Génesis 5:4 - Biblia Enxet

⁴ Aphegkek axta makham Adán ochocientos apyeyam natámen xa, keñe axta apkelweteykekxo makham mók apketchek apkelennay'a, tén han kelwán'ák.

Génesis 5:4 Iomraidhean Croise

Génesis 1:28

Keñe axta aptáha appeywa apkeltamho kataqmelhok ekheykha s'e: “Exámekxak sa' kélketchek; elánhok sa' ekyókxoho yókxexma keso náxop, apagkok sa' nahan etnahagkok; etnéssesek sa' nahan apmakókxa enxoho etnéssesek ma'a kelasma, tén han ma'a náta, tén han ma'a ekyókxoho aqsok nawha'ák élpexyaweykegkoho nak xapop.”

Génesis 11:12

Treinta y cinco apyeyam apagkok axta weykmok Arfaxad apteyekmo m'a apketche Sélah.

Génesis 5:10

Aphegkek axta makham ochocientos quince apyeyam Enós natámen xa, tén axta apkelweteykekxo makham mók apketchek apkelennay'a, tén han kelwán'ák.

Génesis 5:13

Aphegkek axta makham ochocientos cuarenta apyeyam Cainán natámen xa, tén axta apkelweteykekxo makham mók apketchek apkelennay'a, tén han kelwán'ák.

Génesis 5:19

Aphegkek axta makham ochocientos apyeyam Jéred natámen xa, tén axta apkelweteykekxo makham mók apketchek, apkelennay'a tén han kelwán'ák.

Génesis 5:22

Aptemegkek axta chá'a Henoc neyseksa apha m'a ektémakxa axta chá'a apmopmenyého m'a Dios. Aphegkek axta makham trescientos apyeyam Henoc, natámen axta aptéyam ma'a Matusalén, tén axta apkelweteykekxo makham mók apketchek apkelennay'a, tén han kelwán'ák;

Génesis 5:26

Aphegkek axta makham setecientos ochenta y dos apyeyam Matusalén natámen xa, tén axta apkelweteykekxo makham mók apketchek apkelennay'a tén han kelwán'ák.

Génesis 5:3

Ciento treinta apyeyam apagkok axta temék Adán, apteyeykmo m'a apketche, apteméssessama axta apwesey Set, aphawók apagko' axta han ma'a.

Génesis 5:30

Aphegkek axta makham quinientos noventa y cinco apyeyam Lámec, natámen axta aptéyam ma'a Noé, tén axta apkelweteykekxo makham mók apketchek apkelennay'a, tén han kelwán'ák.

Génesis 5:5

Novecientos treinta apyeyam axta han weykmok apha, keñe apketsapa.

Génesis 5:7

Aphegkek axta makham ochocientos siete apyeyam Set natámen xa, tén axta apkelweteykekxo makham mók apketchek apkelennay'a, tén han kelwán'ák.

Génesis 9:1

Keso aptáhakxa axta appeywa Dios apkeltamho kataqmelhok apha Noé, tén han apketchek se'e: “Kólxámásekxa sa' kélketchek, kólsawheyásekxoho sa' ekyókxoho yókxexma keso náxop.

Génesis 9:7

¡Kéxegke eyke kólxámásekxa kélketchek, kólsawheyásekxoho sa' ekyókxoho yókxexma keso náxop!”

Salmos 127:3

Wesse' egegkok sempasmo negko'o segméssama nak chá'a egketchek.

Salmos 144:12

Apkektegamchek egketchek ektémól'a aqsok kélcheneykekxa m'a kélcheneykekxexa nak pánaqte exnók; hawók egketchek kelwán'ák ma'a élámha élméyak nak chá'a m'a tegma apyawe aptaqmalma.