Génesis 1:1 - Biblia Enxet

¹ Apkelanak axta sekxók amonye' Dios néten tén han náxop.

Génesis 1:1 Iomraidhean Croise

2 Reyes 19:15

axta aptáhak apkelmaxneya s'e: “Wesse' egegkok, Dios nak Israel, apteme nak Wesse' étseksa'ák ma'a apkelásenneykha ekha nak apxempenák apheykha néten: xép apwánxa apagkok apteme Dios ekyókxoho apkelókxa keso náxop; xép axta apkelane m'a néten tén han keso náxop.

1 Crónicas 16:26

Mékoho m'a aqsok apcháyókxa nak chá'a pók énxet'ák, Wesse' egegkok axta eyke apkelane néten.

2 Crónicas 2:11

Keñe axta Hiram, wesse' apwányam axta m'a Tiro, apcháphássesa Salomón aptáxésso aptáha apcháneya s'e: “Wesse' egegkok apteméssessók xép wesse' apwányam apagkok ma'a israelitas, hakte apkelásekhayók ma'a énxet'ák apagkok.”

Nehemías 9:6

Keñe axta Esdras aptáha s'e: “Xép apteme Wesse' egegkok, méko pók. Xeyep apkelane néten, tén han ma'a ektáhakxa nak netnók agko', yetlo m'a apyókxoho yaw'a; xép apkelane xapop, tén han ma'a ekyókxoho aqsok ekhéyak nak ma'a, tén han ma'a wátsam élyawe nak, tén han ma'a ekyókxoho aqsok ekhéyak nak kañe'. Xép apmésso élyennaqte m'a ekyókxoho aqsok. Cháxa keñamak apkelpeykessamo nak xép ma'a yaw'a apheykegko nak néten.

Job 26:13

Apwátekhapma keñamak apcháxñáseykekxo néten; apchaqhe apagko' aptemék ma'a yéwa ketók ekxegáneykenxa nak.

Job 38:4

¿Háxko axta aphakxa exchep séláneya axta ko'o s'e náxop? ¡Héltennés sa' apya'ásegkoho enxoho naqso'!

Job 9:8

Meyke ekpasmo axta appeykessók ma'a néten, tén han apkelteyammeykencha'a m'a yegmen askok ekyawe ekyetnama nak wátsam ekwányam.

Salmos 102:25

Appekkenmeyk axta xapop ma'a sekxók eyeynókxa axta; xép apagko' axta apkelane m'a néten.

Salmos 104:24

¡Wesse', xamók agko' xép aqsok apkelane! Yetlo apya'áseykegkoho apkelanék ma'a ekyókxoho nak; ¡sawheykekxók ekyókxoho xapop ma'a aqsok apkelane!

Salmos 104:30

Apméssek agkok ma'a apkennama segméssamo nak negyennaqte, eyke peya kalanaxchek ma'a, cháxa aptémakxa nak chá'a exchep etnessásegkokxak axnancha'ák aqsok keso náxop.

Salmos 115:15

Etaqmelchessesek sa' kéxegke kélheykha m'a Wesse' egegkok, apkelane nak néten tén han keso náxop.

Salmos 121:2

Sa' kañék ko'o sepasmo m'a Wesse' egegkok, apkelane nak néten, tén han keso náxop.

Salmos 124:8

Wesse' egegkok chá'a kañék sempasmo, apkelane nak néten, tén han keso náxop.

Salmos 134:3

¡Epasmok sa' Wesse' egegkok apkelane nak néten, tén han keso náxop, cham'a aphamakxa nak egkexe Sión!

Salmos 136:5

Apkelane nak néten, yetlo apya'áseykegkoho, hakte megkamassegwomek chá'a segásekhayo.

Salmos 146:6

apkelane nak néten, xapop, wátsam ekwányam, tén han ekyókxoho aqsok ekhéyak nak kañe'. Mepeynchámekxeyk appeywa m'a.

Salmos 33:6

Appeywa axta keñamak Wesse' egegkok apkeláneya m'a néten, apwátekhapma axta keñamak élánteyapma m'a ekyókxoho aqsok élápogwáteyák nak néten.

Salmos 33:9

Hakte appaqmeyesmeyk axta m'a, keñe élánamáxko ekyókxoho aqsok; apkeltémok axta katnehek, yetlómok axta han élánteyapma.

Salmos 8:3

Élanawók agkok chá'a m'a néten, ektáha axta exchep apkelane, tén han pelten tén han ma'a yaw'a apnegkenma axta m'a,

Salmos 8:4

katnehek chá'a élchetamso ewáxok se'e: ¿Yaqsa m'a énxet? ¿Yaqsa m'a nentáha nak énxet? ¿Yaqsa ektéma ekxéneykencha'a nak chá'a apwáxok ma'a, tén han ekyetnakhassamo nak chá'a apwáxok?

Salmos 90:2

Xép apteme Dios eyeynamo m'a nanók agko' axta, meláneykxa axta makham ma'a egkexe, tén han xapop, tén han keso nélwanmeygkaxa, etnehek sa' eyke chá'a Dios meyke néxa.

Salmos 96:5

Mékoho m'a aqsok apcháyókxa nak chá'a pók énxet'ák, Wesse' egegkok axta eyke apkelane néten.

Éxodo 20:11

Hakte weykmek axta apkelane Wesse' egegkok seis ekhem ma'a néten, tén han keso náxop, tén han ma'a wátsam ekwányam nak, tén han ma'a ekyókxoho aqsok ekhéyak nak ma'a kañe', tén axta apkellókasa apyampe m'a ekhem siete. Cháxa keñamak apteméssessama nak ektaqmalma Wesse' egegkok ma'a ekhem sábado, apteméssessek axta nahan ekhem ekpagkanamaxche'.

Éxodo 31:18

Xama axta apsawha appaqhetchesso Wesse' egegkok Moisés ma'a néten egkexe nak Sinaí, apkelméssek axta ánet meteymog élpayhe apnaqtáxésso apagko' axta segánamakxa m'a Dios.

Proverbios 16:4

Apkeláneyak axta Wesse' egegkok ekyókxoho aqsok yaqweykenxa chá'a etnéssesek: weykmók han apkelane m'a énxet ekmaso nak aptémakxa, yaqwayam sa' eñássesagkohok ma'a ekhem nélyekpelchamáxchexa sa'.

Proverbios 3:19

Yetlo apya'áseykegkoho aqsok axta apkeláneya Wesse' egegkok ma'a néten, apmopwána aqsok axta han keñamak apkeláneya náxop;

Eclesiastés 12:1

Kaxén apwáxok ma'a aptáha axta exchep Apkelane, keso aptáhakxa nak makham apketkok, mewánxa nak makham ekhem ekyentaxnakxa negha; kammok sa' apyeyam yaqwayam etnehek appeywa s'e: “Mehepeykessáseykekxak ko'o ewáxok ektémakxa sekha.”

Isaías 37:16

“Wesse' ekha apyennaqte, Israel Dios apagkok, apteme nak Wesse' étseksa'ák ma'a apkelásenneykha ekha nak apxempenák apheykha néten, xép apwánxa apagkok apteme Dios ekyókxoho apkelókxa keso náxop; xép axta apkelane m'a néten tén han keso náxop.

Isaías 40:21

¿Yagkólya'ásegkok kéxegke? ¿Yagkóllegeyk kaxénaxche'? ¿Yagkóltennáseykha m'a sekxók eyeynókxa axta? ¿Yagkólya'ásegkok sekxók axta élánamáxko keso nélwanmégkaxa?

Isaías 40:26

Kólsekhekxoho néten, kóllano: ¿Yaqsa axta élane xa ekyókxoho nak? Cham'a apkexpánchesso axta chá'a xama xama m'a yaw'a tén han apnegkenchesso axta chá'a apkelwesey m'a apyókxoho nak. Awanhók agko' ma'a apmopwána tén han apyennaqte, méko xama enxoho apkeymomap.

Isaías 40:28

¿Yagkólya'ásegkok? ¿Yagkóllegeyk nahan? Wesse' egegkok apteme Dios memassegwayam, apkelane ekyókxoho keso nélwanmeygkaxa, meyelqamap tén han meyampé, méko néxa m'a ektémakxa nak apmopwána aqsok.

Isaías 42:5

Aptáhak apcháneya apkeláneykha Dios se'e, Dios apkelane axta m'a néten tén han appeykesso axta, apkelane axta m'a xapop tén han apkelántekkesso axta aqsok ekhéyak nak ma'a awáxok, apmésso nak apkelyennaqte tén han apkelennama m'a énxet'ák apheykha ma'a kañe':

Isaías 44:24

Keso aptáhakxa nak appeywa Wesse' egegkok se'e, apwagkasso nak teyp, apkelane axta apyetnamakxa m'a kañe' egken awáxok: “Ko'o sekteme Wesse', sélane ekyókxoho aqsok, ko'o axta sekpeykesso m'a néten, tén han sekpekkenma m'a xapop meyke sepasmo.

Isaías 45:18

Aptáhak appeywa ektáha axta apkelane néten se'e, cham'a apteme nak Dios, tén han Wesse' egegkok, apkelane axta xapop tén han aptekkesso axta, ektáha axta appekkenma, apkeláneya axta háwe yaqwayam keytek aqsa meyke aqsok ma'a kañe' yaqwayam exek nahan énxet ma'a: “Ko'o sekteme Wesse', méko pók.

Isaías 51:13

¿Péya kalwagqamagkok ma'a Wesse' kélagkok, ektáha axta apkelane, ektáha axta nahan appeykesso néten ma'a yaphope tén han apkelane m'a xapop? ¿Péya kólpexyennók aqsa chá'a kélaye yókxoho ekhem eñama apkeltaqnawéyak ma'a ektáha nak chá'a apnaqtawáseykegkoho, appencheséyak nak aptamhágkaxa yaqwayam emasséssók? ¿Háxko eyke ekyetnakxa xa apkello nak?

Isaías 51:16

ekpeykessegkek axta ko'o m'a néten éláneyak axta nahan xapop. Ekméssegkek axta ko'o exchep nélxekmowásamáxche ahagkok, eyáhakkassegkek axta emék sekmasma. Axta ektemék ko'o sélanagkama énxet'ák apheykha nak Sión se'e: ‘Kéxegke kélteme énxet'ák ahagkok.’”

Isaías 65:17

“Alának sa' ko'o axnagkok néten tén han axnagkok xapop. Kalwagqamaxchek sa' ma'a aqsok nentámen axta, méko sa' kaxénwakxohok awáxok ma'a.

Jeremías 10:12

Yetlo apmopwána axta apkelaneyk Wesse' egegkok xapop; yetlo apya'áseykegkoho axta appekkenmak nélwanmégkaxa; yetlo apmopwána aqsok axta appeykessók ma'a néten.

Jeremías 32:17

Wesse', yetlo ekyawe apmopwána axta exchep apkelanék néten tén han keso náxop. Méko xama aqsok megkapwagkexa elának xép.

Jeremías 51:15

Yetlo apmopwána axta apkelaneyk Wesse' egegkok xapop; yetlo apya'áseykegkoho axta appekkenmak nélwanmégkaxa; yetlo apmopwána aqsok axta appeykessók ma'a néten.

Zacarías 12:1

Keso appeywa axta Wesse' egegkok se'e, apxéna m'a Israel. Aptáhak Wesse' egegkok se'e, appeykesso nak ma'a néten, appekkenma nak awhak ma'a xapop, apmésso nak apyennaqte m'a énxet: