Éxodo 9:9 - Biblia Enxet

⁹ Ánek agko' sa' katnekxak ma'a táhap nak, kasawhekxohok sa' ekpánma m'a ekyókxoho kañe' apchókxa, kalántekkesek sa' nahan apyempe'ék tasqapma m'a apyókxoho énxet'ák tén han aqsok kélnaqtósso m'a Egipto.

Éxodo 9:9 Iomraidhean Croise

Job 2:7

Yetlókok axta ekteyapma aphakxa Wesse' egegkok ma'a aqsok ekmowána nak hensexnena', cha'ak axta Job negmasse ekmaso agko', sawheykxók axta ekyókxoho apyempehek.

Éxodo 9:10

Apkelmágkek axta táhap xama táxa axagkok ma'a Moisés tén han Aarón, keñe apkelxega apteyánegwákxoho m'a faraón. Yetlókok axta nahan apkexakha néten Moisés ma'a táhap, kelántépegkek axta nahan apyempe'ék tasqapma m'a énxet'ák tén han ma'a aqsok kélnaqtósso.

Éxodo 9:8

Keñe axta Wesse' egegkok aptáha apkeláneya Moisés tén han Aarón: —Kólma sa' táhap xama táxa axagkok, xama kélmek sa' chá'a kóltéhek, tén sa' Moisés yexpánchesek ekxák néten nápaqtók ma'a faraón.

Deuteronomio 28:27

“Yahak sa' kéxegke hó táxa m'a Wesse' egegkok, apteméssessama axta m'a egipcios, yetlo tasqapma, nélyensómaxche tén han weygké, megkóltaqmelwomek sa' nahan kéxegke ektáha enxoho xa negmasse nak.

Deuteronomio 28:35

Elántekkessesek sa' kéxegke Wesse' egegkok hó táxa ekmaso m'a kéltapnák tén han kélexchakkok tén han ma'a ekyókxoho kélyempe'ék, megkóltaqmelwomek sa' nahan.