Jeremías 28:1 - Biblia Enxet

¹ Appaqhetchessek axta Hananías ma'a Jeremías, cham'a tegma appagkanamap nak, cham'a Hananías apxeyenma axta chá'a apteme Dios appeywa aplegasso, Azur axta apketche, apteme axta énxet Gabaón, nápaqta'awók ma'a apkelmaxnéssesso Dios énxet'ák apagkok, tén han ma'a apyókxoho énxet'ák, cham'a ekweykmo axta cinco pelten cuatro apyeyam apteme wesse' apwányam Sedequías ma'a Judá. Aptáhak axta apcháneya s'e:

Jeremías 28:1 Iomraidhean Croise

1 Reyes 3:4

emyekxohok axta han chá'a m'a Gabaón yaqwayam enxoho elnáhapwakxak chá'a aqsok apnaqtósso m'a, hakte axta ekteme chá'a egkexe émha amonye' m'a; elwatnek axta chá'a mil aqsok apnaqtósso xa néten nak.

2 Reyes 24:18

Veintiún apyeyam apagkok axta weykmok Sedequías apkeynamo apteme wesse' apwányam, once apyeyam axta weykmok apteme wesse' apwányam ma'a Jerusalén. Hamutal axta ekwesey egken, Jeremías axta apketche, eñama axta m'a Libná.

2 Crónicas 36:11

Veintiún apyeyam apagkok axta weykmok Sedequías apkeynamo apteme wesse' apwányam, once apyeyam axta apteme wesse' apwányam ma'a Jerusalén.

Isaías 9:15

(Apqátek ekyetchesamaxkoho m'a apkelámha apmonye'e nak tén han ma'a kelwesse'e apkelwányam nak, keñe épakyek ekyetchesamaxkoho m'a apkellegasso nak chá'a amya'a, apkelxekmósso nak chá'a apnámakkok apmopwancha'a amya'a.)

Jeremías 23:28

¡Wanméssek agkok chá'a xama aqsok ma'a aplegasso nak sekpeywa, tásek exének chá'a m'a apwanmagko, apxakak agkok han ma'a sekpeywa nak, tásek exének chá'a meyke apyetnakhásseyam! Megkólwanchek kólhéshok pa'at apák ma'a hótáhap apaktek. Máxa táxa ko'o m'a sekpeywa, hawók ma'a sawo ekyentaxno ekteméssessamól'a nekha'a étkók ma'a meteymog. Ko'o sekxeyenma xa, sektáha nak Wesse'.

Jeremías 27:1

Appaqhetchessek axta Wesse' egegkok Jeremías, ekweykmo axta cuatro apyeyam apteme wesse' apwányam Sedequías ma'a Judá, Josías axta apketche.

Jeremías 27:12

Éltennássek axta nahan ko'o Sedequías xa ekyókxoho nak, cham'a wesse' apwányam nak Judá, ko'o Jeremías. Axta ektáhak han seyáneya s'e: “Egkésáp sa' wesse' apwányam Babilonia, yetlo énxet'ák apagkok, keñe sa' kólweynchamha chá'a.

Jeremías 27:3

Keñe sa' yáphássesek amya'a m'a kelwesse'e apkelwányam nak Edom, Moab, Amón, Tiro tén han Sidón. Sa' elsók ma'a apkelseykha nak chá'a amya'a apkelwe nak Jerusalén, apteme nak meyk'a m'a wesse' apwányam Sedequías.

Jeremías 28:11

axta aptáhak nahan appaqmeta nápaqta'awók apyókxoho énxet'ák se'e: —Aptáhak Wesse' egegkok se'e: ‘Cháxa sektáhakxa nak, alekkesek sa' ko'o aqsok ekyentaxno apyespa'ák ma'a apyókxoho énxet'ák, apkelchexenchesso nak ma'a wesse' apwányam Nabucodonosor apkeñama nak Babilonia ekwokmo sa' apqánet apyeyam, alekkexchesek sa'. Tén axta apxega m'a Jeremías.

Jeremías 28:17

Apketsekkek axta Hananías apxeyenma axta chá'a apteme Dios appeywa aplegasso ekweykmo siete pelten xa apyeyam nak.

Jeremías 28:5

Apchátegmowágkek axta Jeremías ma'a Hananías apxeyenma axta chá'a apteme Dios appeywa aplegasso, nápaqta'awók ma'a apkelmaxnéssesso nak Dios énxet'ák apagkok, tén han ma'a apyókxoho énxet'ák apheykha axta m'a tegma appagkanamap nak. Axta aptáhak se'e:

Jeremías 29:15

“Kéltemék chá'a kélpeywa kéxegke s'e: ‘Ẽlméssek negko'o Wesse' egegkok, Dios appeywa apkellegasso s'e Babilonia.’

Jeremías 36:12

tén axta apmeyákxo m'a wesse' apwányam apxagkok, aphamakxa axta m'a énxet apnaqtáxéseyak axta chá'a weykcha'áhak, apchaqnákxexa axta apyókxoho wesse' apwányam apkeláneykha ekyawe nak kéláyo: cham'a Elisamá apnaqtáxéseyak axta chá'a weykcha'áhak; Delaías, Semaías axta apketche; Elnatán, Acbor axta apketche; Guemarías, Safán axta apketche; Sedequías, Hananías axta apketche tén han ma'a pók wesse' apwányam apkeláneykha nak.

Jeremías 37:13

Xama axta apwákxo m'a éltamhomaxchexa nak Átog Benjamín, apmágkek axta Jeremías xama énxet apwesey axta Irías, Selemías axta apketche, Hananías axta aptáwen, apteme axta apkemha apmonye' aptaqmelchesso wesse' apxagkok, axta aptáhak apcháneya s'e: —¡Caldeos xép peyk epáxaqwók! ¡Peyk hegkexa'!

Jeremías 37:19

¿Háxko apkelmahágkaxa m'a Dios appeywa apkellegasso apkelxeyenma axta chá'a mektámegmék kéxegke m'a wesse' apwányam Babilonia, tén han se'e negókxa nak?

Jeremías 49:34

Apkeltennassegkek axta Wesse' egegkok Jeremías se'e amya'a nak, ekxeyenma nak Elam, cham'a apcheynamo axta apteme wesse' apwányam Sedequías ma'a Judá:

Jeremías 51:59

Apméssek axta apkeltamhókxa etnehek Dios appeywa aplegasso Jeremías ma'a Seraías, Nerías axta apketche, Maaseías axta aptáwen, ektéma axta cuatro apyeyam apteme apkeláneykha apchókxa m'a Sedequías, wesse' apwányam axta m'a Judá. Apyetlókek axta nahan Seraías wesse' apwányam Sedequías apmahágko m'a Babilonia, hakte axta apteme chá'a apkelánéseykekxa yaqwánxa exek ma'a wesse' apwányam.

Ezequiel 13:6

Háwe naqsók ma'a apkelxeyenma nak chá'a apkelwete aqsok, wanchek amya'a m'a apkelxeyenma nak chá'a yaqwánxa katnehek egmonye'. Apkelxeyenmeyk chá'a apkellegassama sekpeywa, háwe eyke ko'o séláphasso. ¡Apkelhaxanmeyk eykhe chá'a katnehek ma'a aptémakxa nak chá'a apkelpeywa!

Oseas 7:3

“Apkeltémakxa ekmaso chá'a kapeykessásekxak apwáxok wesse' apwányam ma'a énxet'ák ahagkok, apkelmopwancha'a amya'a chá'a kalpeykessásekxak apkelwáxok ma'a apkelámha apmonye'e nak.

Josué 10:12

Cháxa ekhem nak apkelmallahanchesakxa axta Wesse' egegkok Israel apkelnapa m'a amorreos, tén axta Josué appaqhetchesa Wesse' egegkok nápaqta'awók ma'a énxet'ák nak. Aptáhak axta s'e: “Ekhem, nágkaltaqheykha aqsa keytnamok néten Gabaón; Pelten, ná eltaqheykha aqsa étnamok ma'a néten nak ekyapwátegweykenxa xapop ma'a Aialón.”

Josué 9:3

Apkelleg'ak axta eyke amya'a heveos apheykencha'a nak yókxexma Gabaón, apteméssesakxa Josué m'a tegma apkelyawe nak Jericó tén han Ai,