Génesis 1:6 - Biblia Enxet

⁶ Aptáhak axta makham Dios se'e: “Katyep xama ekméyak neyseksa yegmen, yaqwayam keytek ánet ekyetnamakxa yegmen.” Temék axta han xa.

Génesis 1:6 Iomraidhean Croise

Génesis 1:14

Keñe axta natámen aptáha makham Dios se'e: “Kalántép élápogwate m'a néten, yaqwayam kalsaksexma keso náxop, yaqwayam keytnakhaksek ekhem tén han axta'a, yaqwayam sa' han chá'a kólya'asagkohok ekhem, tén han apyeyam nak, tén han ekpekkenamaxchexa nak chá'a ekhem megkólwagqayam.” Temék axta han xa.

Génesis 1:20

Aptáhak axta makham Dios se'e: “Kaxámekxa neygmen ekyókxoho mók ektémakxa nak aqsok élleykha nak neygmen, kalántép nahan náta élchampeykha nak néten xapop.” Temék axta han xa.

Job 26:13

Apwátekhapma keñamak apcháxñáseykekxo néten; apchaqhe apagko' aptemék ma'a yéwa ketók ekxegáneykenxa nak.

Job 37:11

Elyetmok chá'a yegmen ma'a yaphope nak, etekkesek han chá'a apkelyenma m'a;

Job 37:18

¿Apwancheya exchep epasmok Dios appékesso néten, tén han énnaqtések ektémól'a sawo éláxñe?

Salmos 104:2

apchaqlamakpek élseyéxma, ektémól'a negaqlamaxche'. ¡Appeykessegkek xép néten ektémól'a apáwa kélapmal'a!

Salmos 148:4

¡Néten, netno' agko' nak, kólpeykesho Wesse' egegkok, xe' han yegmen ekyetnama nak néten ma'a yaphope!

Salmos 150:1

¡Aleluya! ¡Kólpeykesho Dios ma'a tegma appagkanamap apagkok nak! ¡Kólpeykesho m'a apmopwána ekwetamaxko nak ma'a néten!

Salmos 19:1

Néten senxekmósso negko'o Dios apcheymákpoho, yaphope ekyápaqmate séltennasso m'a aqsok apkelane nak.

Salmos 19:2

Kaltennasha chá'a mók ma'a ekhem; kaxénekxohok chá'a axta'a kaltennasha m'a mók axta'a.

Salmos 33:6

Appeywa axta keñamak Wesse' egegkok apkeláneya m'a néten, apwátekhapma axta keñamak élánteyapma m'a ekyókxoho aqsok élápogwáteyák nak néten.

Salmos 33:9

Hakte appaqmeyesmeyk axta m'a, keñe élánamáxko ekyókxoho aqsok; apkeltémok axta katnehek, yetlómok axta han élánteyapma.

Eclesiastés 11:3

Kelyaweykxeyk agkok yaphope, keytlawhok nahan ekmámeye keso náxop. Kelyaqnenágkek agkok yenta'a ekpayho nak nexcheyha, essenhan ekpayho nak nepyeyam, kaxnagkokxa aqsa chá'a m'a élyaqnenakxa enxoho.

Isaías 40:22

Aphegkek Dios ma'a teyp yaphope eyapma nak keso náxop, máxa séta nahan aptemék apkeláneykencha'a m'a énxet'ák. Máxa kélpakxanma aptemék appeykessama yaphope m'a néten, máxa kélpakxanma aptemék appeykessama, negmowánal'a anxek ma'a kóneg.

Jeremías 10:10

Wesse' egegkok apteme Dios apmámnaqsoho, Dios megyetsapma, Wesse' apwányam memassegwayam. Aplókek agkok ma'a, kayawheykha chá'a xapop; mopwanchek elenmaxakpohok aplo m'a pók aptémakxa énxet'ák.

Jeremías 51:15

Yetlo apmopwána axta apkelaneyk Wesse' egegkok xapop; yetlo apya'áseykegkoho axta appekkenmak nélwanmégkaxa; yetlo apmopwána aqsok axta appeykessók ma'a néten.

Zacarías 12:1

Keso appeywa axta Wesse' egegkok se'e, apxéna m'a Israel. Aptáhak Wesse' egegkok se'e, appeykesso nak ma'a néten, appekkenma nak awhak ma'a xapop, apmésso nak apyennaqte m'a énxet: