e: hélyo'óta ko'o yetlo ekmámenyého agko' kélwáxok. ¡Nágkóltaw kéltéyak, kólwehesha, kóllekxagwaha!”

Zacarías 8:8

anaqlanták sa' ma'a Jerusalén, yaqwayam sa' exmakha m'a. Énxet'ák ahagkok sa' ko'o etnahagkok ma'a, keñe sa' ko'o etnehek Dios apagkok, yetlo ekmámnaqsoho tén han ekpéwomo sektémakxa.”

Malaquías 1:11

Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.

Deuteronomio 10:20

“Kólyahakxoho chá'a Dios Wesse' kélagkok, kólpeykesho nahan chá'a wánxa m'a; nágkólyensem kélyetleykha, peyk sa' agkok chá'a kóltéméssesek ekmámnaqsoho kélpeywa, kóllána chá'a yetlo kélxeyenma m'a apwesey.

Deuteronomio 4:30

Cháhapwakteyk sa' agkok kéxegke ekyókxoho s'e nenlegeykegkoho nak tén han se'e eklegeykegkoho nak egwáxok, kélya'aweykxeyk sa' agkok ma'a Wesse' egegkok tén han kélyahákxoho enxoho,

Deuteronomio 6:13

Kólpeykesho chá'a Dios Wesse' kélagkok, kólteme chá'a wánxa kéláyo m'a, peyk sa' agkok chá'a kólteméssesek ekmámnaqsoho agko' kélpeywa, kóltemésses chá'a wánxa ekmámnaqsoho m'a Wesse' egegkok apwesey nak.

Rut 3:13

Katyen sa' aqsa sekxók se'e, keso axta'a nak. Keñe sa' saka, apmakók sa' agkok elának ekpayhawo nak etnéssesek xeye' m'a énxet nak, tásek elána'; sa' agkok emakók elána', ko'o sa' alának nápaqtók ma'a Wesse' egegkok. Katyen sa' kaxwo' ekwokmoho élsaka.

1 Samuel 20:3

Keñe axta David aptáha apcháneya: —Apya'ásegkok eyke exchep apyáp seyásekhayo ko'o exchep, la'a memako nak eltennaksek, hakte tamháha apwáxok keyntaxnésseshok xép apwáxok. ¡Naqsók eyke ko'o sektáha yetlo sekxeyenma Wesse' egegkok tén han xép, ketók ko'o kaxwók sétsapmakxa'!