Éxodo 9:10 - Biblia Enxet

¹⁰ Apkelmágkek axta táhap xama táxa axagkok ma'a Moisés tén han Aarón, keñe apkelxega apteyánegwákxoho m'a faraón. Yetlókok axta nahan apkexakha néten Moisés ma'a táhap, kelántépegkek axta nahan apyempe'ék tasqapma m'a énxet'ák tén han ma'a aqsok kélnaqtósso.

Éxodo 9:10 Iomraidhean Croise

Éxodo 9:11

Keñe m'a énxet'ák apmopwancha'a axta nahan chá'a etekkesek aqsok, mopwancha'ak axta apmako elanagkok nápaqtók ma'a Moisés, hakte hawók axta nahan ektáhakxa m'a apyókxoho nak egipcios, tamhágkek axta nahan tasqapma.

Éxodo 9:8

Keñe axta Wesse' egegkok aptáha apkeláneya Moisés tén han Aarón: —Kólma sa' táhap xama táxa axagkok, xama kélmek sa' chá'a kóltéhek, tén sa' Moisés yexpánchesek ekxák néten nápaqtók ma'a faraón.

Éxodo 9:9

Ánek agko' sa' katnekxak ma'a táhap nak, kasawhekxohok sa' ekpánma m'a ekyókxoho kañe' apchókxa, kalántekkesek sa' nahan apyempe'ék tasqapma m'a apyókxoho énxet'ák tén han aqsok kélnaqtósso m'a Egipto.

Deuteronomio 28:27

“Yahak sa' kéxegke hó táxa m'a Wesse' egegkok, apteméssessama axta m'a egipcios, yetlo tasqapma, nélyensómaxche tén han weygké, megkóltaqmelwomek sa' nahan kéxegke ektáha enxoho xa negmasse nak.