Génesis 7:3 - Biblia Enxet

³ Elántaxnés sa' nahan siete kelennay'a, tén han siete kelwán'ák ma'a náta mók ektémakxa nak chá'a, yaqwayam enxoho megkamassegwomek ektémakxa nak chá'a náta keso náxop.

Génesis 7:3 Iomraidhean Croise

Génesis 6:20

Kalántexek sa' chá'a exchep xamók yántakpayhe ánet aqsok nawha'ák, cham'a ekyókxoho ektémakxa nak chá'a, cham'a náta, tén han ma'a aqsok nawha'ák megkalmeymentakcha'a nak, tén han ma'a élpexyaweykegkoho nak xapop, yaqwayam sa' kalweynchamha chá'a makham.

Génesis 7:2

Elántaxnés sa' siete kelennay'ák, tén han siete kelwán'ák ma'a aqsok nawha'ák megkatnaha nak élmanyása, xama kennawo', tén han xama kelwána sa' eyke chá'a m'a aqsok nawha'ák élmanyása nak.

Génesis 7:4

Hakte wokmek sa' agkok siete ekhem, wáphaksek sa' ko'o ekmámeye ekweykmoho cuarenta ekhem, tén han cuarenta axta'a. ¡Amasséssók sa' ko'o náxop ma'a ekyókxoho aqsok ekha nak élennama sélane axta ko'o!”

Génesis 7:8

Apkelántaxneyk axta xamók yántakpayhe Noé m'a aqsok nawha'ák megkalmanyása nak, tén han ma'a élmanyása nak, tén han ma'a élchampayól'a, tén han ma'a aqsok élpexyaweykegkoho nak náxop, ánet axta chá'a, xama kennawo tén han xama kelwána, ekhawo apkeltamhókxa axta etnehek Dios.

Génesis 8:20

Apkelanak axta han Noé xama ekwatnamáxchexa aqsok, apkelánesa Wesse' egegkok, apkelyésáha axta aqsok nawha'ák, tén han náta megkalmanyása, xama axta chá'a m'a ektémakxa nak chá'a, apchaqhássessek axta yaqwayam ewatnések Wesse' egegkok.

Levítico 11:11

Nágkóltow aqsa ápetek agkok; kéméxcheyk kólteméssesek chá'a aqsok nawhak ekmanyása, ekmanyása sa' han chá'a kólteméssesek ma'a ápak nak.