Génesis 4:4 - Biblia Enxet

⁴ Apnaqlákxéssek axta han Abel Wesse' egegkok ma'a apmonye' appalleyam nak nepkések apnaqtósso apnaqmele nak. Taqmeláha axta apwáxok Wesse' egegkok apkelano Abel, tén han ma'a aqsok apmésso naqsa nak.

Génesis 4:4 Iomraidhean Croise

Génesis 15:17

Xama axta ektaxna ekhem, yáqtéssek axta, tekkek axta xama táxa axagkok, pánchessek axta, weynchámeyha axta han neyseksa m'a yámet eyáléwe ekhágkaxa axta m'a aqsok kélnaqtósso ápetek kélpáxqatma neyseksa.

Génesis 4:3

Kelyeykheykegkek axta ekhem. Xama ekhem axta apsákxésa Wesse' egegkok aqsok apmésso naqsa eñama nak apkelchekha m'a Caín.

1 Reyes 18:24

Kólwónmakha sa' kéxegke m'a aqsok kéláyókxa, tén sa' ko'óxa awónmakha m'a Wesse' egegkok, ¡keñe sa' ma'a aqsok kéláyókxa ektáhakxa enxoho eyáphasso táxa, sa' etnehek Dios apmámnaqsoho m'a! —¡Tásek aptáhakxa! —axta aptáhak apkelátegmowágko m'a apyókxoho énxet'ák.

1 Reyes 18:38

Yetlókok axta ektéyam Wesse' egegkok táxa apagkok, watneyk axta m'a aqsok kélwatno, yántapák, ekweykekxoho meteymog tén han xapop, yamássek axta han ma'a yegmen ekyetno axta máxek.

1 Crónicas 21:26

apkelánessek axta Wesse' egegkok ekwatnamáxchexa aqsok ma'a, keñe apmésa han aqsok apkelwatno m'a, tén han ma'a aqsok ektekyawa segwetassamo nak sẽlásekheykekxoho. Tén axta apwónéncha'a Wesse' egegkok, keñe axta apcháphasa táxa eñama néten, eyáléwa m'a néten nak aqsok ekwatnamáxchexa kélwatno nak.

2 Crónicas 7:1

Xama axta appenchesa apteme nempeywa nélmaxnagko Salomón, yetlókok axta ektéyam táxa eñama néten, sawhawók axta élwatna ekyókxoho aqsok élwatnamáxche tén han aqsok ektekyawa nak, lanawók axta Wesse' egegkok élseyéxma apagkok ma'a kañe' tegma appagkanamap,

Salmos 20:3

Kaxének sa' chá'a apwáxok ma'a ekyókxoho aqsok apmésso naqsa nak chá'a, emok sa' takha' yetlo ekleklamo apwáxok ma'a aqsok apkelwatno nak xép.

Éxodo 13:12

kéméxcheyk sa' kólmések chá'a kélyókxoho m'a apkemha apmonye' appalleyam nak kélketchek apkelennay'a tén han ma'a ekyókxoho émha amonye' ekpalleyam étkók nak kélnaqtósso kelennay'a, hakte Wesse' egegkok apagkok xa.

Proverbios 3:9

Etne apcháyo Wesse' egegkok elmések aqsok apagkok yetlo m'a émha amonye' ekyexna nak aqsok apkeneykekxa';

Eclesiastés 4:4

Ekwet'ak axta han ekxámokma nak kéltamheykha, tén han ektaqmalma nak ekteyapma élánamáxche aqsok, wánxa aqsa katekkessesek chá'a m'a apnathe nak pók énxet, cháxa ektáha han aqsok eyaqhémo agwetak xa, máxa m'a negmáheyól'a agmagkok éxchahayam.

Levítico 9:24

tekkek axta táxa m'a aphakxa nak Wesse' egegkok, sawhawók axta élwatna m'a kélnaqtósso kélmáheyo axta kólwatnek, tén han ma'a pexmok ekhágko axta m'a néten nak ekwatnamáxchexa aqsok. Xama axta apkelwet'a apyókxoho israelitas xa, axta eleyságkohok apkelwónchesa apkelátsencha'a, apkelháxahánteyk axta ekwokmoho apkeltekxeyágko élpayhakxa nápaqta'a xapop.

Números 16:15

Aplókók apagko' axta m'a Moisés. Aptáhak axta apcháneya Wesse' egegkok se'e: —¡Ná ema aqsa takha' aqsok apkelmésso naqsa apkelseykentegkesso xa énxet'ák nak! Malyementamák ko'o xama enxoho yámelyeheykok apnaqtósso m'a, matnéssesseykmohok nahan exma ekmaso xama enxoho m'a.

Números 16:35

Apcháphássek axta han táxa Wesse' egegkok, kelnapchek axta m'a doscientos cincuenta énxet'ák apkelseykekxésso axta m'a aqsok ánek ekmátsa nak ekpaqneyam éten agkok.

Números 18:12

Almések sa' nahan ma'a émha amonye' ekyexna sélseykentegkesso nak chá'a ko'o israelitas yókxoho apyeyam: cham'a pexmok égmenek ektaqmalma nak, tén han ma'a vino ektaqmalma, tén han ma'a hótáhap aptaqmalma nak.

Números 18:17

Megyohok sa' eyke kólyánmagkasek ma'a amonye' ekpalleyam nak étkók ma'a weyke, tén han nepkések, tén han ma'a yát'ay. Ko'o ahagkok xa, elnápok sa'; eyegkenek sa' éma agkok ma'a néten nak ekwatnamáxchexa aqsok, keñe sa' ewatnek pexmok agkok etnéssesek aqsok kélmésso naqsa ekmátsa nak ekpaqneyam atekhánek ko'o.

Jueces 6:21

apkeltekxekkek axta ápetek naw'a yámet apmeykha axta m'a Dios apchásenneykha tén han ma'a pán. Keñe ektepa táxa m'a meteymog nak, kelwatneyk axta m'a ápetek tén han pán; keñe axta apxeganakmo aqsa m'a Wesse' egegkok apchásenneykha.

1 Samuel 15:22

Keñe axta Samuel aptáha s'e: “Wánxa eyke aqsa kapeykesekxak apwáxok Wesse' egegkok kélyahákxoho enxoho, kaxnók kólmések ma'a aqsok ektekyawa nak, keñe han ma'a kélwatno nak; tásek kólyahakxoho, tén han kóleyxhok chá'a appeywa, kaxnók kólmések ma'a aqsok ektekyawa, tén han ma'a nepkések apkelennay'a nak pexmok apagkok.