Génesis 10:2 - Biblia Enxet

² Keso Jafet axta apketchek se'e: Gómer, Magor, Madai, Javán, Tubal, Mésec, tén han Tirás.

Génesis 10:2 Iomraidhean Croise

Génesis 10:1

Keso Sem, Cam tén han Jafet axta aptawán'ák neptámen, Noé axta apketchek. Apkelweteyak axta apketchek apancha'awók natámen axta yegmen ekyawe.

Génesis 10:21

Apweteyak axta han apketchek ma'a Sem, apepma axta m'a Jafet, Sem aptawán'ák neptámen axta m'a apyókxoho nak Éber apketchek.

Génesis 9:27

Dios sa' egkések Jafet apketchek apmopwána esawhekxohok yókxexma, exek sa' han ma'a apxagkok nak Sem, apchásenneykha naqsa sa' etnehek ma'a Canaán.”

2 Reyes 17:6

Keñe ekweykmo axta nueve apyeyam apteme wesse' apwányam Oseas, apmomchek axta wesse' apwányam Asiria m'a Samaria, keñe axta apkelmoma israelitas apnaqleykekxo Asiria, apkelhésseykmek axta m'a Halah, yókxexma nak Habor, wátsam nak Gozán, keñe han ma'a tegma apkelyawe apagkok nak medos.

Salmos 120:5

¡Eyóse' nak la'a ko'o sekha nak Mésec megkatnahakxa seyókxa, sekpakxanma nak nepyeseksa m'a énxet'ák Quedar!

Isaías 66:19

Agkések sa' ko'o xama aqsok magkenatchesso. Wohok sa' elxeganmok nápakha keñe sa' aláphaksek ma'a apheykegkaxa nak chá'a pók aptémakxa énxet'ák: cham'a Tarsis, Libia tén han ma'a Lidia, apkelókxa, apmopwancha'a nak elmaha m'a yágke, tén han ma'a Tubal, Grecia tén han ma'a apkelókxa makhawók agko' nak, neyáwa nak ma'a wátsam ekwányam, cham'a, mellegaya nak ko'o makham axénaxche', melweteya nak makham ma'a seyeymáxkoho; Sa' ellegaksek nepyeseksa pók aptémakxa énxet'ák seyeymáxkoho m'a.

Ezequiel 27:19

Yókxexma Uzal axta kañék chá'a kélseykentegkesso m'a anmen yámet égmenek ekyaqmageykekxa m'a aqsok apkexeykekxa, tén han ma'a sawo ekyentaxno kélpenchesso nak kéllane, tén han ma'a yámet émpe'ék ekmátsal'a ekpaqneyam tén han ma'a yámpa'at ekmátsal'a ekpaqneyam.

Ezequiel 27:7

Keñe axta apáwa apagkok kélpeykeseykekxa nak chá'a néten aptáha m'a apáwa apkeláxñe kéleykmassáseykha nak chá'a kélótma apkeñama nak ma'a Egipto, apáwa kélmakheyáseykha néten apagkok axta nahan apteméssessók ma'a; tén axta kélpakxenchesso nak chá'a aptáha m'a apáwa hómáyok tén han apyexwase, apkeleñama axta kélseykenta m'a nekha wátsam ekwányam Elisá.

Ezequiel 32:26

“Cháxa Mésec apyetna nahan xa tén han Tubal, apyókxoho m'a sẽlpextétamo apagkok, apwakhayak ma'a takhaxpop apagkok nak, cham'a apyókxoho énxet'ák melya'áseyak nak Dios, apkeletsapma axta neyseksa kempakhakma, apkelyegwakkáseykencha'a axta chá'a m'a énxet'ák meletsapma nak.

Ezequiel 38:15

yenyeyk ma'a xapop apagkok nak, eyátépexa agko' nak ma'a nexcheyha, yetlo apkelxegexma'a m'a sẽlpextétamo apkelyennaqte apxámokma nak tén han ma'a apkelchánte nak yátnáxeg,

Ezequiel 38:2

“Xép énxet, epayhekxoho kaxwók ma'a ekpayho nak apkelókxa Magog, eltennés sa' yaqwánxa ko'o atnéssesek seklegassáseykegkoho m'a Gog, apkemha apmonye' ekyawe kéláyo nak ma'a yókxexma Mésec tén han ma'a Tubal.

Ezequiel 38:6

Tén sa' nahan ma'a apyókxoho sẽlpextétamo apkeleñama nak Gómer tén han ma'a Bet-togarmá, eyátépexa agko' nak ma'a nexcheyha, cham'a énxet'ák apxámokma appasmeykekxa nak xép.

Ezequiel 39:1

“Xép akke énxet, eltennés sa' yaqwánxa ko'o atnéssesek ma'a Gog. Etne sa' yának se'e: ‘Keso aptáhakxa exchek appeywa Wesse' egegkok se'e: Gog, apkemha apmonye' ekyawe kéláyo nak ma'a yókxexma Mésec tén han Tubal, ekxénchek ko'o exchep aptáha sénmexma.