Génesis 2:7 - Biblia Enxet

⁷ Keñe axta Dios Wesse' egegkok apkelana énxet ma'a xapop ánek, apwátekhakkassek axta apwéhek apmésa apyennaqte. Cháxa aptamhákxo axta énxet ekha apkennama.

Génesis 2:7 Iomraidhean Croise

Génesis 1:27

Xama axta apkelana Dios énxet, apkelanak axta m'a aphawo nak aptémakxa; apkelanak axta apkenna' tén han kelán'a.

Génesis 2:6

Katyapok axta aqsa chá'a yegmen eñama kañe' xapop, ekyássásseyak axta chá'a ekyókxoho xapop.

Génesis 3:19

Katyapok sa' chá'a apyemes ekpayhakxa nápat étak apto, ekwokmoho aptamhákxo makham xapop, apkeñamakxa axta apkelánamap, hakte xapop xeyep, xapop sa' han etnekxa'.

Génesis 3:23

Axta keñamak aptekkessama Dios Wesse' egegkok énxet ma'a yókxexma ektaqmalma nak Edén, apkeltamho etneykha xapop, apkeñamakxa axta apkelánamap.

Génesis 7:22

Keletsekkek axta ekyókxoho aqsok ekhéyak nak keso náxop, ekha nak élennama, tén han ma'a ekmowána nak katekkesek énnama.

Job 27:3

segkéssama nak makham sekyennaqte, tén han sénnama,

Job 33:4

Dios ekha Apyennaqte axta ko'o sélane, egkéssegkek axta sekyennaqte apkennama.

Job 33:6

Neghawók egmók nápaqto' Dios, xeyep tén han ko'o; yelpa' ko'óxa eñamak sélánamáxche'.

Job 4:19

¡eyke ekyágwánxa agkok ma'a énxet, apteme nak apyelqamákpoho, aptémól'a m'a tegma yelpa', apkelánamap la'a néten yagkamex, kélmowánal'a kóltepelkoho', ektémól'a yánseleklek!

Salmos 100:3

Kólya'asagkoho Wesse' egegkok apteme Dios; cha'a senlane negko'o m'a, tén han apagkok; ¡negko'o nenteme énxet'ák apagkok, tén han nepkések apnaqtósso apkelleykha nak yókxexma apagkok!

Salmos 103:14

hakte apya'ásegkok néñamakxa negko'o senlane m'a: apya'ásegkok nenteme xapop.

Proverbios 20:27

Espíritu apmésso nak chá'a énxet ma'a Dios, ekteme élsássessóxma kañók agko' apwáxok ma'a énxet.

Eclesiastés 12:7

Keñe sa' natámen xa, xapop sa' katnekxak makham ma'a ánek nak, ekhawo ektémakxa axta nano', keñe sa' eghagák kalmeyekxak ma'a aphakxa nak Dios, cham'a aptáha axta segmésso.

Eclesiastés 3:7

Yetneyk ekhem nélyeptamakxa', tén han nélyetnaqtamakxa'. Yetneyk ekhem mampaqmésmakxa', tén han nempaqmésmakxa'.

Isaías 2:22

Kólwátésák kélteme kéláyo énxet, apteme nak mékoho, yaqwatakxoho negwete m'a ektémakxa nak apyennaqte énxet, ñohók kamaskok.

Isaías 64:8

Wesse', xép akke apteme negko'o egyáp; yelpa' negko'o, keñe exchep ma'a senlane nak chá'a; ¡negyókxoho negko'o nenteme senlane apagko' xép!

Lamentaciones 4:20

Apmomakpek ma'a Wesse' egegkok apkelyéseykha nak, sẽlwasqakkáseykekxoho axta chá'a, cham'a wesse' apwányam nentéma axta chá'a agának se'e: “Aghakha sa' chá'a negko'o aphakxa exchep nepyeseksa énxet'ák yaqwayam hẽlmeyók chá'a”.

Ezequiel 37:5

Aptáhak apkeláneya kéxegke Wesse' egegkok se'e: Wának sa' ko'o katxek kélwáxok ma'a kélennama segméssamo nak negyennaqte, yaqwayam sa' kólnaqxétekhagwók makham.

Ezequiel 37:6

Anegkenchásekxak sa' ma'a kélhahak, axnessásekxak sa' nahan ma'a kélhápetek tén han kélyempe'ék tén sa' almések ma'a kélennama segméssamo nak negyennaqte yaqwayam sa' kólnaqxétekhagwók makham. Keñe sa' kólya'ásegwók kéxegke sektáha ko'o Wesse'.’”

Zacarías 12:1

Keso appeywa axta Wesse' egegkok se'e, apxéna m'a Israel. Aptáhak Wesse' egegkok se'e, appeykesso nak ma'a néten, appekkenma nak awhak ma'a xapop, apmésso nak apyennaqte m'a énxet:

Números 16:22

Apkelháxahanteyk axta eyke ekwokmoho apkeltekxeya élpayhakxa nápaqta'a xapop ma'a. Aptáhak axta s'e: —Oh Dios, xép apteme apmésso apkelyennaqte apyókxoho énxet'ák. ¿Péya eltaqnaweygkok apyókxoho énxet, eñama apkelane mey'assáxma xama énxet?

Números 27:16

—Dios Wesse' ahagkok, apmésso nak apkelyennaqte apyókxoho énxet'ák, elyésha sa' xama apkemha apmonye' yaqwayam sa' etnehek apkemha apmonye' apagkok ma'a énxet'ák apagkok, tén han apnaqleykha chá'a m'a apkelmahágkaxa enxoho chá'a, yaqwayam enxoho metnehek elweynchamha m'a aptamheykegkaxal'a nepkések meyke nak éltaqmelchesso.