Jeremías 10:2 - Biblia Enxet

² Aptáhak Wesse' egegkok se'e: “Nágkólteme aqsa kéxegke m'a apkeltémakxa nak chá'a pók aptémakxa énxet'ák, nágkalyegwakkas aqsa m'a aqsok ekteyapma nak néten, aptamheykegkaxa nak chá'a xa pók aptémakxa nak énxet'ák.

Jeremías 10:2 Iomraidhean Croise

Génesis 1:14

Keñe axta natámen aptáha makham Dios se'e: “Kalántép élápogwate m'a néten, yaqwayam kalsaksexma keso náxop, yaqwayam keytnakhaksek ekhem tén han axta'a, yaqwayam sa' han chá'a kólya'asagkohok ekhem, tén han apyeyam nak, tén han ekpekkenamaxchexa nak chá'a ekhem megkólwagqayam.” Temék axta han xa.

Jeremías 10:1

Énxet'ák Israel, kóleyxho s'e amya'a nak, apkeltennasso nak kéxegke m'a Wesse' egegkok.

Ezequiel 20:32

Xeyenmeyk kéxegke kélwáxok kóltéhek ma'a aptamheykegkaxa nak pók aptémakxa énxet'ák keso náxop, cham'a apkelpeykessamo nak yámet tén han ma'a meteymog, megkatnehek sa' eyke xa ektáha nak.

Levítico 18:3

“Nágkólteme aqsa aptamheykegkaxa axta chá'a m'a énxet'ák Egipto, cham'a apchókxa kélheykegkaxa axta kéxegke. “Nágkólteme aqsa han aptamheykegkaxa nak ma'a énxet'ák Canaán, cham'a apchókxa yaqwánxa nak alya'aksek, nágkólteme m'a ektémakxa nak segánamakxa apagkok.

Levítico 20:23

Nágkólteme apkeltémakxa nak chá'a m'a énxet'ák peya nak ko'o alántekkesek kélmonye'e kéxegke; apkeláneykegkek chá'a xa ekyókxoho aqsok nak, cháxa keñamak séleklágweykmo nak ko'o.

Deuteronomio 18:9

“Kélántaxneyk sa' agkok kéxegke m'a apchókxa apmáheyókxa nak egkések ma'a Dios Wesse' kélagkok, nágkóleykmasha aqsa aptamheykegkaxa élmasagcha'a nak ma'a énxet'ák nak.

Jueces 6:10

Éltennassegkek axta han ko'o sekteme Dios Wesse' kélagkok, tén han maltémo kóleyk ma'a aqsok apcháyókxa nak amorreos, kélheykegkaxa nak kaxwók kéxegke m'a xapop apagkok; axta eyke hélháxenmók ko'o kéxegke.’”