Génesis 32:10 - Biblia Enxet

¹⁰ Megkapayhawok ko'o kataqmalmakha apwáxok hélano', megkapayhawok hépetchaha chá'a. Ekyeykheykekxeyk axta ko'o wátsam Jordán meyke sekseykha xama aqsok, wánxa aqsa sektasqapeykha, keñe kaxwók sekteméssesa ánet apkelyaqyeyáseyak énxet'ák ahagkok.

Génesis 32:10 Iomraidhean Croise

Génesis 18:27

Tén axta Abraham aptáha makham apcháneya s'e: —Heyásekhekxoho sa' sektáha ko'o sekpaqhetchesa exchep yetlo meyke sélnawagko xa ektáha nak, hakte xép apteme Dios, keñe ko'o xóp ánek aqsa.

Génesis 24:12

yetlókok axta apteme apkelmaxnagko s'e: “Wesse', Dios apagkok nak ma'a wesse' ahagkok Abraham, yána ko'o kataqmelek ekteyapma aqsok sektegyeykha sakhem, exekmós ektaqmeleykha apwáxok elanok ma'a wesse' ahagkok.

Génesis 24:27

aptáhak axta s'e: “¡Tásek sa' chá'a katnehek apxénamap Wesse' egegkok, Dios apagkok nak ma'a wesse' ahagkok Abraham, hakte meyenseykmok apchásekhayo, tén han ektaqmeleykha apwáxok apkelányo m'a wesse' ahagkok, éntameykmek se'e apheykegkaxa nak apnámakkok wesse' ahagkok!”

Génesis 28:13

Apwet'ak axta han apkenmáncha'a xamo' Wesse' egegkok ma'a apkenmágkaxa axta apwanmagko, keñe han aptáha apcháneya s'e: “Ko'o sekteme Wesse', Dios apagkok nak ma'a apyáta' Abraham, tén han ma'a apyáp Isaac, agkések sa' ko'o exchep se'e xapop apyetnakxa nak, ekweykekxoho m'a aptawán'ák neptámen.

Génesis 28:15

Sekxegexma ko'o exchep, ataqmelchesek sa' chá'a m'a apmakókxa enxoho chá'a emhagkok, eyntementák sa' makham se'e xapop nak. Mayenyewek sa' aqsa chá'a meyke sélane m'a séltennassama nak chá'a alána'.”

Génesis 30:43

Axta keñamak aptéma wesse' m'a Jacob, tén han apxámokma m'a nepkések apnaqtósso, tén han apkeláneykha apkelennay'a, tén han kelwán'ák, tén han yányátnáxeg, tén han ma'a yámelyeheykok.

Génesis 31:3

Keñe axta Wesse' egegkok aptáha apcháneya Jacob se'e: “Emyekxa sa' makham ma'a apchókxa aphakxa nak ma'a apyáp, apheykegkaxa nak ma'a apnámakkok, sekxegexma sa' atnehek.”

Génesis 32:5

apxénchek han ekha m'a weyke, yámelyeheykok, nepkések, tén han ma'a apkelásenneykha apkelennay'a, tén han kelwán'ák. Eyáphássessek ko'o Esaú xa amya'a nak, hakte émeñeyk kataqmalmakha apwáxok hélano'.”

Génesis 32:7

Apkekawók apagko' axta Jacob apleg'a, yetnakha'awók axta apwáxok. Yetlókok axta han apkexpánchesso apqánet apkelyaqyeyáseyak énxet ektáha axta apkelxegexma'a, tén han ma'a nepkések, weyke, yányátnáxeg,

2 Samuel 17:24

Apwokmek axta David ma'a Mahanaim, chaqhawók axta apyeykhákxexa han Absalón ma'a wátsam Jordán, yetlo apyókxoho énxet'ák nak Israel.

2 Samuel 7:18

Keñe axta wesse' apwányam David aptaxna kañe' apkelpaqhetchásekpoho Wesse' egegkok. Aptáhak axta s'e: “Wesse' ahagkok, ¡megkapayhawok eykhe ko'o, megkapayhawok han ma'a énámakkok senteméssesa xa ektáha nak, hakte énxet'ák mékoho negko'o!

Job 17:9

Elxének chá'a aptamhéyak ekpéwomo apkeltémakxa, tén han melánéyak aqsok ekmaso.

Job 8:7

Megkaxók sa' ekwánxa axta ekxámokma aqsok apagkok peya nak étak natámen xa, kayeykhágwomhok sa'.

Salmos 16:2

Ektáhak ko'o seyáneya exchep se'e: “Xép Wesse' ahagkok, éñamakxa ekyókxoho aqsok ahagkok; méko aghéshok xép.”

Salmos 18:35

Xép setaqmelchesso, tén han sewagkasso teyp, hemagkok chá'a apmek apkelya'assamakxa'; ektaqmeleykha apwáxok sélányo keñamak setaqmelchessessama sekha.

Salmos 61:7

etnehek sa' chá'a wesse' apwányam yetlo appasmo exchep. Etaqmelches sa' yetlo apchásekhayo, tén han meyenyaweykha;

Salmos 8:5

Apkeláneyak xép, xegkessamók exnéshok ma'a apkeláneykha ekha nak élmowancha'a, apméssegkek apcheymákpoho, tén han ekha kéláyo,

Salmos 84:7

kántagkok sa' aqsa apkelyennaqte neyseksa apkelxega, elwetágwók sa' Dios meyke ekhémo m'a Sión.

Salmos 85:10

Keypetchekxak sa' segásekhayo m'a ektémakxa nak mehegyenyaweykha, kapathétekxak sa' mók ma'a meyke ektáhakxa nak negha, tén han ekpéwomo nentémakxa,

Proverbios 4:18

Máxa kaxwe ekteyapma ekhem élsassóxmal'a ámay apagkok ma'a énxet'ák élpéwomo nak apkeltémakxa': kataqmelchesagkohok aqsa kalsaksek exma, ekwokmoho m'a ekyennaqwokmo élsassóxma.

Isaías 6:5

Keñe axta ektáha élchetama ewáxok se'e: “¡Ko'o laye, watsapok sa'! Ekwet'ak ahaqta'ák ahagko' ma'a Wesse' Apwányam, cham'a Wesse' ekha nak apyennaqte; ko'o sekteme énxet ekteyapmól'a chá'a appeywa ekmaso, ekhegkek ko'o nepyeseksa m'a énxet'ák élánteyapmo nak chá'a apkelpaqmeyesma ekmaso.”

Isaías 63:7

Peyk ko'o axének Wesse' egegkok segásekhayo, peyk alpeykeshok eñama m'a ekyókxoho sekteméssessamakxa axta negko'o, eñama apkelásekhayo ekwányam agko' ma'a énxet'ák Israel, eñama m'a apteméssessamakxa axta chá'a ektaqmeleykencha'a apwáxok apkelányo tén han apkelásekhayo ekwányam agko'.

Miqueas 7:20

¡Wesse', ná elwátessem ma'a ektémakxa nak mehegyenyaweykha, tén han segásekhayo apkeltennassama axta etnéssesek nanók axta m'a ẽlyapmeyk nano', cham'a Abraham tén han Jacob!

Deuteronomio 8:18

Kéméxcheyk kaxének chá'a kélwáxok ma'a Dios Wesse' kélagkok, hakte cha'a apteme apkelmésso kélwasqapma kéxegke yaqwayam kaxek xa aqsok nak, apkeláneya m'a apxeyenma axta chá'a elanaksek kéxegke, cham'a ekhémo mók nélpaqhetchásamáxkoho apkelánéssama axta nahan ma'a kélyapmeyk nanók axta kéxegke.