Génesis 2:5 - Biblia Enxet

⁵ méko axta sekxók makham yenta'a tén han pa'at, hakte axta yáphassók makham Dios Wesse' egegkok ekmámeye keso náxop. Méko axta han xama énxet enxoho aptamheykha.

Génesis 2:5 Iomraidhean Croise

Génesis 2:6

Katyapok axta aqsa chá'a yegmen eñama kañe' xapop, ekyássásseyak axta chá'a ekyókxoho xapop.

Génesis 3:23

Axta keñamak aptekkessama Dios Wesse' egegkok énxet ma'a yókxexma ektaqmalma nak Edén, apkeltamho etneykha xapop, apkeñamakxa axta apkelánamap.

Génesis 4:12

Eknekxak sa' eykhe chá'a aqsok aktek xapop, megkeyxek sa' eyke chá'a. Eweynchamha sa' aqsa chá'a ekyókxoho yókxexma keso náxop, meyke apkellókasseyam apyampé.

Génesis 4:2

Tén axta ekwetákxo makham pók étche, cham'a Abel, apyáxeg nak ma'a Caín. Apkeláneykha nepkések axta han aptemék ma'a Abel, keñe axta Caín aptéma aptamheykha namyep.

Job 5:10

Yáphaksek chá'a ekmámeye keso náxop, yaqwayam kalyássesagkok aqsok yókxexma;

Salmos 104:14

Aptekkessegkek chá'a pa'at yaqwayam katawagkok aqsok nawha'ák, tén han aqsok apkeneykekxa énxet, yaqwayam étak apto,

Salmos 135:7

Elya'ásekxak chá'a néten yaphope éleñama m'a makhawók agko' nak nélwanmeygkaxa, etekkesek chá'a apkelyenma magkenatchesso peya kamme', etekkesek chá'a éxchahayam eñama m'a appekkenmakxa nak.

Jeremías 10:12

Yetlo apmopwána axta apkelaneyk Wesse' egegkok xapop; yetlo apya'áseykegkoho axta appekkenmak nélwanmégkaxa; yetlo apmopwána aqsok axta appeykessók ma'a néten.

Jeremías 10:13

Appeywa ekyennaqte chá'a epáwaksek awáxok yegmen ekyetnama nak néten, etekkesek chá'a yaphope éleñama m'a néxa xapop nak; etekkesek chá'a apkelyenma neyseksa ekmámeye; etekkesek chá'a éxchahayam eñama m'a appekkenmakxa nak.

Jeremías 14:22

¿Yetnéya neyseksa xama aqsok kéleykmássesso m'a ekmowána nak kamámeyaksek? ¿Awancheya káphaksohok agkok ekmámeye m'a yaphope? ¡Ma', Dios Wesse' egegkok! Xép chá'a apcháphasso m'a, xép chá'a apkelane xa ekyókxoho aqsok nak; ¡cháxa keñamak nélhaxanma nak negko'o exchep!