Génesis 3:6 - Biblia Enxet

⁶ Wet'ak axta ektaqmela agko' kelán'a m'a yámet ekyexna, makawók axta katwok, makawók axta han kaxek ekyekpelchágwayam. Nakxeyk axta xama ekyexna tén axta ektawa, keñe axta han ekmésa m'a atáwa', aptókek axta han ma'a.

Génesis 3:6 Iomraidhean Croise

Génesis 3:12

Aptáhak axta énxet apchátegmowágko s'e: —Kelán'a segkésso axta exchep yaqwayam atnehek sekxegexma, exchek segkésso ko'o m'a yámet ekyexna keñe sektawa.

Génesis 3:17

Keñe axta énxet aptáha apcháneya s'e: Ekmaso sa' kaxwók katnehek keso náxop, eñama apsexnánémap xép, apkelyahákxoho ekpeywa aptáwa', aptawa m'a yámet ekyexna sekmasma axta etwok, yetlo aptamheykha ekyentaxno sa' chá'a kaxwók xép etekkesek apto, neyseksa apha makham.

Génesis 39:7

wenaqtémók axta han, keñe m'a wesse' apagkok nak aptáwa' élánegwokmo awáxok, keñe ektáha eyáneya s'e: —Hepatheták sa'.

Génesis 6:2

apwet'ak axta Dios apketchek éltaqmela xa kelán'a nak. Yetlókok axta han apkelyéseykha chá'a xama neyseksa m'a ekyókxoho nak, apmeyk axta han chá'a m'a apkepmenyéxa enxoho chá'a.

2 Samuel 11:2

Xama taxnám axta apxatakha'a David natámen apkellókasso apyampe yetseksók ekhem, apweynchámeyha axta m'a néten apxagkok apyawe nak, apwetágwokmók axta han xama kelán'a ektaqmalma agko' ekyaqpasa yegmen, neyseksa apkenmeykha m'a néten nak, kaxwók axta han massak ekyenyaweykekxa ekto xa kelán'a nak, axta keñamak ekyaqpasa eyáxñásekxo émpehek. Apkeltamhók axta kóltegyesha amya'a David yaqsa kelán'a xa, keñe axta kéltennasa ektáha Betsabé, Eliam axta apketche, Urías axta aptáwa', apteme axta hitita. Keñe axta David apkeláphasa apkeláneykha apkeltamho éntawagkasek, keñe appathetágko, tén axta natámen ekmeyákxo makham axagkok.

1 Reyes 13:19

apyetlákxeyk axta eyke aqsa m'a Dios appeywa aplegasso apkeñama nak Judá, aptókek axta apto m'a apxagkok nak, apyenchek axta han yegmen.

Job 31:1

Ewáxok ahagko' axta ko'o ekxeyenmak megkatsepek chá'a egkenyek alanok kelán'a étkok.

Ezequiel 24:16

“Eymentemekxak sa' ko'o exchep ekmanyehe agko' ma'a kelán'a apchásekhayo apagko' nak chá'a. Eyke ná etekkes aqsa élapwayam tén han apkelekxagweykha, ná etekkes aqsa apaqteygmenek.

Ezequiel 24:21

‘Etne sa' elának énxet'ák Israel se'e: Keso aptáhakxa exchek appeywa Wesse' egegkok se'e: Atwasha sa' ko'o tegma appagkanamap ahagkok, cham'a kélmámenyého kélagko' nak chá'a kéxegke kóllano' tén han kélásekhayo kélagko' nak chá'a, tén han éleymáxkoho nak chá'a kélpaqméteykha kólxénmakha, tén han apmésso nak chá'a kélyennaqte; katekyók sa' ma'a kélketchek kélnegkeneykekxa axta m'a Jerusalén, cham'a apkelennay'a nak tén ma'a kelwán'ák nak.

Ezequiel 24:25

“Eymentemekxak sa' ko'o kaxwók israelitas ma'a apkelyennaqtéssama nak chá'a, cham'a tegma appagkanamap nak, élpeykessáseykekxo agko' nak chá'a apkelwáxok elanok ma'a ektémakxa aptaqmalma, apkelmopmenyého apagko' nak chá'a elano', tén han apchásekhayo apagko' nak chá'a. Alyementemekxak sa' nahan ma'a apketchek apkelennay'a nak tén han ma'a kelwán'ák nak.

Oseas 6:7

“Aphawók Adán ma'a énxet'ák ahagkok, meláneykegkok ma'a ekhémo mók nélpaqhetchásamáxkoho ahagkok, eyamasmeyk nahan sélyetleykha.

Josué 7:21

Ekwet'ak axta xama apáwa kélaqlamaxche aptaqmalma apagko' apkelánamap axta m'a Babilonia, neyseksa m'a aqsok nélmágko axta Jericó, keñe han sekwet'a doscientos selyaqye aktek élmope, tén han xama sawo ekyátekto ekmomnáwa, medio kilo axta ekyentaxno m'a. Keltásek axta eyke ko'o sélano m'a aqsok nak keñe sélma. Élátawanyeyk axta m'a kóneg sekpakxanmakxa nak, cham'a nékhegweykemxa nak, keñe selyaqye sekpekkena m'a kañók agko'.

Jueces 14:17

Kelekxagweykha axta aqsa han nápaqtók ekweykmoho siete ekhem élánamáxche ektámaxche ekyawe, axta kalwátesseykmok, tén axta ektáha siete ekhem apkeltennasa ektémakxa. Yetlókok axta han ekxega éltennássekxo m'a ekpeywomo xamo'.