Génesis 10:5 - Biblia Enxet

⁵ Cháxa Jafet axta aptawán'ák neptámen xa, apheykencha'a axta neyáwa wátsam ekwányam. Apagkok apagko' axta han chá'a xapop, ektáhakxa nak chá'a apnámakkok apancha'awo', apkelpeywa apancha'awo' axta han chá'a xama apheykegkaxa'.

Génesis 10:5 Iomraidhean Croise

Génesis 10:20

Keso ektáha axta chá'a Cam aptawán'ák apagko' se'e, apagkok apagko' axta han chá'a xapop, ektáhakxa nak chá'a apnámakkok apancha'awo', apkelpeywa apancha'awo' axta han chá'a xama apheykegkaxa'.

Génesis 10:25

Keñe axta apweteya apqánet apketchek ma'a Éber, xama apwesey axta Péleg, hakte apkexpánchesamakpek axta apheykha énxet'ák ma'a aphamakxa axta; Joctán axta han apwesey m'a Péleg nak apyáxeg.

Génesis 10:32

Cháxa ektáha axta Noé apketchek apnámakkok apancha'awo' xa, ektáhakxa axta chá'a apnámakkok apancha'awo tén han aptawán'ák neptámen, keñe han xapop apagkok apagko'. Apkexpánmeyk axta ekyókxoho yókxexma keso náxop, natámen axta yegmen ekyawe, apxámáseykekxeyk axta pók aptémakxa énxet'ák keso náxop.

Génesis 10:4

Keso Javán axta apketchek se'e: Elisá, Tarsis, Quitim, tén han Rodanim.

Génesis 10:6

Keso Cam axta apketchek se'e: Cus, Misraim, Fut, tén han ma'a Canaán.

Génesis 9:19

Cháxa apqántánxo apketchek axta m'a Noé, apxámaseykekxo axta aptawán'ák neptámen apheykha keso náxop.

Ester 10:1

Apkeltamhók axta enegkenagkok selyaqye wesse' apwányam Asuero m'a énxet'ák apheykha nak makhawók wátsam ekwányam tén han ma'a egkexe étkók neyseksa wátsam ekwányam.

Salmos 72:10

¡Elsókásegmak sa' apkelmésso naqsa aqsok, tén han apcháncheseykekxa m'a kelwesse'e nak Tarsis, tén han ma'a egkexe étkók nak, tén han ma'a kelwesse'e apkelwányam nak Sabá, tén han ma'a Sebá!

Isaías 11:11

Exekmósek sa' makham apmopwána Wesse' egegkok apmako sa' enaqlanták makham énxet'ák apagkok apkeleymomap xa ekhem nak, apnaqlósawákxo sa' makham ma'a Asiria, Egipto, Patros, Etiopía, Elam, Sinar, Hamat tén han ma'a apkelókxa ekhéyak nak neyáwa wátsam ekwányam.

Isaías 24:15

Keñe sa' nahan ma'a apheykha nak teyapmakxa ekhem tén han ma'a apkelókxa ekhéyak nak neyáwa wátsam ekwányam, elteméssesek nahan apcheymákpoho m'a Wesse', cham'a Israel Dios apagkok nak.

Isaías 40:15

Máxa xama eksekkenmal'a yegmen entemék apkelányo énxet'ák ma'a Dios, ektémól'a m'a xóp ánek ekheykegkokxal'a m'a kañe' kelyetsátéyak; hawók apkelányo yagkamex keyetsék la'a m'a apkelókxa egkexe étkók ekhéyak nak neyseksa wátsam ekwányam.

Isaías 41:5

Apkelweteyak axta m'a énxet'ák apheykha nak neyáwa wátsam ekwányam, apkeláyók apagko' axta nahan; apkelyegwaktegkek axta énxet'ák ekyókxoho apheykegkaxa ekweykekxoho m'a mók néxa xapop nak. Apchágketchessa'ak kaxwo', apkelxegakme'.”

Isaías 42:10

Kólmeneykmásses Wesse' egegkok negmeneykmasso axnagkok; kólpeykesho kélheykha nak makhawók agko' keso náxop, cham'a kélxega nak chá'a neyseksa wátsam ekwányam tén han ma'a aqsok élleykha nak ma'a kañe', tén han ma'a apkelókxa ekhéyak nak neyáwa wátsam ekwányam yetlo m'a énxet'ák apheykha nak ma'a kañe'.

Isaías 42:4

Mellókasek sa' apyampé, meyelqakpek sa' nahan, ekwokmoho aptaqmelchessásekxo apheykha énxet'ák keso náxop. Eleyxmakha sa' chá'a nélxekmowásamáxche' apagkok ma'a énxet'ák apheykha nak neyáwa wátsam ekwányam.”

Isaías 49:1

Kóleyxho sekpeywa, kéxegke, kélheykha nak apkelókxa neyáwa wátsam ekwányam, kóltaqmelchesho kélháxenmo sekpeywa, kélheykha nak makhawók agko': Ewóneykha axta ko'o Wesse' egegkok matyeykemxa axta makham keso náxop; apxeyenmeyk axta sekwesey m'a sekyetnamakxa axta makham kañe' méme awáxok.

Isaías 51:5

Chágketwa'ak kaxwók ma'a ekpéwomo nentémakxa ahagkok, ketók kaxwók ekweykxa m'a nélwagkásamáxche teyp ahagkok; yetlo sekmowána sa' ko'o atnehek alanha m'a énxet'ák. Héleyxek sa' ko'o m'a énxet'ák apheykha nak apkelókxa neyáwa wátsam ekwányam, yásenneykxak sa' ma'a ektémakxa nak ko'o sekmowána.

Isaías 59:18

Egkések sa' chá'a Wesse' egegkok xama m'a ekpayhawo nak chá'a egkések; ellegássesagkohok sa' ma'a apkelenmexma nak. Egkések sa' chá'a ekpayhawo nak chá'a egkések ma'a aptaqnagko nak chá'a; kawakxohok sa' nahan ma'a apheykha nak apkelókxa neyáwa wátsam ekwányam.

Isaías 60:9

Yántakpayhe xa élmeyókmo nak kélhágkaxa, Tarsis yántakpayhe élyawe m'a élámha amonye'e nak élxegayam, makhawók apkelenyekták eknaqlántegkesa m'a énxet'ák kélagkok, yetlo m'a sawo ekyátekto élmomnáwa apagkok tén han ma'a sawo ekmope élmomnáwa, eñama m'a Wesse' kélagkok, Dios Aptaqmalma nak ma'a Israel, apteméssessama nak kéleymáxkoho.

Jeremías 2:10

Kólmeyekxa sa' ma'a neyáwa wátsam ekwányam nak Chipre ekpayho nak taxnegwánxa ekhem, kóllano sa'; kóláphés sa' nápakha kélápháseykha m'a Quedar, yaqwayam sa' etaqmelcheshok apkelányo, temegkek kexaha nahan ekhawo nak xa aqsok nak.

Jeremías 25:22

tén han ma'a apyókxoho kelwesse'e apkelwányam nak Tiro tén han Sidón; tén han ma'a apyókxoho kelwesse'e apkelwányam apkelókxa ekhéyak nak neyáwa wátsam ekwányam Mediterráneo;

Ezequiel 26:15

“Ektáhak ko'o seyáneya tegma apwányam Tiro s'e, ko'o sektáha nak Wesse': Elpexyennók sa' elyegweyk apkelleg'a enxoho éxtegyawà aptéyam xép ma'a énxet'ák apheykha nak apkelókxa neyáwa wátsam ekwányam, tén han apkelleg'a enxoho apkelápentega apkellegeykegkoho ekmáske m'a apkelyense nak, tén han aptekyawa m'a énxet'ák apagkok.

Ezequiel 26:18

Keñe kaxwók apkelpexyennama apkelaka apteyekmo m'a énxet'ák apheykha nak neyáwa wátsam ekwányam. Apkelyegwakkók apagko' kaxwók apmassegwokmo exchep ma'a énxet'ák apheykha nak egkexe étkók neyseksa wátsam ekwányam.”

Daniel 11:18

Keñe sa' ektamagkok han ma'a tegma apkelyawe aphéyak nak neyáwa wátsam ekwányam, elmok sa' han apxámokma m'a; xama sẽlpextétamo wesse' sa' eyke emasséssók xa ektémakxa nak megkannawagko, emegqaksek sa' ma'a wesse' apwányam apha nak nexcheyha.

Sofonías 2:11

Asagkók agko' sa' katnehek apteméssesakxa Wesse' egegkok ma'a énxet'ák nak. Emasséssók sa' ekyókxoho aqsok kéláyókxa nak chá'a m'a apchókxa, sa' aqsa wánxa kólpeykeshok chá'a ekyókxoho apheykegkaxa m'a, kawakxohok sa' ma'a énxet'ák apheykha nak neyáwa wátsam ekwányam.

Deuteronomio 32:8

Xama axta apkelmeyáseykegko chá'a xama xama xapop apagkok énxet'ák tén han apkelókxa m'a Meyke nak Ekhémo, appekkenchek axta chá'a néxa apkelweynchámeykegkaxa m'a énxet'ák. Xénchek axta eyke apwáxok ma'a israelitas,